八户屋和食料理

Open Now

Now Closed

今晚我們喺屯門友愛邨做完嘢之後，我們諗起較早前喺安定邨H.A.N.D.S嘅「八戶屋和食料理」食過覺得出品相當唔錯，所以我們就決定再去食晚飯！我們叫咗海鮮雜錦沙律同之前嚟食嘅一樣，將啲清爽嘅青瓜絲同沙律菜舖底，而面層就係多款唔同嘅刺身，再淋上啲和風沙律汁一齊食，真係好正同好夾呀！雜錦刺身拼盤係我們自己選擇要邊幾款刺身堆砌而成，因店員話海膽同赤貝係今日送到，所以係非常新鮮，味道係極之鮮甜，海膽係超級軟滑，而且啲鮮甜味仲有齒頰留香嘅感覺，真係超正呀！而赤貝就超爽滑脆身，油甘魚有好芳香嘅魚油香味，而且仲要係我們最鍾意嘅厚切，所以口感相當豐富！赤貝壽司一上碟嗰陣「就咁睇」個賣相就已經覺得同刺身嘅有好大嘅分別，兼知道唔係新鮮㗎，因色澤比較暗淡，味道亦唔係好夠鮮味，呢樣係令我們有啲失望！牛肉鍋嘅牛肉肉質好鬆軟，而且份量都幾多，感覺都幾抵食，但湯底嘅味道「麻麻地」，所以就扣咗啲分！炭燒蟹肉明太子玉子就不過不失，同以前食開嘅無太大嘅分別！八戶龍皇卷嘅造型賣相好似一條龍咁，未食都已經覺得好吸引，壽司飯入面包著嘅係炸得好香口酥脆嘅蝦天婦羅，而且炸粉亦唔會好厚身！

首先多謝OPENRICE俾左今次機會我參加試食團,推動左我打第一次既食評。 以屯門區既日本料理黎講, 八戶屋既表現非常唔錯, 價錢合理,下午1:30黎到都見到有人等位。食日本料理當然係要食魚生啦 , 一上檯就嘩嘩聲，好震撼！呢個魚生有4-6人份量(HKD $398),又新鮮又厚身又肥美, 仰有海膽OISHI!  鹽燒鯖魚一d都唔腥,聽講鯖魚同炭燒魷魚筒都係日本空運，可能因為呢個原因，所以覺得好好味。壽司賣相好靚，金龍蝦芝士卷同八戶龍皇卷，好靚！又足料！唔夠飽再食埋個溫泉蛋煙肉炒飯, 好香煙肉味！辛辣海鮮烏冬鍋，唔覺得辣，我可以再食辣D 鉄板牛舌，好香但因為個人唔多食舌，所以覺得麻麻，食左少少，鐵板味，牛舌下面仲有金菇，好聰明既配搭！牛油香蒜炒野菜就好一般，冇咩特別。飲品種類好多，有選擇困難症既朋友要揀好耐前菜沙律係柚子汁牛油果，無咩特別放到最後。估唔到呢個新裝修既商埸會果然會有新驚喜, 下次會再同屋企人再黎!