Involtini Italian Cuisine

Open Now

Now Closed

個日沒BOOK位, 店環境不算大, 一眼可以望曬, 好在岩岩有2個位! 廚房是開放式! 環境舒適!☺️😌今日目的係黎食意粉,🍝因為知道呢道出名手工意粉!曾獲米芝蓮推介，供應自家製意粉，以正宗卡邦尼意粉作招徠，只利用蛋黃醬及芝士粉製作醬汁.一坐低店員走黎問要吾要開番支樽裝水@@我話我要普通水OK LA!😌落餐後店員隨即送上3片有蕃茄肉向上面既包包用來點黑醋+欖欖油食!👉MENU一共有8款意粉, 我地叫了最想試的2款!♥️傳統卡邦尼手造意大利幼麵🍝 $188🍴賣相好吸引! 意粉吾係求其整好夾上碟> 係卷過黎! 佢個汁好濃味鹹香！煙肉十分煙靭有咬口, 同平時出面食個D簿片完全吾同!👍👍♥️手造意大利幼麵配西班牙紅蝦🦐🍝 $388西班牙紅蝦新鮮彈牙蝦同個汁都好重蝦味，🦐蝦頭內的膏及汁擠出來撈埋成個意粉食好鮮味! 😋呢款價錢特別貴, 都係食一次算, 下次有機會想試埋其他!!😆總結: 我覺得2款都好好味! 👍👍但價錢真的比較貴🤑 價錢如果親民番D會好D!👍2個幼麵口感都比較硬身, 我覺得淋番D就好! 店員細心有禮, 上吾同意粉都會換過曬D碟, 還會在上菜時介紹一下! 👍😊餐廳感覺似走高級服務路線

Involtini 訂位容易左咗好多，唔知係熱潮退卻定疫情過後大家去晒旅行既緣故🙈 當日起碼有四枱都係慶祝生日，睇嚟大家都book mark左間餐廳😛💕講返食物，首先叫左海鮮湯，因為打算叫兩個前菜，所以淨係叫咗一個湯，不過店員都好好將佢分成兩份👍🏻好抵讚👏🏻 海鮮湯味道濃郁，唔錯唔錯，如果大家之後諗住嗌多啲嘢食都建議一個湯兩份飲✌🏻前菜叫咗海鮮他他、烤意式香腸海鮮他他只係$188，但份量真係好多好多，入邊有蟹肉帶子同牛油果，我同朋友一路食都好似食極唔完咁😛意式香腸就普普通通🫣 唔算好特別意粉方面，卡邦尼係其中一個好多人推介嘅菜式，不過我同朋友都覺得太鹹，我哋只係食咗一半就食唔到落去🥲反而呢個鮑魚意粉真係好有驚喜！✨✨無論味道同口感都配合得好好！🤤🤤 鮑魚好彈牙，意粉配嘅蟹汁都好好食！之後再叫咗甜品，食咁多嘢埋單都係$1000左右✌🏻involtini 絕對係CP值之王

為食日記 #8｜Involtini @銅鑼灣｜幾年前已久仰 Involtini 大名，試過即興諗住 Walk-in 上去食個午餐，可惜餐廳已滿座無功而返🤣 幾年後，撞正朋友生日，正苦惱去邊度覓食之際，就諗起佢。今次當然要乖乖訂座，兼預先選好甜品寫定祝福字句為朋友慶生，一切準備就緒，我個肚 is ready。侍應非常親切有禮，先向我們簡單介紹 Today's Special 並為我們點菜，再奉送配上鮮牛油的烘烤薄脆多士。前菜點了「海鮮他他」，外相吸引味道出色，啖啖鮮蟹肉、帶子及蝦肉配上鮮甜帶酸的特製醬汁，是一碟吃完頓感清新舒暢、感覺很 Summer 的開胃小品。接住重頭戲「傳統卡邦尼手造意大利幼麵」上台，試一口就明白為何這碟意粉能成為皇牌。首先它是原汁原味的真 • 卡邦尼，不是坊間 fusion 了忌廉的港式卡邦尼（嗱…雖然都有好味的），用上口感一流的手造意粉、蛋黃及風乾豬面頰肉，濃郁、鹹香、幼滑，完全體現咩叫材料簡單但其實考驗緊廚師真功夫，呢碟，全台人畀 99 分，1 分輸畀份量，確實唔算大碟，唔夠喉，但 $168 呢個價錢，真心冇得輸！緊接出場係「手造意大利幼麵配西班牙紅蝦」，又係另

