金蘭花泰國菜館

Open Now

Now Closed

嚟得香港食泰菜梗係要去九龍城啦，除咗大众点评 及朋友推介，都叫我去九龍城呢間「金蘭花泰國菜館」，佢哋話係平民「米芝蓮」，價錢抵食唔貴，但係食物質素非常超班，聽講話係全泰國班底，泰國廚師之前亦係泰國米之蓮餐廳廚師。  我哋一行5人，先叫咗小食頭盤，木瓜沙律非常正宗，木瓜絲爽口，甜酸辣味道非常平衡，超好味。酸辣去骨鳳爪沙律亦非常唔錯，完全泰式風味。泰式蝦餅好新鮮，師傅把蝦肉打得彈牙爽口，蝦肉鮮味，炸到恰到好處。泰式燒牛肉簡直冇得頂，牛肉香味濃郁，入口軟滑，加埋個點燒牛肉醬汁，一絕。泰式豬頸肉亦叮噹碼頭，一樣咁好味，師傅醃味及燒功恰到好處，豬頸肉邊有微微火炭味，而豬頸肉中心又保持柔軟，簡直一流，正。最精彩都要數「黃咖喱蟹」，隻蟹好大隻起碼有斤半，都只係 $368，黃咖喱汁明顯表現出㕑師功夫超卓，咖喱汁香濃有椰汁味，但又有蛋味，非常鮮甜，我們配上蒜蓉包，又係絕配。不得不提，連蒜蓉包都可以整得咁好味。 冬陰功湯我哋叫咗個中size，都好大好夠飲，非常泰式，用料足夠，有好多隻新鮮蝦。明爐烏頭魚窩，條魚新鮮不在話下，問題就係個魚湯酸酸甜甜師傅調教味道適中，非常開胃好味。 我哋第一次食鯽魚沙律，朋友推

每當想食好嘢，都會諗起九龍城金蘭花。今日細女生日，阿女都自己開口話要去九龍城金蘭花。 我哋先嚟一隻泰式海南雞, 雞肉嫩滑有雞味，但係又去晒骨好食又方便。之前次次嚟都會叫佢嘅咖喱蟹, 次次都食到舔舔脷, 今日專登試吓平時未叫過，但係又好想試吓嘅「泰式鯽魚沙律」，上菜時賣相已經好吸引, 食落又真係好好味，師傅手工精細，先將魚肉起片炸，新鮮嫩滑，再將魚骨炸到脆香，再淋上一個極有泰式風味嘅醬汁，整個餸就變得別具吸引力。佢哋嘅沙嗲真係冇得輸，有佢哋自己嘅獨特腌料方法，啲沙嗲雞翼好香口好惹味，再嚟多一客我同阿女嘅至愛，泰式蝦餅，呢個幾乎係我哋次次嚟金蘭花必點嘅餸，每次都一樣彈牙、鮮味、又厚又大件，好食又抵食。再加多一個炒芥蘭同冬陰功湯。我哋今餐好完美，最緊要乖女滿意，金蘭花水準穩定，好食之餘，又大件夾抵食，值得推介！

全靠屯馬開通真的令我很興奮😂😂🤣🤣作為新界西人住喺有牛嘅地方，老公終於肯帶我去九龍城食嘢😎😎其實九龍城有好多間泰國嘢，我哋都唔知去邊間好，最後憑感覺是但入咗一間😎😎🤣🤣老公梗係嗌咗佢一定要飲嘅冬陰功湯，我個人真係覺得麻麻地，好似我仲會整得好味啲咁，哈哈🤣🤣可能我想像佢會好有泰國風味，但係最後好似好淡好水咁🥺🥺我哋叫咗個小食拼盤，每次去泰國菜都會嗌小食拼盤。佢個蝦餅整得幾好食，串燒就好似全部都係雞，其實我哋唔係好食得出，問佢佢都唔係好答到，淨係話俾我知啲串燒唔會有牛😅😅個春卷一般發揮😅😅冇乜特別！香葉包雞啲肉太硬，咬唔開🥺🥺我今日特登嚟食嘅主角終於出場，一直好想食鹽燒鯽魚，因為我表妹好鍾意食佢成日同我講話好好食一定要試。結論係個皮一定要小心揭開因為面頭好多鹽好鹹，啲魚肉係好Juicy好甜好新鮮😍😍😻😻🤩🤩最後我哋每人叫咗一杯沙冰，但係我建議大家唔好嘥錢叫，一啲都唔好飲。下次如果我再食泰國嘢都係飲返椰青，應該會穩陣好多。