幸屋

Open Now

Now Closed

今日放假去逛逛新開的合和商場，商店只開了一半，食肆更是寥寥可數，決定還是到附近的幸屋食拉麵更放心。.無錯，幸屋是一間可令人放心的拉麵店，水準一向穩定，價錢合理，選擇也多，拉麵、沾麵、丼飯和小食都不會令人失望。若說不放心是會唔會無位？不過今日星期六應該無問題。.餐廳不大，裝修風格似日式小店，樓底超高，感覺輕鬆。一邊有吧枱位，一個人享用也可吃得很自在。.胡麻王豚骨拉麵（$80）拉麵加入胡麻醬後多了芝麻香氣卻又不會蓋過本身醇厚濃郁的豚骨湯底，別有一番風味。我選了御屋mix，有兩塊不同部位的豚肉：一塊日式叉燒，另一塊䐁角煮。後者帶皮厚切，肉質軟糯，有入口即化的感覺。日本黑豚丼（$83）4片肥瘦相間的黑豚肉片，經燒烤後油脂減少，柔軟得來又有口感，肉的邊緣帶著焦香，外脆內軟，肥而不膩，非常好吃。吉列廣島蠔（$42）冷豆腐（$32）我最愛這兩款一冷一熱的小食，廣島蠔是可容易食用的一口Size炸蠔，鮮味濃縮，日式麵包糠炸漿香脆。冷豆腐簡單而美味。

灣仔巷仔人氣拉麵小店見呢間小店咁多好評，就同朋友嚟試吓😆期間限定🍜元貝鮭魚卵雞白湯拉麵幾特別😳好似第一次食拉麵加鮭魚卵～鮭魚卵好鮮甜，卜卜脆，一啲腥味都冇👍🏻👍🏻溏心蛋調味啱啱好，同埋做到流心😍有3塊雞胸肉，幾嫩～唔錯👍🏻仲有炸牛蒡，木耳絲，成碗麵都幾豐富，加上麵既份量都幾多～魚介豚骨沾麵朋友食呢款會比較濃味～厚叉燒燒得唔錯👍🏻一啲肥膩感都冇，但肉質又好軟身😍炸雞軟骨，新鮮炸起，一啲都唔油膩，香脆可口🩷冷豆腐加左青瓜絲，木魚碎～更有口感

喺附近收工，經過見到呢間日式餐廳，又突然想食拉麵，一於入去試吓佢嘅招牌拉麵。 胡麻王豚骨拉麵好香芝麻味，濃底濃郁，唔油膩。豚肉煮到勁諗，肥瘦度剛好，入口即化，仲索晒啲湯嘅味道。 日本黑豚丼黑豚肉好嫩滑，配搭燒汁味道剛剛好。溏心蛋蛋味幾香。丼飯份量都幾多，好夠飽。最後沈少少蔥花同芝麻，即刻提升香味層次。 冷豆腐幼滑嘅冷豆腐配醬油，加上蔥花、洋蔥、芝麻同肉鬆等，味道甘甜，好開胃。 吉列廣島蠔即炸吉列廣島蠔，外脆內軟，蠔身厚實飽滿脹卜卜，帶濃郁嘅蠔肉鮮味。

喺灣仔嘅一條小巷仔發現咗嘅一間裝修充滿日本風情嘅拉麵店，有矮枱同埋吧枱！除咗拉麵之外，仲有提供沾麵同丼飯等等！最近食咗好多唔同嘅湯麵，就係未食到拉麵，今次係時候食返碗日式拉麵啦～櫻花蝦味噌拉麵💰HK$88湯底濃郁，充滿味噌同埋櫻花蝦嘅鮮味！麵底就簡咗軟身少少嘅幼麵，掛湯能力高！配料除咗有櫻花蝦同溏心蛋等等之外，仲有叉燒同埋豚骨煮，口感一厚一薄，肥瘦均勻～鹿兒島赤雞沾麵💰HK$108赤雞胸肉質鮮嫩，仲有溏心蛋、木耳絲、椰菜絲等等！麵底簡咗粗麵，麵質係比較彈牙同埋有口感，沾去濃郁嘅魚介湯底到，惹味十足～冷豆腐💰HK$32表面佈滿青瓜絲、白芝麻同埋木魚碎碎，豆腐口感非常之嫩滑，凍凍地咁食再配埋日式醬汁，好有日式風味～和風炸鷄💰HK$45炸鷄即叫即炸，香脆可口，點配埋旁邊嘅醬汁，仲有淋咗喺表面嘅沙律醬，令人食得好滋味～不得不提，店員服務態度親切，小店充滿有人情味～

