甜牙牙

Open Now

Now Closed

食完串燒之後未夠喉，喺附近搵下場繼續吹水🤣🤣點知一出去就勁大雨，所以就轉個街口見到呢間就入左去食～舖頭入面人山人海，好彩啲位都唔會坐到好迫🙏🏻三個人坐卡位幾好😄甜品價錢正正常常，不過就規定咗每個人最少嗌一份甜品🍮所以我哋叫咗一份窩夫派對（當2人份量）一份冰火燉蛋🙈（個名好搞笑）冰火燉蛋其實就係一個焦糖燉蛋放咗入雪櫃變咗凍嘅，在喺上面加啲忌廉同埋水果🥭，都幾好食份量啱啱好一個人👍🏻🍮窩夫派對就係原份窩夫🧇勁大碟，可以切成8塊仔，新鮮整熱辣辣👌🏻而且最鍾意佢上面有好多水果🥭舖滿曬😆我哋三個女仔傾住偈，食下食下就冇曬⋯而且原來用餐時間得45分鐘😐😅覺得好趕，希望可以適當地調整下，始終食甜品都係想同朋友見多一陣，70-90分鐘會好啲～🙌🏻😊見到有好多人嗌火焰雪山🤔🤔次次一上枱就會全場熄燈😓😂然後全世界都會望過去，唔多唔少都有啲尷尬😳下次朋友生日可以嚟呢度整蠱下佢😛😆😆😆

第一次食甜牙牙，見到佢啲窩夫、鬆餅、綿綿冰果啲都好似好正，但係見到隔離枱叫左都幾大份下，驚食唔曬所以都係冇叫到呢啲🙈仲有呢間個火焰雪山好似都好多人推薦，果日去食見到有人嗌左，店員會熄燈，點火，淋上個雪山到，視角效果一流啊🤡今次我地嗌左既甜品都好好味，完全冇伏，而且都真係幾大份，好抵食仲好好食😋1️⃣冰火燉蛋（$48）面頭係蛋白霜同埋啲藍莓同芒果，下面就係焦糖燉蛋。食落好有驚喜🤩蛋白霜甜甜地，下面既焦糖燉蛋蛋味夠香夠滑唔會太水，配合埋一齊食好正👍  2⃣️桂花雙雪燉桃膠（$36）養生系列😂有桂花、雪梨同埋桃膠，個人覺得有啲太甜，但係桃膠份量都幾足，加埋桂花既香氣食落唔錯😙 

平時行過甜牙牙都好爆場，難得見到今晚有位，加上近排無乜食過甜嘢，一於唔好再諗減肥住，食咗先算🤪打開本Menu，見到各式各樣嘅甜品，有中、西、台式，好難選擇呀😩最終揀咗冰火燉蛋同朱古力鬆餅🥞！冰火燉蛋賣相非常吸引，燉蛋上面有啲芒果肉同埋藍莓，食得出係新鮮水果😍上面仲有啲火焰忌廉加上一層燒焦咗嘅脆糖，配上香滑柔軟嘅燉蛋，真係會溶化人嘅心！甜味適中，又唔會膩😋相比起傳統嘅法式焦糖燉蛋嚟講，唔會太單調！正👍🏻朱古力鬆餅極邪惡，有兩塊厚身嘅梳乎厘班㦸、一個朱古力雪糕球、一塊Oreo餅乾同埋三粒大棉花糖，真係好豐富嘅配搭！梳乎厘班㦸上面仲有啲燒焦咗嘅忌廉，軟熟嘅班㦸加香滑嘅忌廉，入口即溶嘅感覺，配合得天衣無縫🥰加上刺激嘅朱古力雪糕，真係完全滿足我對甜品嘅要求！唯一唔完美就係三粒棉花糖硬咗啲😅👇🏻👇🏻👇🏻👇🏻👇🏻👇🏻甜牙牙真係值得去食，圖片與實物相符，抵讚👍🏻👍🏻👍🏻👍🏻👍🏻