建興亞婆豆腐花

Open Now

Now Closed

南丫島行山前必定會係起點食個阿婆豆腐花先上路。 黎過幾次都只係見到阿嫂，今次終於證實都市傳說中既阿婆仲在生！聞名不如見面，見阿婆仲好精靈，食到佢親手畢既豆腐花，頓之有種延年益壽、如浴春風之感。豆花有冷熱之分，落單俾錢後等阿婆整好放係托盤，就自行拎埋位食。凍豆腐花 ($12)軟滑既豆花近乎係口內化開，輕輕用脷尖一頂就吞得，味道清新、豆味唔算好濃郁，勝在夠凍夠滑。 阿婆淋上既黃糖漿濃度猶如蜜糖，即使我慣左食幾啖豆花落一次糖都頂唔住，最後要隔左d糖黎食，反而原味清清地仲正。大熱天時係樹蔭下、吹住涼風食個凍冰冰既豆腐花的確係人生一大樂事，可惜由離遠見到檔口開始，及至特意選擇最角落既通風位置，從頭到尾都傳來陣陣坑渠味，有少少難以下嚥。 明明上年黎既時候都冇呢個問題，睇黎天氣對附近既環境衛生有一定影響。當然一場黎到我依然會堅持幫襯，希望婆婆身體健康，下次再見面啦。

(凍/熱) 豆腐花HK $12/碗燒賣HK $16/9粒咖哩魚蛋HK $16/10粒第一次去左南丫島，由榕樹灣岀發，行左一陣就見到依間建興亞婆豆腐花。未行到過去已經見到有一條長龍排隊買豆腐花。一場黎到，又見咁多人排隊買黎食，所以就同屋企人試下。佢係自助式嘅，買完自己揾位坐，有啲似去 Food Count 食嘢咁。除左豆腐花之外，發現買豆腐花嘅另一邊有燒賣、咖哩魚蛋、紅腸、牛丸等嘅小食。豆腐花有凍同熱揀，如果外賣嘅話要加 1 蚊。豆腐花幾幼滑。頭幾啖五知點解我同家姐都食到有少少疑似人蔘嘅味道 😅 不過丫爸同丫媽就食五岀有。另外仲試左燒賣同咖哩魚蛋。咖哩魚蛋可以原味同咖哩兩溝。咖哩汁五會好辣，就算五係好食得辣嘅丫媽都接受到。雖然魚蛋五係好彈牙，不過個咖哩汁都幾好味。

去南丫島一定要食返碗山水豆腐花是常識吧～亞婆仲好健康咁賣豆花真叻，由細食到大同打卡一樣必到不過就由幾蚊碗賣到而家12蚊碗啦平時食開熱豆腐花就一定滑,今次趕時間食碗凍嘅估唔到一樣滑到不得了,阿婆不豆腐花時全無技巧咁滑係功架,糖水好膠好鬼甜,食一碗真係唔夠喉

5月19日, 臨結束我地嘅二人世界生活之前, 決定去多次南丫島拍拖郊遊下, 仲趁機會去行下山做下運動~ 由榕樹灣行去索古灣, 中途一定必經呀婆豆腐花! 基於運動過後又天氣有d熱, 半路中途一點甜絕對係難以抗拒~ 而云云咁多豆花中, 始終都係會食番阿婆豆腐花, 生怕食著其他會浪費quota...::: 凍豆腐花 ::: $10豆花即叫即片落碗, 永遠豪不吝嗇地疊到上頂~ 呀菲最鐘意用匙羹慢慢一塊一塊片出黎食, 呀比就會撈勻晒碗底d湯水大啖大啖咁食, 各有各喜好. 而豆花冰涼, 滑溜, o雪一聲就滑進喉嚨, 絕不似其他現成貨咁實的的. 豆味不重但會慢慢滲出黎, 好味~建興呀婆老了, 但門口人龍依舊不絕, 豆花依然滑溜~ 可幸的是份量依舊, 而價錢無乜點加, 算是十分難得!

每次同老婆去南丫島拍拖都會去阿婆度食碗豆腐花，尤其係天氣熱時可以慢慢嘆！但你嘆緊時啲蚊仲嘆，因為阿婆個度都幾多蚊下，惹蚊既朋友就要小心小心，食方面而家就無黃糖，桌上只有普通砂糖夾雜著極少黃糖，而價錢而家冷熱都係$10，外賣加$1，老婆話以前都係$6，年年加價加到而家。

在「天虹」吃完海鮮，婦女兵團便向友人位於榕樹灣的居所進發。由索罟灣步行往榕樹灣要超過1個鐘，友人是南丫島地胆，自然由她作嚮導，沿途一路為我們介紹香火鼎盛的天后廟、二次大戰期間被日軍用作防禦點的神風洞、山頂觀景亭等。我們途經香草原，友人介紹這 Herboland 是由兩位年青設計師創立，他們甘願放棄設計事業，歸園田居，轉行為有機農夫，種植百里香、迷迭香、羅勒等香草，總算又增廣見識了。雖然今日天氣算很熱，但行了好半天，大家都有點口渴兼疲累。友人提議我們坐下吃碗豆腐花，坐下後環顧四周，見木棚內貼有開飯熱店海報，才猛然醒起這是網上熱爆的「亞婆豆腐花」。點了三碗凍豆腐花及一杯凍豆漿，枱上有黃糖供客人自行添加，豆腐花真的算十分滑，豆味亦未至於好濃，反而那淡淡的薑汁味直湧上咽喉，加上每放一匙凍豆花到口裡，就有一種透心涼的感覺，簡直是消暑妙品。至於友人的豆漿，雖則我沒嚐過，但見友人叫老闆下次要少放點糖，相信定必是過甜了。友人們都是「惹蚊尤蜜」，倒反而我這個穿上熱褲的師奶能安然逃過蚊叮，如果你自問也是惹蚊一族，便要做好禦防措施了。由於友人好客搶着付賬，只好就此謝過。

一直食豆腐花,我都唔會叫凍的,因為大多凍豆腐花是"鞋"口及唔夠豆腐香的....我見這間豆腐花好像很有名,所以賭一賭,叫了凍豆腐花上桌時老闆會在您面前倒糖水(糖水也不錯,杰了些,但很香有薑味)除了方便老闆外,也可以自己選要多甜吃的時候有點擔心自己叫錯凍的不過它真是意想不到的滑,而且很香.....今次是我第一次去南丫島,以後我再去都會吃這豆腐花!!!

2月14日, 喺索古灣食完野, 一路沿住遠足徑行去榕樹灣. 行到入榕樹灣大街前, 見到有間小食店, 好多人排隊呀~ 原來已經黎到我地嘅第2站, 建興阿婆豆腐花~::: 凍豆腐花 x 2::: @$7排隊都排咗半個鐘有多, 咁出名真係唔食對唔住自己~ 我地每人叫咗一碗, 見阿婆婆”不”d豆花好純熟, 跟手再喺個水煲度倒糖漿, 話咁快就做好一碗~ 豆花真係超滑, 又夠晒凍, 啱晒行完山嘅人士!! 糖漿本身已經夠甜, 不過亞比向來鍾意落黃糖, 食到底會變得甜過龍~ 所以建議食凍嘅唔駛再加黃糖, 食之前將豆花糖漿撈混, 如果唔係會面淡底甜~ $7一碗真係超水準~ 出面d糖水舖賣成$20一碗仲要難食~ 真係唔知點解, 要喺d郊區食豆花先至有風味~ 黎到南丫島一定要食!