Video
Read full review
2010-08-26
119 views
屋企人打完牌，我地提議到南翔，因為上海菜大部人都岩食，上次食完，咁既份量都算抵，而且我地有優惠可以送甜品桂花拉糕。我地七個大人，叫左個四人餐再加餸，唔好以為好少，其實都好飽，所以其實真係幾抵食。先叫茶，呢度規定每人都要揀一個茶，但如果你叫餐因為包茶，所以可免四位，仲可以叫多杯豆漿添，所以叫餐真係抵ｄ架。桂花烏龍同雲南舊普洱我地覺最好飲，除左揀一壺之外，可選每人一少杯唔駛爭，好好呢。以下係套餐菜式：頭盤二選一，椒鹽腰果酥和蘿蔔絲酥餅找地選了後者。蘿蔔絲酥餅上面好多白芝麻，皮幾酥，中間係白蘿蔔絲，都唔錯，同上次食過的椒鹽腰果酥比味道是不相百仲，但我會覺得椒鹽腰果酥特色ｄ。蟹黃白玉卷個樣好似咖哩角，剛炸完好熱，三角形的白玉卷一咬開裡面的蟹肉流出來，幾好味，但就唔多似係蟹黃同埋蟹份量不多。南翔糟雞其實即係醉雞，雞件部位都幾好，酒味都入到雞，但皮厚左ｄ，但作為頭盤既冷盤都唔錯。三鮮豆腐羮好多下，我地咁多人都可以一人一小碗，如果真係四個人可能每人有兩碗呢。豆腐切得好細粒，仲有幾隻都唔算細既大蝦，個羮幾夠味又唔會太稀，唔錯。糖醋魚塊相比起就細碟ｄ，一人都未必有一件，當然如果係四個人食就無問題啦。魚塊
我地七個大人，叫左個四人餐再加餸，唔好以為好少，其實都好飽，所以其實真係幾抵食。
先叫茶，呢度規定每人都要揀一個茶，但如果你叫餐因為包茶，所以可免四位，仲可以叫多杯豆漿添，所以叫餐真係抵ｄ架。桂花烏龍同雲南舊普洱我地覺最好飲，除左揀一壺之外，可選每人一少杯唔駛爭，好好呢。
以下係套餐菜式：
頭盤二選一，椒鹽腰果酥和蘿蔔絲酥餅找地選了後者。蘿蔔絲酥餅上面好多白芝麻，皮幾酥，中間係白蘿蔔絲，都唔錯，同上次食過的椒鹽腰果酥比味道是不相百仲，但我會覺得椒鹽腰果酥特色ｄ。
蟹黃白玉卷個樣好似咖哩角，剛炸完好熱，三角形的白玉卷一咬開裡面的蟹肉流出來，幾好味，但就唔多似係蟹黃同埋蟹份量不多。
南翔糟雞其實即係醉雞，雞件部位都幾好，酒味都入到雞，但皮厚左ｄ，但作為頭盤既冷盤都唔錯。
三鮮豆腐羮好多下，我地咁多人都可以一人一小碗，如果真係四個人可能每人有兩碗呢。豆腐切得好細粒，仲有幾隻都唔算細既大蝦，個羮幾夠味又唔會太稀，唔錯。
糖醋魚塊相比起就細碟ｄ，一人都未必有一件，當然如果係四個人食就無問題啦。魚塊同普通炸魚無乜分別，味道就過酸，無飯真係難攪ｄ，是唯一唔係咁岩口味的一碟。
回鍋肉唔算好辣，肉是肉片五花腩部份，有肥有瘦，個汁同菜用黎撈飯更加好味，不過食到最後都幾油，最好趁熱食啦。
清炒時蔬我地叫左紹菜，紹菜切完不是很大件，只用鹽同上湯黎炒已經好好食，清清地作為全晚唯一的菜很好呢。
蝦仁雞火炒飯炒得粒粒分明，蝦仁同雞粒同飯比例剛好，炒得真係幾好食，碟飯帶少少咸香，很開胃呢。
高力豆沙店員幫我地每隻一開二，真好，豆沙同蛋白比較適中，算正常啦。
餐包四杯豆漿，豆漿幾濃又有豆味，甜度適中，真係唔錯。
小籠包是另叫的，呢度個皮係厚ｄ，但內涵幾好，多汁唔易穿，收貨啦。
上海炒年糕即係雪菜肉絲炒年糕，但唔係清炒而係用豉油炒，炒得均衡，件件年糕都有豉油，今次的味道好過清炒，但配料就少ｄ囉。
桂花拉糕是用MTR住戶証送的，今次沒上次好食，桂花很少，而且只送四件，送既應該同個餐無關係吧？我地可是七個人啊～
在荃灣，京川滬菜吃過翔龍多人得黎又唔係特別好食，上海婆婆多人得黎好多餸都過咸，金榜更係轉埋手，最好既，可能真係南翔人龍唔太長，價錢合理，味道不錯。我地會再黎幫襯的。
Post
