鳳雛燉雞

Open Now

Now Closed

第一次試韓國的鳳雛燉雞，好多評論話好正宗，但見佢黑蚊蚊，唔知好冇食，但食落又幾有驚喜喎👍❤️😍一上菜就嚇親，因為好大好大碟，我哋仲諗緊兩個人食唔食得晒🫣🫣🫣我哋另外追加咗魚糕同魚蛋，廚房會將一次過加埋落去，一齊吸晒啲味👍👍細心啲食，甜辣的味道充滿味蕾🔥我哋叫咗小辣，自問都算食得辣，不過小辣都算幾辣，好彩外面有自助水吧任飲水，可以解辣，值得欣賞😁😁一大盆的Jjimdak,入面包括無骨雞、薯仔、洋蔥、紅蘿蔔、青瓜、辣椒、冬粉，其實都幾足料😝味道👅唔錯，我同朋友都覺得愈食愈過引，食左一半開始有啲上引😍最緊要係雞件唔係比雞扒，真係去左骨的雞，誠意十足，而且雞唔會太鞋，都算淋得來有啲嫩滑❤️餐廳環境都唔錯👍上到去係外國店員接待，全程都幾有禮貌，仲竟然見到OPPA🫢 如果上去食建議預約，我哋6點上去大把位，到左6:30左右就超多人，所以留定位安全啲😛整體而言，因為間野都係樓上幾唔顯眼，但韓國安東雛雞真係幾特別～可以搵日上去再試埋其他野☺️🏠旺角彌敦道726號10樓#黃怪獸 #黃怪獸覓食 #黃怪獸自家製 #香港美食 #香港好去處 #香港 #食 #食譜 #食飯 #自己整 #食飯啦 #yum #yumyum

兔子再次來到彌敦道726搵食，今次嚟到10樓嘅鳳雛燉雞，星期日嘅旺角街頭一點也不平靜，但飯還是要吃的。晚餐時間空空如也，大家也可以享受一點寧靜吧。先送來韓式小食三味，簡簡單單的，卻充滿了自家風味。二人的晚餐不作他選，最經典的鳳雛燉雞就好，兔子朋友不勝辣，就來個小辣吧！配上檸檬梳打，酸酸甜甜的，開胃同時間又可以解辣，食辣嘢絕對要每人叫一杯喺手。二人份的燉雞大大碟而且非常足料，青瓜、蘿蔔、洋蔥都燉得非常入味，冬粉掛滿湯汁，辣得來唔會太刺激，食唔停口！雞件選了無骨，啖啖肉岩晒愛食肉嘅人士。雖然雞件以雞胸肉為主，但亦不會因煮太熟而鞋口，時間與火候嘅掌握絕對有一手！最後俾個全相大家睇，係咪真係好大碟先！

去韓國都未試過食燉雞，今日就同fd 黎挑戰下。坐起卡位傾下計都幾舒服，環境幾光猛又乾淨。✨燉雞可以㨂唔辣，啱晒我呢d 唔食辣既人，仲有得㨂有骨同無骨，㨂無骨好似抵d xD✨前菜幾好味～芽菜清清地帶點蒜香，醃青瓜酸酸地又帶少少辣，我覺得拎黎配飯卷好好味。✨牛肉紫菜包飯（$78): 材料都幾多，有紅蘿蔔，酸瓜，牛蒡，牛肉，菜同雞蛋。味道都幾豐富，又帶少少芝麻香，如果個飯軟番少少同多d 麻油會更加正。✨鳯雛燉雞（$248): 食完個飯卷都已經飽飽地，佢個雞真係super big😱。 個雞真係啖啖肉，食落唔嚡口，同埋個醬汁真係好正。薯仔，紅蘿蔔，青瓜切到薄一薄，索晒個醬汁既味道。最後我拎埋d 飯卷點汁食🤣味道提升左😍✨冬粉係一個must encore 既item, 我本身以為佢好似薯粉果種會好韌. 不過佢質地係扁身，食落Q 彈但唔會過韌，真係超入味ar👍🏻👍🏻👍🏻。最後都食剩左一半打包，呢個雞四個人黎食就差唔多，如果可以出個二人份量就好喇，不過真係好好味。

同朋友相約食韓國野，如果唔係做下research，真係以為韓國剩係食炸雞同烤肉，但原來地道菜仲有燉雞中午12點餐廳岩岩開門，我地係第一枱客比起燒肉炸雞既韓國餐廳呢度乾淨企理得多，唔會周地周枱笠痴痴又唔會好大味。Menu都有炸雞、豬手、炒年糕、煎餅等大路選擇。但嚟得呢度當然要食佢主打嘅燉雞啦！特別鍾意食佢前菜嘅醃青瓜，酸甜微辣，清新醒胃。雞蛋卷軟嫩綿密，不同於日式蛋卷既水嫩多汁，而喺表面淋上蕃茄醬同蛋黃醬，香甜不膩。中間夾住略帶煙韌既mozzarella，同軟熟既蛋卷成強烈對比，口感即時豐富左。主角燉雞份量十足，一兜係二人份量，剩計雞搥已經有五隻，目測總共至少有十六至十八件雞雞件每件都入味稔軟，一咬就離骨，但又保留到肉質嫩滑不鞋，無返咁上下時間技巧都炆唔到咁既水準每份燉雞都包冬粉，口感同薯粉相似，但形狀偏扁身易夾，索汁力強，每啖都食到鹹鹹甜甜既惹味湯汁加上蘿蔔、青瓜、薯仔等配料，相當飽肚，無食炸雞咁滯咁寡，對愛雞又愛韓食既人黎講絕對係個好選擇