鳴越越式料理

Open Now

Now Closed

累累的工作了一天，放工同同事去食完晚飯才回家，順便要吐苦水行行下見到有越南餐廳，正合我們口味落樓梯入到去，座位都幾廣闊，二人入座可坐4人座位，非常舒適望望餐牌，我們分別點了兩個套餐，包熱餐飲，再加了個小食：越式春卷等左一陣，就好快上了小食同熱飲越式春卷：一共四條，配上生菜數片，包住香脆的春卷食很好，不太油膩，可以點些甜酸汁更好吃😋下龍灣海鮮炒金邊粉：碟炒粉賣相好靚，同埋都幾大碟，好多海鮮配料：蝦、青口、魷魚、蟹柳等，配有青蔥同洋蔥，想吃辣的，可加些辣椒醬，更加香口美味，金邊粉都炒得唔錯，不是碎濕濕，味道也不會太咸馬拉盞芥蘭炒豬頸肉配白飯：出乎預料的好吃！馬拉盞味重，同平時食的有些不同，但香味四溢，炒菜好爽口，豬頸肉不肥而且充滿了馬拉盞味道，送飯食一流👍🏻食下講下原來都坐左好耐，有些音樂背景，幾舒服，下次可再來食飯傾計😆

2020年7月2日 星期二為左慶祝考車成功加上呢日又難得地早收工，就同女朋友出去上環行下街，睇下有咩好野食行到嗚越前面突然心思思想食越南野，巧合地女朋友都有差不多既諗法，所以好自然就衝左入去可能時間尚早，仲未有太多人，裡面裝修得幾有特色，似係越南風格，牆上面有好多幅唔同既掛畫餐牌方面見到有套餐可以揀，款式仲要係幾多，我哋每人叫咗一個套餐加杯飲品首先黎既係我叫既越南火車頭，餐牌寫住嘅係一人份量，但係黎既時間都幾大碗，裡面有好多唔同既配料，大部分都係牛唔同既部位，例如牛筋、牛𦟌、牛丸等等，當中最欣賞係生熟牛肉，本身放係碗上面既係生牛肉，而浸左湯之後牛肉會慢慢熟同變色，可以隨意決定牛肉嘅生熟程度。我就覺得牛肉唔應該太熟，如果唔係會太靭。最後係下龍灣海鮮炒金邊粉，上面有好多款唔同既海鮮，炒得都幾乾身，d粉唔會痴埋一舊舊，同埋醬汁唔會太鹹，食完唔太覺得口渴

🕺🏻不少打工一族午飯時間為了節省金錢💸，也傾向選擇一些價錢比較相宜的餐廳🍴。中上環等商業中心區，隨便找間餐廳也可能要$100以上🤦🏻‍♀️🤦🏻‍♂️，這間越式餐廳價錢相對較便宜👀。.🌠這晚晚上在上環吃了間越式菜餐廳🍴，餐廳位於在地庫內，人流不算多，不需要等候。.🍴下龍灣海鮮炒金邊粉（$80）Fried Phat Thai with Seafood 🤔原本以為是泰式金邊粉，來到才知道與想像中有分別😌。與港式的乾炒牛河概念相似👀，但換上海鮮做配料，🌊海鮮有青口、鮮蝦、蟹柳和小瑤柱，吃得出海鮮頗新鮮🤩，金邊粉口感煙韌彈牙👍🏻，麵量很多，不過味道單一👉🏻👈🏻，有點油膩🥺，👩🏻👧🏻草根還是喜歡泰式酸酸甜甜的味道，這個味道普通，吃起來有點寡，應該會有更好的選擇。.🍴豬肉蝦片（$21/4件）Prawn Crackers with Pork蝦片上加上香茅豬肉絲🐷、炸蒜、粉絲和洋蔥，香脆惹味，不錯吃😋。建議要盡早吃，免得蝦片變腍☝🏻。.🍴熱菊蜜🌼菊蜜跟餐免加錢，味道帶少許甜，🍯蜜糖味十足。.餐牌如下