🤗 兩三年前愛上意大利菜, 特別係西班牙紅蝦. 今日谷友推介嚟到 Involtini, 聽講中午分兩場, 12pm, 130pm, 又話係 “預約困難店”, 但目測 50%滿座.🥢 餐廳裝修簡簡單單, 設多張方枱, 服務OK. 今日散叫一個頭盤, 兩個鎮店意粉, 一個甜品.🥖 麵包. 一般般, 但自家製芝士醬非常出色.🦀 海鮮他他. Seafood Tartare. 材料包括牛油果, 帶子, 松葉蟹, 面頭見到三文魚子, 魚子, 烏魚子. 味道清新, 鮮甜, 一流!🤗 傳統卡邦尼手造意大利幼麵. Handmade Tagliolini Carbonara. 味到濃郁, 豬肉甘香, 可惜我唔鍾意蛋麵.🦐 手造意大利幼麵配西班牙紅蝦. Homemade Tagliolini with Carabineros. 紅蝦唔夠滑溜, 醬汁普普通通, 蛋麵又唔啱口味, 不似預期, 評價一般.🍰 提拉米蘇. Tiramisu. 配朱古力雪葩. 正常發揮.🍸 Baileys Chocolate. Ok喎!🤗 總結: “海鮮他他” 出色, 兩個意粉唔太啱口味, 主角 “紅蝦意粉” 不似預期, 深表遺憾.

適逢生日，朋友提早一個月預約了呢間連續五年獲米芝蓮推介，主打手工意粉的西餐廳。餐廳設有網上預約，但每次一放名額好快就爆滿。試完後，覺得餐廳吹捧得太勁，名過於實，餐廳環境無想像中華麗，擺盤普通，食物定價偏高，但並無一道菜令我特別覺得深刻，無回頭再食嘅衝動。🧀 傳統卡邦尼手造意大利幼麵 ($168) 👅:86.13分意粉質感係幾特別，帶點煙靭，不過就唔係我喜歡嘅質感。餐廳用咗羊奶同埋牛奶製嘅芝士同雞蛋去煮個醬汁，所以顏色比平時食到嘅會更加鮮色，同埋佢地採用意大利傳統做法，唔會落忌廉去煮，所以醬汁會比較濃厚同杰身，但食起上嚟相對會較容易膩。幾欣賞佢地用嘅煙燻豬頰肉，重油脂感，帶陣陣鹹香。🍛 意大利飯配松葉蟹肉及帶子薄片刺身，海膽汁 ($330) 👅:78.21分 Risotto 整體係好食，食材雖然矜貴，蟹肉份量都慷慨，但係嫌味道比較單一，呢個價錢我會有更高嘅期望。🥓 凍肉拼盤($168) 👅:82.23分 Parma Ham質素不錯，份量好多，如果有芝士配埋麵包一齊食，口感會較豐富。🍨 意大利雜莓奶凍撻配Gelato ($88) 👅:60.11分 個甜品完全唔得，奶凍過甜，撻皮好淋身，好似

大隻仔今次覓食嘅店舖就係💥 Involtini Italian Cuisine 💥 大隻仔今日去銅鑼灣食手工意粉，幾位餐廳老闆兼廚師來自米芝蓮餐廳，合資創辦「Involtini Italian Cuisine」，餐廳主打各式新鮮手造意大利麵及自家製風乾火腿。 😋😋 ⋯⋯⋯⋯⋯⋯⋯⋯⋯⋯⋯⋯⋯⋯⋯5⭐️ 超班3⭐️ 一般1⭐️ 差味道 ⭐️⭐️⭐️抵食 ⭐️⭐️⭐️服務 ⭐️⭐️⭐️環境 ⭐️⭐️⭐️⋯⋯⋯⋯⋯⋯⋯⋯⋯⋯⋯⋯⋯⋯⋯🔥 餐前麵包 $0用好普通嘅法包，感覺檔次太低太普通，而且麵包味道好一般，仲要2個人得5片，唔夠細心。🔥 傳統卡邦尼手造意大利幼麵 $168做法比較正宗，冇落 cream，只落芝士同蛋黃，所以醬汁比較杰身，可以充分掛汁，芝士同蛋黃好香濃，但調味太輕，味道比較清淡，比較失望既係手工意粉做唔到嚼勁，正宗意大利粉就係要食al dente，而且感覺麵團放太耐，唔夠新鮮，冇Q彈感覺。🔥 手造意大利闊麵配日本佐賀豬肉粒 $188闊條麵一樣做唔到新鮮手工意大利粉應有嘅Q彈感，佐賀豬肉粒幾好食，但味道有啲淡，唔太差，但唔算好出色，而且份量偏少。

🍭Involtini Italian Cuisine🍭連續五年獲米芝蓮推介既餐廳💛主打每天新鮮製造既手工意粉🇮🇹🍝 今日同朋友居然walk in食到✌🏻⭐️餐前麵包餐前附上薄片香草麵包, 岩岩烘起, 外脆內軟😙配自家製既蒜蓉牛油醬 或者 黑醋都好味👍🏻⭐️傳統卡邦尼手造意大利幼麵 ($168) 👍🏻👍🏻意粉好重蛋香味‼️煙韌而有彈性‼️真係世一‼️超濃稠既蛋黃醬同芝士完完全全掛係意粉上🍝每一啖都口感豐盈😋 再配上粒粒煙肉, 鹹香能減低芝士既膩感 💯😍⭐️手造意大利幼麵配西班牙紅蝦, 紅蝦濃汁 ($420) 相比起carbonara, 而個口味無咁重,重既係蝦既鮮味🦐紅蝦濃汁濃到好似飲緊龍蝦濃湯咁😝連個蝦頭都煮得超入味😋同樣地, 每一條意粉都好掛汁‼️加上蝦肉肉質鮮甜又彈牙, 蝦膏香氣濃郁, 正‼️不過$420略嫌貴左D🥺🥺🥺人氣米芝蓮餐廳果然名不虛傳👍🏻👍🏻只係紅蝦意粉真係貴左D🙈店員亦親切友善, 所以整體黎講都值得推介😋評分: ⭐️⭐️⭐️⭐️

