鳳雛燉雞

Open Now

Now Closed

去韓國都未試過食燉雞，今日就同fd 黎挑戰下。坐起卡位傾下計都幾舒服，環境幾光猛又乾淨。✨燉雞可以㨂唔辣，啱晒我呢d 唔食辣既人，仲有得㨂有骨同無骨，㨂無骨好似抵d xD✨前菜幾好味～芽菜清清地帶點蒜香，醃青瓜酸酸地又帶少少辣，我覺得拎黎配飯卷好好味。✨牛肉紫菜包飯（$78): 材料都幾多，有紅蘿蔔，酸瓜，牛蒡，牛肉，菜同雞蛋。味道都幾豐富，又帶少少芝麻香，如果個飯軟番少少同多d 麻油會更加正。✨鳯雛燉雞（$248): 食完個飯卷都已經飽飽地，佢個雞真係super big😱。 個雞真係啖啖肉，食落唔嚡口，同埋個醬汁真係好正。薯仔，紅蘿蔔，青瓜切到薄一薄，索晒個醬汁既味道。最後我拎埋d 飯卷點汁食🤣味道提升左😍✨冬粉係一個must encore 既item, 我本身以為佢好似薯粉果種會好韌. 不過佢質地係扁身，食落Q 彈但唔會過韌，真係超入味ar👍🏻👍🏻👍🏻。最後都食剩左一半打包，呢個雞四個人黎食就差唔多，如果可以出個二人份量就好喇，不過真係好好味。