餐廳：幸屋地點：灣仔機利臣街菜式：日式拉麵餐牌：拉麵，沾麵，丼飯，小食，沙律，飲品等。可以揀拉麵既粗幼同硬度，湯既濃度，香油分量，辣度，連叉燒，葱同椰菜分量都有得揀。冷豆腐 $32冷豆腐一客四片，超級滑溜，入口凍冰冰，面頭加上青瓜絲，加上蔥花，白芝麻粒同木魚花。伴有清香冷麵汁，夠味又唔會太濃。炎夏小食之選。和風炸雞 $45和風炸雞一客三件，伴有沙律醬。熱辣辣上枱，炸得皮脆肉嫩，係雞脾肉呀，入面都好多汁，點沙律醬食更滑溜又可以降溫。櫻花蝦味噌拉麵 $88櫻花蝦味噌拉麵湯底色水呈橙色，好有蝦香味，又唔會太鹹。拉麵我揀左幼麵，口感唔錯，蛋香十足。配料有半肥瘦厚叉燒一片同薄叉燒一片，原隻流汁糖心蛋，同好多櫻花蝦仔，令碗麵蝦香更濃。厚叉燒好腍又入味，薄叉燒好大片。蔬菜有黑木耳、椰菜、紫菜同蔥花，帶黎唔同口感。面頭再灑上白芝麻粒。我自己加枱上面蒜蓉，令個湯更好味！日本黑豚丼 $83日本黑豚丼有炙燒日本黑豚六片，上面灑上蔥花同白芝麻粒。黑豚食落爽口而且醬汁甜甜地好惹味，好有炙燒香味。配有一隻糖心蛋一開二，蛋黃撈飯正！仲有少量梛菜。飯量好多，個汁送飯一流，而且都好夠汁餸飯，食到底都有汁。辣芽菜好鍾意食

週日烈日當空下走到灣仔隱蔽小巷，被鐵皮排檔擋著的居酒屋來碗日式拉麵小店樓底超高，環境寬敞企理，有普通矮枱及高枱裝修富有日本風味，主力供應拉麵及沾麵等裝橫以木系為主，配搭大量日本經典海報作點綴期間限定熟成味噌廣島蠔赤雞湯拉麵麵質煙韌，四隻蠔鮮甜惹味，加上兩塊嫩口雞胸帶子鰹魚湯赤雞胸拉麵真材實料無味精，鮮味十足小食冷豆腐鋪上木魚碎、白芝麻及大量青瓜絲，感覺新鮮芝士年糕軟糯外皮，包裹著濃濃芝士，嚼勁十足

今天晚上沒人煮飯，順勢就出去吃吧😝😝😝😝。又被我找到機會在外面吃了，於是立馬約朋友今晚聚餐一下，聚餐說得有點誇張，就普通吃一吃啦🤭🤭🤭。放工就來到灣仔覓食了，這家拉麵就是在openrice找到的，好評蠻多，又不算貴，而且看它的沾麵也好有名，想吃就出發吧。店內很有懷舊的日式感覺。我們點了兩個主食，再加兩個小吃。拉麵／沾麵都可以客制化，其中包括任意選擇麵條軟硬度，湯汁的溫度／濃度也是可以按要求調整的，非常人性化。醬燒牛肉飯 牛肉不是肥牛，牛肉脂肪不多，牛味卻很濃，而且一點都不柴，反而越嚼越有牛味，米飯就一般日本珍珠米，很香軟，淋上甜甜的燒汁，很是下飯，溫泉蛋就有點睛之效。蝦汁帆立貝沾麵 選了幼麵／熱湯／湯正常濃度／豚角煮含兩隻大大隻的帆立貝，厚切但入口即化的豚角煮，但一點不膩，上面還鋪滿了櫻花蝦以及黑木耳，真的好豐盛。湯汁蝦味很香濃，每口麵點上這湯汁，好滋味。芝士年糕炸到外面有點脆感，但裏面就行軟糯，芝士咸香。冷豆腐豆腐順滑冰涼，加上爽脆的青瓜絲以及蔥花，夏天吃真的好清爽。餐牌有實物圖看着更容易選。吃完就離開了，拍了一下灣仔的街景，也是很復古。