============== 𝐹𝑜𝑜𝒹 𝐿𝒾𝓈𝓉 𝒻𝑜𝓇 𝒯𝓌𝑜·• 是日餐湯 (南瓜湯) $38·• 烤野菌湯 $98·• 焗蔬菜飯配卡宴胡椒沙拉醬 $58·• 傳統卡邦尼手造意大利幼麵 $168·• 扭扭意大利粉配意大利腸﹑茄汁﹑龍蒿 $148💸$524.8 (10% charges)-要一個月前book定嘅餐廳~仲未唔係成日book到 尤其weekend更難book終於食到喇～雖然唔係話特別出色 但意粉控一定會去試下🍝最欣賞係個manager嘅服務首先啲菜色上菜時間做得好好 (其實好重要但唔係好多餐廳會care🥲)然後上菜會細心幫你擺好啲碟嘅位置 你幫手整佢會叫你繼續enjoy佢會搞掂～唔似而家好多餐廳嘅staff其實係會拎住等你自己整理張枱🥴 欣賞!✨-·• 湯 ✰✰✰湯好飲～ 是日餐湯價錢得宜但係野菌湯就overpriced咗$98 for 野菌湯係少貴 不過食好味的食完包包同埋湯都已經飽咗4成哈哈哈-·• 焗蔬菜飯配卡宴胡椒沙拉醬✰✰✰✰✰有驚喜✨ 個味道好好好好 烤得好惹味蔬菜烤完唔會冇咗鮮甜味冇落好多粉但個餅唔會太鬆散稍稍嫌個餅面唔夠脆姐😚-·• 傳統卡邦尼手造意大利幼

一個月前終於成功book到呢間黃店🤗因為之前睇過yellopenrice，但book極都冇位，所以今次好期待個紅蝦麵同carbonara！！可惜疫情關係運輸唔到，所以紅蝦麵暫停供應😢首先店員好有禮貌，一坐低佢哋會講解menu，今次我哋叫左Carbonara、手造意大利寬麵配日本帶子，同埋烤野菌湯。環境方面，座位之間隔得較開，坐落都舒服，廁所都十分乾淨。👍🏻前菜嘅餐包好好食，好似係酸種麵包，兩個醬配麵包都好fresh。烤野菌湯好重菇菌味，飲完好滿足！😋聽講呢度嘅Carbonara係正宗口味，用左蛋同芝士整個醬汁。第一啖食到係好濃嘅蛋香同芝士嘅濃稠，個汁係包住每條意麵，仲有鹹香嘅煙肉，一咬就有種特別嘅油香，整體嚟講好出色！😇😇朋友果碟手造意大利寬麵配日本帶子都好正！個蜆汁非常濃烈，一入口好似飲左啖濃縮嘅蜆湯，比起carbonara嘅鹹香，呢款更著重海鮮嘅鮮味！而帶子份量都幾多。☺️我覺得價錢的確唔係平民路線，但食物質素絕對對得住個價錢，抵呢間店咁多人幫襯！🤩👍🏻下次希望食到佢嘅招牌紅蝦麵！🤤🤤

第一次識involtini italian cuisine係係yellopenrice兩位大廚都係三星米芝蓮bombana走出黎淨係食個名都夠而且仲要係黃店不過呢間野從來都book唔到檯既永遠都係full house就算係屯門開左間姐妹店都係一樣直至禁晚市之後原本既落場時間收變成照常營業係三點鐘後可以walk in其實好多餐廳都係咁樣玩法終於可以黎試到一次餐廳位於銅鑼灣the L. square呢座大廈都幾多餐廳一出十一樓電梯就已經係餐廳除左yellopenrice餐廳由開業第一年就已經係米芝蓮餐盤推介直到而家我驚多人兩點八已經上左黎不過係完全無人排既結果企足四個字佢真係三點先比入去坐餐檯同yellopenrice果時張膠墊已經唔同左堅係有聽杜生意見個廁所仲已經裝修左但係只限女廁男廁都幾差下餐牌其實本身已經諗好左食果兩款招牌意粉開放式廚房今日就好似見唔到兩位老細呢度唔大位亦都唔多都只係係角落放左棵聖誕機裝飾下麵包幾好食如果叫野菌湯佢話會分湯我地叫左是日餐湯既蕃茄湯就比左個碗我地自己玩兩個意粉並無一齊上首先上既係卡邦尼幼麵用蛋漿既先叫做卡邦尼就無話正唔正宗用忌廉就應該叫第二個名先係而用蛋