鮨亭 (Closed)

以這個位置及附近有多間不同種類嘅食店嚟講，呢間價錢絕對唔算叫平。但以食日本嘢嚟計，D刺生都幾新鮮，中午食lunch唔算多人，環境不錯，真真正正想平日中午可清清靜静地食個午餐，呢間都係一個唔錯嘅選擇。

搬咗嚟屯門一年都聽講呢一間日本居酒屋喺區內比較出名嘅，今日係假期就決定去試一至五工作已經好唔順利，所以假日就想食返餐好少少嘅慰勞自己點咗一個都算叫做出名嘅三色丼首先壽司飯刺身了充足，仲有我最鍾意嘅三文魚子跟餐有兩嚿餃子，細細舊不過OK脆幾好食另外有一細杯麵豉湯同埋一杯凍嘢飲都OK嘅，個人嚟講好唔鍾意佢哋話要食夠$200先至可以用其他支付方法，明明喺店舖入面可以話收支付寶信用卡等等，店員知道我冇足夠嘅現金，口面即刻變得比較難睇，最後佢比我用PayMe埋單⋯⋯會唔會再幫襯真係要再睇緣份

一到餐廳門口，見到上高位置掛咗一排燈籠🏮，配合埋木系裝修，真係好似去咗日本咁~ 店員好貼心，當客人坐低時會開大風扇。餐廳主要食魚生丼、拉麵、定食等等，定食套餐仲包兩隻日本餃子、麵豉湯及檸檬綠茶~ 如果餐牌上無心水嘅魚生丼組合，仲可以自選三款刺身做你想要嘅魚生丼👍🏻 呢到嘅刺身好鮮甜，醋飯都好好食，會再嚟！😋

星期二的晚上又約了好友相聚。身為「日本迷」的朋友主動帶路，來到這家帶有日式居酒屋風格的「鮨亭」。可能餐廳位處小區內，抵達時店內人客量不多。但寧靜優雅的環境更適合和友人把酒一番，促膝長談。（現場所見，店內有包房的。）餐牌上已囊括了大部分日本菜式：如剌身、壽司卷物、串燒、天婦羅等等。擺碟精美的一款沙律，甜蝦剌身放在最頂點綴，拍出來的照片會更出色呢。主角沙律菜新鮮，配了黑醋後味酸醒胃。配角剌身份量不多，味道不過不失，但質素當然不及獨立作剌身上場的那些了。海鮮三式分別是鮑魚、帶子和大蝦，每樣2-3件，適合筆者這類有選擇困難、樣樣想試的人。不得不說原來天婦羅在日本是屬於高級料理，而今晚食到的天婦羅入口香脆，不算太油膩，但略嫌炸粉有點過厚。燒香的雞軟骨串配以檸檬汁，惹味中來點小清新。對比其他味菜，這碟相對較為普通，筆者認為定價有一點進取。打卡用一流的丼飯，三色包括了海膽、三文魚子以及碎吞拿魚腩。三色剌身舖滿在丼飯面，尤如一座剌身山，甚為吸睛。另一面的丼飯滿佈著碎吞拿魚腩。丼飯的三文魚子頗新鮮，咸咸的；而海膽感覺入口即溶，甜中帶甘。碎吞拿魚腩亦蠻肥美，配以壽司醬油後送飯一流呢。不過，賣相雖美但進食有

今日置樂花園探朋友，聽朋友介紹樓下間日式餐廳唔錯，我朋友咁咀刁，佢介紹得就一定唔錯，所以就試試飯佢。店鋪位於門位青善街，位置比較清幽，附近有停車場，適合駕車人士。店外裝修都用了大量燈籠和木質材料，睌上看到感覺十分柔和。進入店內時服務員很有禮貌，安排我們位置坐好後還會報以甜美的微笑，令我聯想起在日本旅遊時，日本人有禮的代客方式。好了進入正題，我和朋友分別點了個原隻龍蝦海膽丼，三色丼，一份野菜三色天婦羅和中拖羅。先講前菜：天婦羅炸的皮薄內軟，口感滿分， 菇類蔬菜味道清淡， 十分適合做前菜，另外的中拖羅分量略小，但始終是較貴食材，分量不能要求太多，但放入口內入口即溶和湧出內的魚香味，實在令人食指大動。終於到主菜了，我叫的三色丼，海膽，三文魚子，吞拿魚蓉鋪滿整個飯面，我要先吃一點刺身，才可以吃到底下的飯，份量十足。另外看我朋友的原隻龍蝦，不單是原隻，師父還細心的拆了龍蝦的縠，令享用食時不用落手去拆，這樣的貼心服務，真的值得再讚。整體價錢在屯門區偏向中價，但環境，食物和服務水準，絕對物有所值，值得推介。

是日放工比較早，於是去咗屯門會合屋企人去食飯，由於佢係康景花園附近，所以想係呢邊解決晚餐再番去。呢頭一帶都幾多日本餐廳同小菜店家，經過呢間「鮨亭」門口餐牌啲晚餐幾吸引就入去睇睇，平日唔算太多人，坐得幾舒服。睇左陣餐牌就柯打咗一個一人前晚餐、鮨亭刺身太卷同三色丼。最先到嘅係太卷，雖然眼下只有四件，但每件嘅份量好大，用咗劍魚、池魚、三文魚、沙律醬菜做餡，都可以話非常足料，碟邊仲有少少柚子汁點蘸，不俗。接住一人前嘅沙律、吉列豬、麵豉湯最先到，沙律菜新鮮，對一人而言份量有多，而且內裡加入咗少許醬汁醋，食落開胃；吉列豬外皮炸得酥脆值得讚，內裡不足係，個人覺得豬肉調味唔夠，點沙律醬食兩舊有啲溜同乾，如果係配吉列燒汁可能更佳。而麵豉湯雖然係易煮嘅菜式，但每間餐廳嘅味道可以各有不同，呢度麵豉湯調味幾濃郁，成晚呢個湯真係功不可抹，有時食魚生都會好溜，飲淡湯消解呢種感覺又可以繼續食。其後賣相絕佳嘅三色丼到，丼飯裡面包括有三文魚籽、吞拿魚魚蓉、同海膽。意想不到地三色丼夠哂多料，一大注海膽係面，簡直大滿足。唔知由幾時開始鐘意食海膽，入口鮮甜濃厚，撈埋飯食一流。間中加少少三文魚籽一齊食，又多一種鮮味，兩個層次。