好耐無食過拉麵🥴 今次來訪依間位於灣仔，風味十足嘅拉麵小店😍 裡面裝修沿用日式拉麵店風格，木系為主嘅裝橫配搭大量日本經典海報作點綴，感覺韻味十足超級有feel👍 今次㨂咗兩款不同湯底嘅拉麵😋 分別係櫻花蝦味噌口味同埋黑蒜濃厚山藥豚骨口味❤️ 前者充滿濃郁鮮美嘅櫻花蝦味🤤 配搭鹹香惹味嘅味噌湯，食落滋味滿分✅ 後者採用豚骨配搭黑蒜嘅經典必食配搭🤩🌟 食落味道濃厚又馥郁，令人回味無窮😘 拉麵麵條彈牙又爽滑👍 盡吸湯底嘅精華❤️ 非常正喲❣️ 跟拉麵配有黑木耳、蔥花、叉燒、溏心蛋等多款配菜😋 非常豐富超級抵食🫶 另外㨂咗兩款精選小食😋 冷豆腐好滑溜好順口，食落充滿濃郁嘅豆香👍 芝士年糕新鮮炸起👍 油香滿溢❤️ 一口咬下，流心芝士餡傾瀉而出🤩🌟 口感軟糯又富嚼感😋

朋友喺灣仔住，今晚約佢食飯，佢就提議嚟呢度食飯敘舊。見到有限定拉麵，係帶子鰹魚湯車雞胸拉麵 $108，咁梗係二話揀呢個 。上菜見到實物，果然真材實料，連糖心蛋都係俾完整一隻開邊我哋，帆立貝都有兩粒，仲有好多配料，例如鰹魚碎、紫洋蔥碎、青蔥、筍片、木耳絲等等⋯⋯裏面軟硬度適中，雞胸肉亦都好嫩口，熟到啱啱好，有埋鰹魚碎帶出帆立貝同埋個湯底嘅鮮甜，完美！朋友叫咗個鰻魚丼飯 $98又係一碗好足料嘅丼飯，睇落就知係用日本米，最正既鰻魚係新鮮燒起嘅，幫我哋切埋一嚿嚿，厚薄均勻，仲會脆邊嘅，仲有陣炭燒味，又有一隻足料嘅開邊糖心蛋，有啲椰菜伴碗，仲有我最愛嘅蔥花灑面，令到整碗丼飯香氣滿溢！小食我哋叫咗兩款：冷豆腐$32 和 和風餃子 $38冷豆腐切得厚度適中，有足够嘅汁同豆腐做調味，面上亦都有啲芝麻粒、蔥花、同木魚花，整體好清新、好開胃。和風餃子超級正！唔係普通就咁煎，而係個餃子底整咗層薄脆咁去煎。個薄煎非常非常薄脆，口感一流！我自己就用咗枱面嘅辣椒油點咗一兩滴同個餃子一齊食，辣辣地又幾野味喎！環境坐得幾舒服、乾淨企理。餐牌都好整齊乾淨，我哋揭嘅時候唔會油淋淋，服務員都好殷勤有禮貌，會主動嚟添下茶、幫

