太平館餐廳

Open Now

Now Closed

銅鑼灣太平館，對上1次食應該係3，4年前，仲要係2個女仔，好多野都想食，不過都無叫到，今次約多幾個人，終於可以叫多幾款野食，一早預約左，餐廳預留左長car位俾我地。開始點餐，豬脾餐，瑞士牛河餐（非叫不可），乳鴿餐（無咩特別，下次可以食另外食物），瑞士汁雞翅膀（正），跟餐湯，個龍蝦湯好味，點完餐服務員好貼心問我地叫唔叫梳乎理，我地好快答“叫”，服務員幫我地安排，大約食到中間就同我地講，而家幫我地落單，因為需時，可以夾到我地食完正餐，之後食甜品。整體黎講，食物質素唔錯，服務員貼心，4個人4個餐再加梳乎理，埋單人均330，我覺得合理，話晒銅鑼灣地段，食飯無限時，係其中1個優點，我會再去食，再唔支持下香港餐廳，好快會消失。

每個週末最期待的就是和家人一起出動搵美食😋 近排食得比較多的系自助餐和放題； 都系時候轉反食正常餐，緩一緩個胃了😅想起好耐冇去太平館， 咁不如就佢啦！ 事關我地一家每人都有一味太平必食菜😍 唷， 點餐冇難度!阿妹最愛瑞士汁炒河， 仲俾佢發現銅鑼灣店系多汁過尖沙咀店添🤣 大小🐍🐍一個點豬脾🐖， 一個點乳鴿🕊️。 豬脾d油香真系冇得彈， 唔系刻制住小🐍佢會一粒飯都唔剩! 乳鴿就一貫水平啦。 曾經我同事話太平館乳鴿好貴， 我強烈要求佢自己來食過先， 唔好攞街邊燒味檔同佢比。 我同媽咪就最愛招牌嘢瑞士雞翼🐔。 另外仲叫左星洲炒米。 哈！可能好多人都冇諗過去太平館叫星米食，但我必須告訴你呢個dish佢地師傅做得好好； 香味撲鼻， 多料多餸。 加幾滴瑞士汁再撈一下， 間直系神來之筆。最後唔少得的， 當然就系籃球🏀咁大個的梳乎里來開心share啦🎊又系食得滿足開心的一天

喺非常嚴峻時期嘅情人節當然都要食好少少 相聚一刻為咗避開人流 & 正日天價特價揀咗呢度食預計唔會人多 亦唔使捱天價 yeah!👻夜晚7點去到 唔使等位直入叫咗個乳鴿套餐 跟牛脷意粉 另加瑞士雞翼最後當然要叫梳乎厘啦🤤整體質素非常唔錯食物好味 夠熱 上枱快乳鴿夠脆夠香口 牛脷汁好味 瑞士雞翼更加唔使多講 梳乎厘夠大蛋味香服務好好 主動收碟 又肯幫手影相 嚟錯咗吉列豬扒意粉又講晒唔好意思食到中途 主動問要唔要叫梳乎厘因為要等A good evening! 🤠

今次去返一間老餐館度食豉油西餐。太平館小編小學嘅時候已經會去食，今次去水準依然keep住咁好。我哋嗌左羅宋湯，瑞士汁牛河，燒乳鴿，瑞士汁雞翼同甜品梳乎利。羅宋湯聽落好似好普通嘅一碗湯，但其實係佢哋熬左好耐，每一啖都好入味。牛河份量三個人share就剛剛好，亦好足料，每啖都有肉片。燒乳鴿屬於小食，份量就唔太多，但由於小編唔太好乳鴿，所以就不予置評啦。瑞士汁雞翼一向都係佢哋嘅皇牌推介，味道同以前食嘅一樣，雞翼係雞全翼，每一隻都一樣咁大隻，真係好好味。至於甜品要等嘅時間就較耐啦，所以個侍應都建議一早叫定先。梳乎利睇落好似好大，但其實食起上嚟一陣風咁就無左嫁啦。不過蛋白甜甜哋好好食。

靚女話請食飯，由我負責選址。一方面想同佢食好一點，另一方面又不想人家花費太多，心情總是矛盾的。幸得甜魔Oli和另一位朋友的意見，吃什麼東西大概有了媚目。在Sogo Cafe與太平館之間，靚女揀左後者。每次和她食飯都係去酒店或者高級食肆，來到太平館這懷舊的餐廳，亦另有一番滋味。推門進去，感受著懷舊的裝修、柔和的燈光環境和老一輩侍應生的服務，好像借了多啦A夢的時空門，回到了十九世紀的時光。那時，繃緊的心情和繁重的壓力，暫時得以放下。為了避免點菜的煩惱，隨便點了一個二人套餐。頭盤我要餐湯，對方則要沙律。餐湯海鮮材料幾豐富，可是肉質都是沒有味道的，點辣椒醬食較為恰當。同時，今晚的湯不太濃郁，最差的還是溫度唔熱唔凍咁，我最怕。我對蝦敏感，沒有一嚐大蝦沙律之味，質素如何? 聽說還可以接受。馳名的瑞士汁炒牛河，真正是全靠那個汁。醬汁甜美，濃而不膩，而且每條河粉都能沾到瑞士汁，令味道更加均勻。白菜仔、牛肉都可吸收到醬汁的神髓，十分入味。同埋，牛肉是較淋身的。對這裡的乳鴿沒抱太大期望。吃落，外皮的確不夠香脆，惟勝在肉比較多，且嫩滑，在沒期望之下反而有一點點驚喜。蛋糕是預期中的差，上面層cream已經唔好