大榮華圍村菜 (Closed)

當日同友人一班Hea 行咗一轉郊野, 基本上休息多過行。車費同船費都稍稍貴。行完後來到九龍灣大榮華。好耐無嚟而疫情下這裡跟其他店一樣4人限聚我們要分兩枱。 現在餐廳有一張均一價嘅餐牌。圍頭小菜超過100款, 每款$98 但炒時蔬係$78 茶錢$9/位。比較好食嘅要算半只"五味雞"雞肉爽滑。不過豉油鹵水味全都在雞皮上。雞肉當然無咩雞味。但以豉油雞去計價錢是否有點貴?大榮華小炒皇這店嘅小炒皇落咗蜆肉係比較少見嘅配料。 同時大量櫻花蝦乾灑上面。反而沒有用大蝦乾及土魷。可能咁係圍村菜的特色啩。薑蔥爆牛仔粒 大蔥段只是輕輕炒過未完全炒透所以還剩餘大量辛辣味。友人L 受不了這辛辣味。最後吃剩大量大蔥。竹笙羅漢齋可算是全晚最難食嘅小菜, 雪耳好似未浸透水咁乾硬化。冬菇厚肉但無味。竹笙只有好少, 菜式雖然未能盡如人意, 服務就一般吧！

即將要離開工作了數天的公司，放工後在附近吃晚報來作紀念，哈哈。話說想吃豬油撈飯，所以順理成章來了大榮華。六點半一放工就去拿位，可能是平日，不用等，非常好。等男友來了就點菜。都知道這裡的份量驚人，所以只點了五味雞和牛仔骨，另加豬油撈飯。五味雞的份量真是超多，但我不太吃得出味道。牛仔骨反而不錯，又入味。最吸引的莫過於是豬油撈飯，雖然是不健康，不過偶一為之也不為過。飯後還有糖水，真的大滿足了。要開始新工作了，我想有更多我挑戰等著我，也是我整整一個月都沒寫食評我原因。

我哋八點幾又係九龍灣揾地方食晚餐，呢度要等四張枱，我哋等咗十幾分鐘就有位喇。每次我哋都會 order 五味雞($50)，今次都唔例外，除此外我哋 order 咗腰果金沙蝦仁 ($65) 和鮑汁鴨掌 ($22)。我想要埋馬拉糕，但太大籠，所以今次冇食。馬拉糕十分好味。五味雞 - 份量足(要打包)，味道好，雞肉都算滑，煮得好入味。腰果金沙蝦仁 - 都幾大碟，雖然冇蝦味，但好爽口，略嫌唔夠咸蛋，腰果都幾脆。鮑汁鴨掌 - 呢個好好味，鴨掌好淋又入味，正。豬油撈飯 - 仔仔話要添飯，可想而知有幾好味啦。送糖水，我和 honey 都要紅豆沙，仔仔要麥米粥，紅豆沙好重果皮味，紅豆又起沙，一D都唔求其，好味道。