Mr. Steak Buffet à la minute

Open Now

Now Closed

好耐無嚟食夜晚buffet喇🤩😍兜左個圈都覺得係幾多選擇的喔 首先我拎左個酥皮湯🥣酥皮焗得好鬆化 啲湯好香好濃味啵 材料又夠 哩個真係正 推得一飲👍🏽👍🏽冷盤有龍蝦🦞長腳蟹🦀麵包蟹🦀青口 蝦🦐食材非常新鮮爽口彈牙鮮甜 正正子的呢‼️其實餐廳refill都算快的喔 轉個頭出去又有得拎luuu😄😀沙律類有分係雜果沙律🍑🍈🍍🥗或者薯仔沙律🥔🥗兩款都好好食 另外仲有幾款不同的火腿👍🏽👍🏽哩度Mr Steak緊係要食和牛啦 有鐵板燒和牛同埋壽喜燒和牛🤩😍溫馨提示 每人每次排隊只可取一份喔 小妹兩款烹調的方法都歡 不過喜歡鐵板燒多點 肉肉薄得嚟之餘 仲係入口即溶🤤🤤而壽喜燒的肉肉較厚 有肉地之餘同埋啲配菜 湯都無得輸👍🏽👍🏽小妹都排左幾次隊架🤣😆刺身有三文魚🍣油甘魚 帶子 甜蝦🦐同埋醋鯖魚 每人每次最多可揀四款 小妹就揀了三文魚 醋鯖魚 兩份帶子 刺身質感都新鮮 份量正常 厚度厚返少少就更好了 整體都可以🤣😆熱盤有湯 中式牛柳 魚🐟聖子 我咁啱等到新鮮出爐嘅聖子呀😍🤩蒸得剛剛好 肉質又好唔錯啵 鮮甜得嚟仲有粉絲係索哂啲汁☺️😎甜品仲係重點 啲fruit tart真係好正 啲生果好甜啵🥝🥭🍓個撻同埋吉士

琴晚第一次去呢間buffet食，雖然位置其實好近地鐵站但係都要行一段時間因為間中心係係一個角落頭入邊。上到去其實個景都唔係太差不過前面啲景觀就係建築緊所以望落去都唔係太好。再睇返佢嗰啲食物嗰啲擺位設計其實都幾靚枱同枱中間都闊嘅所以其實都有一個好好嘅環境食嘢。食物就有分開蛋糕、小食、冷盤、熱葷、仲有鐵板燒和當然唔少得有特色嘅心太軟。食物嗰啲就OK嘅龍蝦都彈牙、麵包蟹都有好多膏、沙律小食就比較少、熱食唯一最重點嘅就係有一個中湯同酥皮湯。然後去到佢嗰個重點就係呢個即淥嘅和牛同埋呢個鐵板燒和牛，其他食物就中規中矩。去到尾當然要寫個心意卡食返個心太軟佢嘅心太軟佢講明左個時間先出嚟所以就一定要好快食。如果你有興趣食和牛、食心太軟同埋食冷盤嘅話呢一間一定都OK嘅。佢仲有一個早食優惠咁就大概平$200左右。

12:00-14:30 lunch buffet，每位$438加一，另有88折優惠。早左入座，但都係要等到12點先可以拎野食，有時間慢慢影相。2人被安排二人枱，窗邊位，都有少少景望下。食自助餐既重點：生蠔生蠔有2款：蘇格蘭(左)同美國(中右)"友人"食左15隻生蠔。2款比較，美國生蠔口感更肥美、鮮甜、重味d，蘇格蘭生蠔就淡味d。2款都好正，鮮甜美味。冷盤蟹腳：肉質ok，好有蟹味，好鮮味，喜歡，但有部份蟹腳肉質較散。冷蝦：鐘意尼到既熱蝦多過冷蝦。大青口：幾好食；藍青口麻麻。螺：無乜味，麻麻。熟食薄燒美國極黑和牛：薄切+鐵板燒+鹽調味，入口即溶，我覺得係全場最好食，食左好多份。美國極黑和牛壽喜燒：壽喜燒個汁好味，但肉質太老太熟，口感比較韌，無薄燒和牛入口即溶既感覺。蒜容粉絲蒸扇貝：扇貝蒸得剛剛好，唔會太老太韌，配埋蒜蓉粉絲同豉油無得輸，好味。和牛壽喜燒荷葉籠仔蒸蝦：好食。辣酒煮花螺：辣度適中，幾有螺味。冬菇燴鴨掌：鴨掌炆得夠腍。薑蔥生蠔：幾有蠔味，唔錯。卡邦尼意粉：意粉軟硬程度適中，幾creamy，好夠味，但其他人可能會覺得太咸。中式牛柳：似酒樓水準，幾惹味，好食。咖哩牛腩：無我預期炆到咁