天氣轉涼，今晚收工去左幸屋食返碗拉麵。幸屋位於灣仔街市附近，鋪位係街市排擋後面，入口係地下。一如既往，呢度餐牌選擇有幾款拉麵，沾麵，丼飯，小食，沙律，同埋飲料等。拉麵方面，你可以揀拉麵既粗幼同硬度，湯既濃度，香油分量，辣度，連叉燒，葱同椰菜分量都有得揀。北海道蟹味噌湯麵 $128呢個北海道蟹味噌湯麵係秋日之選，見到有新野，即試先。飲啖湯先，個湯唔會過鹹，都幾好飲。麵條係幼身而夠嚼勁，浸湯耐咗都唔會太淋。拉麵面頭鋪上3隻蟹腳，好有蟹味。肉類有叉燒兩片，係圓形切割，都好瘦。糖心蛋一隻一開二，又淋又滑，好入味，好食。蔬菜份量唔少，有椰菜，黑木耳，洋蔥絲，同扁筍，食落口感更佳。仲有紫菜一片，蔥花同白芝麻粒，令碗麵更香。蒲燒鰻魚丼 $93蒲燒鰻魚丼有超大條鰻魚一開2，真係底面都係咁大塊，上面灑上蔥花同白芝麻粒。鰻魚食落彈牙夠汁。配有一隻溫泉蛋，整穿有蛋汁撈飯令個飯又香又滑。仲有少量梛菜。飯量好多，個鰻魚汁送飯一流。另外叫左兩份小食分享。芝麻手羽 $38芝麻手羽一客兩隻，表面滿佈芝麻粒，炸得皮脆肉嫩，好香口，好食。冷豆腐 $32冷豆腐一客4大磚，上面加上青瓜絲，再灑上蔥花，木魚碎同白芝麻粒。豆腐夠

雖然天氣炎熱，不過有時都想食拉麵，今日去左灣仔街市附近既幸屋食返碗拉麵做晚餐。幸屋位於街市排擋後面，未黎過可能要揾揾。入到拉麵舖入面，就發現裏面高樓底，裝修非常之日式拉麵舖，感覺別有洞天！一如既往，幸屋既菜單有幾款拉麵，沾麵，丼飯，同埋小食，沙律，同飲料等。你仲可以揀拉麵既粗幼同硬度，湯既濃度，香油多少，辣度，連叉燒，葱同椰菜分量都有得揀。任何飯餐或拉麵餐加 $15就可以配細沙律或湯餃子及汽水。特濃味噌廣島蠔沾麵 $108呢個沾麵係我嘅至愛，次次必叫。特濃味噌廣島蠔沾麵配料有3隻蠔，肉質實在而且熱辣辣。伴有軟稔入味糖心蛋半隻。另配黑木耳，竹筍，香蔥碎，紫菜同一塊檸檬，最後撒上白芝麻粒。呢排菜價回落，今次有返梛菜同洋蔥，蔬菜種類豐富。麵條似烏冬，唔硬唔軟，好掛汁，份量足，夠飽肚。我每次都會揀熱麵底，個汁先唔會越食越凍。你都可以選擇凍麵底。個沾麵汁滾住上枱，熱辣辣，好香蠔味，質地濃厚之餘唔油膩，全部清嗮都唔過份。蒲燒鰻魚丼 $93估唔到拉麵店都有丼飯食，今晚叫左個蒲燒鰻魚丼。超大條鰻魚一開2，真係底面都係咁大塊，上面灑上蔥花同白芝麻粒。鰻魚熱辣辣，食落又彈牙又夠汁，正。配有一隻又腍又滑嘅糖

本拉麵控之前陪友人在一名牌拉麵店吃了一次他的拉麵；今次是陪日藉朋友到了住處附近，方便回家是也。汁煮牛和冷豆腐都超很入味，加上大量的蔥和湯汁，做到和味開胃的效果。更美味的是汁煮茄子……做到皮香肉軟的效果……超燙嘴的感覺，超正！主食方面，胡麻王小人之前在幸亭吃過無數次，以此而推，確為不差。推為人氣王的湯雖然淡了點，仍可接受。饅魚飯超級的少汁，一定要加強……這是日藉友人說的。蝦武王拉麵，超多櫻花蝦，都是好好食囉！誰理誰，選中了超合乎小人的心意！