行過中環🏦俾個門口吸引左，間野係樓下，係中環地區，真心唔算貴。餐廳四周都掛左不少畫，有點藝術氣息。《越式火鍋》 $68越式火鍋🥘一人一鍋好抵食，叫左酸辣湯底，唔算好辣，而且有點冬陰公既感覺。另外，侍應俾左碟辣椒同甜豉油，不過本人覺得已經好夠味，肥牛好薄身好快熟，肉質較軟，除左肥牛，仲有金菇，蟹柳，扎肉同生菜🥬《魚皮餃》 $8另外添加魚皮餃，有三粒，個豬肉調味得幾好。《香茅串燒雞肉》$36宜款小食🍡好出色，燒到外脆內軟，香茅味雞肉點埋沙爹醬，真惹味《下龍灣海鮮炒金邊粉》 $80金邊粉用豉油皇炒，有點似干炒牛河咁，而海鮮就包羅萬有，有蝦，帶子，青口，蟹柳。《熱菊蜜》餐飲叫左熱菊蜜🍯，打邊爐怕熱氣，叫宜個就岩喇！《凍青檸薏米水》 $8青檸薏米水🍸意外地覺得幾好飲，無諗過青檸薏米咁夾，酸酸甜甜咁

今日同爸爸兩父女撐枱腳，兩個人各自點左個一人套餐，再加左兩個小食。先黎既係越式生牛河。碗麵都幾大碗，河粉好爽，軟硬適中，口感唔錯。生牛好鮮紅唔肥，好新鮮。湯底夠熱，肥肉輕輕一灼就熟透，肉質夠淋。湯底都好好味👍🏻。金邊粉煙韌彈口，完全吸收哂醬汁精華。海鮮夠足料，大大隻青口同蝦肉配料😃。之後以套餐價追加左個越式煎扎肉。扎肉外皮煎到金黃色，$24既價錢但份量都幾多。扎肉質感好彈牙似魚蛋既口感。有淡淡清香香草味，岩哂我口味。串燒大蝦頭$45有3串，隻隻蝦都好大隻。不過最正係隻蝦超多膏。配埋個越色醬，辣辣地幾惹味。有汔既水加青檸幾得意。跟餐都只係加$10可以一試。

中環人多車多，食晏時間餐廳更加系水涉不通，一位難求。但如果換轉係晚飯時間，其實好多餐廳都坐得好舒服，有啲價錢更加係非常親民。今晚呢間越南菜就係其中好例子。越式黃咖哩牛腩 + 蒜蓉包咖哩辛而不辣。牛腩被炆至徹底軟諗。配香脆蒜蓉包同食，掂。下龍灣海鮮炒金邊粉珍珠帶子、蟹柳、青口、大蝦…絕對真材實料。金邊粉效果一流，很有咬口。像意粉 Al Dente 的感覺。馬拉盞炒通菜鮮嫩爽脆，略嫌有一點點過鹹。

雖然中環食肆選擇都幾多，不過價錢相對地貴。如果想食平d，行去近上環既方向會多少少。行過門口見到有人派宣傳單張，好似又幾平咁，所以就試喇。除左一般越南菜外，仲可以打邊爐，不過我地又唔係太餓，所以都係叫返小菜就算。下龍灣海鮮炒金邊粉基本上食親泰國/越南野我都會揀金邊粉，今次都唔例外。海鮮唔算少，蝦都有6隻左右，仲有青口、蟹柳(雖然我知其實唔係海鮮，哈哈)、蜆肉等等。金邊粉炒到夠乾爽，又唔算太多油，蝦我覺得係爽口彈牙既，幾好。燒大頭蝦柚子沙律一開始個大頭蝦燒得太耐，同佢反映個問題之後即刻燒返隻新既上黎，非常欣賞呢點。大頭蝦有手掌咁長，新果隻燒到岩岩好，你係會食到蝦既鮮味同個汁，正。柚子沙律原來係辣既，無諗過係辣，不過唔差，柚子夠新鮮夠甜。法式蒜蓉牛油雞翼非常重蒜蓉味，d蒜蓉多到滿瀉，鍾意食蒜蓉既朋友就岩晒。其實呢個價錢係中環算係唔錯，而且份量十足，男仔都怕唔飽。