Yamm

Open Now

Now Closed

農曆新年前，朋友們見有買三送一又話有蠔，二三年冇來過，就放棄成日食嘅露台餐廳來一試～是日正價$348加一但有買三送一為$300有找一位～ 12nn到14:30一開始魚生壽司counter最迫，但今天我唔想食魚生， 先食沙律打底，菜可以，姬smoke salmon 一般凍蝦，鉗，青口質素一般，今星期special 要加咗$20位爲的生蠔，counter安排在不起眼的角落，配給兩隻不是大問題，最大件事係D蠔又細又咸更唔精神，食完一隻唔再食第二隻之後只敢食熱的熟的，大熱係排到傻嘅煎鵝肝，花膠，海參... 鵝肝唔夠香濃但夠肥～ 花膠冇得輸都係咁味，但有D質差好爽唔啱我，而海參冇味又唔入味～個人黨得最可以的只有麵包同海鮮泡飯～ $300一餐自助午餐可能就係咁，短期內都係比返多百幾蚊去附近其他選擇了！！

一家大細食Buffet!選址Yamm,話曬就腳。生蠔一定是我必食頭盤，我至愛！生蠔肥美，鮮甜甘香，我一共食了十二隻。蟹蚶都ok大隻的，肉質結實，可見都幾新鮮。煙三文魚不錯哦，香草味適中，有bar枱自行選配料。Ham用來夾麵包吃也不錯。温馨小提示，唔好食太多包，會飽肚呢～魚生呀，我兩眼發火啦！魚生好新鮮，師傅唔會切太多放出黎，走一round就會給人清光了。海鮮燴飯超好食，不是泰國米哦，口感得像日本珍珠米，我爸話係意大利米呢～Macaroons,一般啦，我叫放出黎好耐都無人扲的呢。甜品，甜品，甜品！第三個胃出動了。老實說不會頂級啦，又不是甜品buffet,重點不是它，但味道也不錯。

因有同事會離職, 於是一大伙人決定去Yamm吃自助餐歡送會離職的同事, 今次已是半年內第2次光顧Yamm, 雖然各熟食及甜品仍有一定水準, 但選擇不多, 最好味又有驚喜的只有蕃茄蟹粥, 最叫人失望的是海鮮類冷盤, 因當天除了沒有生蠔提供外, 連長腳蟹及大蟹蚶亦欠奉, 只有一堆小蟹蚶, 就像是平日用來做炸蟹蚶的小蟹蚶, 小蟹蚶不但肉質鬆散, 還只有雪藏味而非蟹的鮮味, 實在難以想像能在自助餐中成為海鮮冷盤的其中一款菜式, 令人非常失望! 相信在未來2年之內, 我也不會再光顧Yamm吃自助餐。

貴就貴左D,不過食物品質,服務真係不錯...老公話刺身同冷盤真係正正正...我都覺得不錯,,不過我最愛食生蠔同和牛..

公司出左bonus, 再加上是紀念日, 所以特意和女朋友食餐好. 雖然之前睇食評已發現yamm 有很多劣評, 而且有同事試過亦告之極為普通, 可以不試. 可惜小弟偏不信邪, 一意孤行, 結果... 由於訂位時忘記要求梳化位, 所以被安排坐在牆邊的二人位, 好在和旁邊張檯都有一定距離, 未至於太嘈. Yamm 嘅環境真係無得彈, 好modern好chic, 可惜我們唔係只來食環境. 當日我們的主題是蝦, 而不是有些朋友講嘅和牛, 我自己就比較失望, 因為對和牛興趣大d, 不過既成事實, 我們都叫了兩款試下, 有燒蜜糖芝麻虎蝦 & 鐵板蒜蓉大蝦, 味道ok 啦. 之後就order 了刺身, 有三文魚, 油甘魚, 帶子, 三文魚子, 當然唔少得大家推介嘅海膽, 刺身味道好好, feel 到全部都好新鮮, 個海膽真係好好食, 連平時唔掂海膽嘅我都破戒, 食完再食 除此之外, 我們都order 了天婦羅, 鐵板燒 & 爐端燒的食物, 每樣食物味道都不錯, 係個燒粟米就差d, 燒到乾晒, 冇左種juicy 嘅口感. 食左d order 食物, 我們就開始出去buffet counter 睇有乜食

慕思、白對美麗華仍有著微妙的感覺，難以用言語道出，就是一種親切感。如要我數香港最頂級的自助餐，Yamm絕對佔上一席位，吃東西有時就係咁主觀。公司聚餐，大家都想吃自助餐，我便主動提出去Yamm。時尚既裝修設計，座位與座位之間相當寬敞，讓人可以舒適寧靜的享受午餐。甫坐低，服務生馬上奉上menu，並詳細地講述自助餐的主題、收費及優惠等，既專業又沒有很拘謹的感覺。刺身、天婦羅、串燒和鐵板燒是即點即做，有服務生把食物送上檯，其餘的東西則以自助形式，睇中邊樣攞邊樣，悉隨尊便。以一杯果汁作開端，我選了西柚汁，貪佢酸酸地夠開胃。反正大家什麼都吃，就請師傅每樣也準備一點。刺身大致新鮮，如三文魚及吞拿魚鮮甜又厚身，北寄貝爽甜不韌，八爪魚則差了些少，偏硬而沒有味道，食友說賣相比以前退步了，而我認為可以收貨有餘；天婦羅粉漿不過厚，仍不失香脆，尤以大蝦最為出色；串燒和鐵板燒火喉拿揑得很好，不論是雞翼、魚塊、粟米、魷魚和菇類都香口好吃，特別是魷魚，爽口亦不過火。再出去睇睇，在冷盤區拿了點煙三文魚、火腿、燻鱔等，總的感覺新鮮；生蠔是澳洲產地，香港的夏季即澳大利亞的冬天，生蠔正正是最靚的時候。吃了兩輪生蠔，第一輪是非

今天是我的bf生日...由於睇佐評論很多..而家有好的評價..估此我一個月前已訂位,並且要求坐半圓sofa位...真的比較好一入到去..環境真的給人一個驚喜...環境很好...同裝修前無得比呀!今期的推介食物: 北海道元貝...是我最愛吃的...order佐好幾次刺身...還試了端爐燒..天婦羅..鐵板燒不同的食法..而甜品方面都很精緻..而且食完一款時,有時會轉另一款,令我除後要多加留意不同的款式,good...整體唯一建議就是一坐下便送上一盤麵包..是好吃..但不會吃得晒囉...因食晒都唔駛食其他野囉...所以最後有向餐廳作出建議..希望會改善啦...因我見很多枱都無法吃全部的麵包囉..但價錢方面...比我訂位所講的貴了...要550再加一即$605一位...雖然食物是值...但都感到貴的感覺..但都食得很滿意..侍應的服務一流...很有禮貌