同男朋友嚟食五點到七點鐘嗰轉，雖然得兩個鐘但係價錢平$200再加上人流都比較少，攞嘢食唔係好洗點排隊。超抵！我哋大約早咗10分鐘到，店員都會首先將人安排坐左海景位先，而我哋就坐咗喺海景位兼對正d生蠔，非常滿意！先講講個失望嘢先，我識嘅當日係冇佢出名嘅麵包蟹龍蝦同埋鴨肝😭真係好失望..但係其他嘅食物質素都可以搭救到一黎到我就去寫咗張心意卡比焗心太軟嘅師傅， 到六點鐘出爐嘅時候師傅就會幫你畫公仔個心太軟真係非常之正，外脆內流心流到不得了。開生蠔嘅師傅真係超好手勢，快手加冇蠔殼。今日嘅生蠔得一種，係美國生蠔，屬於多肉型，雖然我嘅喜好係鍾意爽脆啲嘅法國生蠔，不過呢度都食咗廿幾隻（每次可以拎三隻）刺身嘅質素都一啲都唔差，帶子大大粒，赤背厚肉，仲有油甘魚，生虎蝦，三文魚，全部都新鮮唔腥。仲有而家做緊佐賀和牛主題，和牛壽司同埋壽喜燒真係超正！冷盤全部都屬於鹹鮮，不過冇麵包係我真係唔想講太多啦..😭😭😭最後推介個中湯，雖然呢個鐘數人唔係好多，但係個中湯都係要搶嘅🤪我同我男朋友兩個人每人飲咗兩盅，當日係螺頭人參花膠湯，每盅都有一隻雞腳，一支小人參，一至兩片花膠碎同螺頭，一舊排骨。我就因為太飽所以冇食雞腳

想食Mr Steak幾年, 但一直都未有機會去。今次因為有88折優惠的關係，就同屋企人去試試。聽說最有名的是鵝肝、和牛及心太軟，心裡是期待已久的。雖然知道book個輪係19:30，由於我地早左半個鐘，想去餐廳門口坐低等。但原來要係世貿個地下lift lobby排隊到19:25 先可以上去。職員說上面lobby太細，要做人流管制。不過見到排頭位的伯伯拎住拐杖，如果可以人性化d，俾有需要既人上去係門口坐住等，又或者提點訂位的人士有需要自帶櫈仔排隊，會更好。其實Mr. Steak個lift lobby都唔細，anyway。我地坐的位置係梳化，一開始以為會唔好坐, 但似乎係最好的位置。梳化有硬度，唔會lup左落去，而且係成個buffet位中心點，向冷盤熱盤走都不會太遠，雖然係食客必經之路，人來人往，但勝在唔會太噪。一去度梗係攞龍蝦、麵包蟹、長腳蟹、魚生同生蠔先啦! 排場好正呀!!龍蝦、麵包蟹、長腳蟹多到滿瀉!!!!麵包蟹好多籽同肉、長腳蟹好大隻，我覺得呢兩樣好得喎 !!! 肉多新鮮! 可惜龍蝦沒有龍蝦肉味，失望; 生蠔雖然係即開即食，但冇乜肉，太瘦，唔新鮮，失望。魚生麻麻地，不過火灸壽司幾好

基於食物質素唯有俾ok食評啦, 但監於自助餐的安排, 其實係想俾負評!從沒有試過一個自助餐係咁繁忙,唔係員工繁忙,係食客都好繁忙,極不享受!!因好朋友生日而預先一個月book左Mr. Steak, 生日當天預早十分鐘到達現場, 但由於未踏正用餐時間19:30, 所以未能安排入場。而用餐當日係閒日,但仍出現full booking, 相信質素應該可以,才會人潮擁擁吧?!場內環境亦不錯, 頗為寬敞,感覺都幾舒適~第一個印象係好好呀!點知…用餐時間一開始…感覺已經不良好, 人群四面八方擁去冷盤位置, 當然熟食地帶就變得好冷清,只有小貓三四隻, 而首輪取餐要排隊都好正常!排隊拎生蠔的人群最驚嚇, 排一排隊便會消去你15至20分鐘或以上的時間, 而每一次每人只可以取得3隻生蠔! 的確, 生蠔係即場生開, 保証新鮮, 而且味道好好! 但每次都要用咁多時間去排隊, 而自助餐時間由19:30至10:30…三個鐘可以食到幾多隻?如果剩係去排生蠔,咁其他食物根本拎唔到, 所以我亦只排了兩次。開生蠔及洗生蠔的只有兩名員工! 呢個安排已經好有問題!!唔怪得條人龍排得咁慢, 員工慢慢開、慢慢沖洗、人龍就慢慢行…

馬騮們考完試，要放鬆一下！帶佢哋去食自助餐！開心死佢哋！揀係Mr.Steak集團，因為對佢哋嘅自助餐有信心！因為人多關係，所以一早訂位！餐廳要求先入數做訂金，再傳真入數紙作實，我哋訂頭圍，當日準時到，呢間me.steak分店未來過，門口有放公仔秋千，好田園，個個爭住影相，之後入座，餐廳安排一排向窗嘅長枱比我哋四家人，唔迫又有海景睇，而且好近食物區（可能早訂位）食物種類好多，基本上每款試一啖都飽，最多人嘅一定係生蠔同刺身，而家好多酒店都唔供應生蠔，怕出事，香港人識食咗，唔係只提供一款美國蠔就得，呢度有四款生蠔，而且係即開，店員真係辛苦，無停過手，開蠔區靠牆全部係放生蠔嘅雪櫃，寫明只可以放生蠔，證明餐廳都好小心處理呢個環節！而且攞蠔時，店員會提醒由左至右食（淡到濃）我通常唔落茄汁，只落少許檸檬汁，好鮮！先食啲冷盤，習慣食少許沙律菜打底，羅馬菜爽脆，醬料有幾款選擇。長腳蟹腳比較少肉，不過配套幾好。有齊鉸剪蟹鉗，方便食客食得方便！刺身有成8款，好新鮮，要讚有埋海膽，而且擺盤靚！增加食慾！平時我自助餐好少食熱盤。呢度熱盤都好多選擇，尤其牛扒同鵝肝。煎得好香口好味！甜品係自助餐嘅靈魂，呢度好好多選