津屋爐端燒 (Closed)

放工和朋友來到九龍城，本來打算吃泰國菜，但夜飯時段實在太多人，所以改變主意吃日本菜，找到這間比較遠小小的日本餐廳，有位不用排隊，實在太好了。入面環境清潔舒適，店員亦很nice 。我們點了個二人套餐，餐前有個海蜇前菜，有青瓜、香菇、辣椒絲，很開胃的前菜。另外還有一小份有機野菜沙津，加了麻油的沙津汁，很新鮮清新，胃口大開。豆腐味噌湯不過不失。肥厚的三文魚刺身和甘甜鮮蝦也十分出色，新鮮美味。但我最愛還是帶子，加上檸檬把鮮味帶動出來，十分滿足。店員端上小屋燒廣島蠔，細心地提示我們要趁熱吃，濃郁的醬汁味道很香很特別，但亦不失廣島蠔本身的鮮味，而且咬下很juicy ，滿口都充滿蠔味，令人十分回味！主食是和風燒雞扒配䐁肉烏冬，雞肉肉質燒得剛好，外面很濃燒汁味，裡面肉質很滑嫩，很不錯。但烏冬煮得有點過軟，欠缺彈牙，而味道亦較淡，有進步的空間。甜品是豆腐和芝麻味雪糕，味道不錯。

早幾日朋友搵我出去搵食，諗下好似好耐無出九龍城日。於是二條友約去九龍城食野，朋友想食日本野,咁就去呢間津屋啦!聽聞幾好味喎.韓風醬燒蠔醬汁味道有泡菜汁既酸辣，但同蠔既鮮味原來系好夾，好野味。試飲左一口醬汁比較遍咸。例排必食既刺身三文魚腩，好香好新鮮爽脆。我愛配紫穌葉一齊食，咁就去左肥腩既肥膩口感，又食到紫穌葉既香味。甜蝦，好大只好甜，唔錯。帶子，我自己愛食細粒，因為內質嫩口又唔膩。八抓魚，鮮嫩美味又唔硬，廚師按制食物品質方面的確合到好處。明太子雞翼嘩，好吸引既色澤，仲見到切開既雞翼仲有肉汁，廚師控制火候和時間好精準，雞皮仲系脆既，味道調得合到好處合我口味。味道剛好帶有小小辣味，美味可口。汁燒尤魚筒 (配薑蓉)即叫即燒既尤魚筒，肉質鮮嫩軟滑唔乾身，唔需要點醬汁都夠味道，配汁會野味些，真系值得我一讚。甜品雪糕我要左紅豆雪糕，好好味，只是份量少了點，有二個球就一流啦。舖內面積唔算大，但環境都好乾淨唔失禮，坐位寬敞幾好坐。價格都算中等，可以精選自己喜愛的食物。平均每人大約$300～$380

星期六，天晴，假期好耐無陪媽媽，於是就陪媽媽行街同埋食飯。炎熱既天氣最好就係係商場買下野， 到夜晚就上OPENRICE搵到呢間日本野，好似幾好味就黎試試。一份到餐廳就感受到一股日本的風味。裝修格調都十分日本化。前菜($10) 小碗螺肉青瓜冬菇，青瓜爽脆，配上鮮美螺肉，係炎炎既夏日係開胃既小菜。刺身($227) 我地兩個人叫左幾款刺身。三文魚比出面既餐廳都肥美又鮮味。帆立貝有一個小碗裝住再配有檸檬汁，令到帆立貝更加鮮味。青曹以刺身第一次食呢種魚。食落好有口感，不同其他魚都是偏軟的口感。油甘魚魚肉油份好夠肉質鮮味，跟放題不是同一個水準。甜蝦亦是比放題甜美得多。 食完呢D刺身可能會對放題唔會感興趣。鐵板牛舌粒($78) 一送到已聞到香味撲鼻，牛舌粒厚身而大粒，但一口咬落去肉質結實但不會太老。難得咁厚身都唔會煮得老而唔好食。配上鐵板可以保持溫度慢慢品嚐。蔥碎吞拿魚腩小卷($88)  大量的蔥碎加上吞拿魚腩，入口有濃濃既蔥味，而飯上既吞拿魚加上蔥香真係配合得十分好。鹽燒冬菇串($18) 食到咁上下食埋呢個冬菇串，燒得香氣四散而中冬菇水份仍然十分多，不會乾，口感十分好。最後食埋花芒果雪糕同埋曲奇雪

到九龍城,開飯的菜式,十居其九,也是離不開是泰國菜吧!這天放工後,要落一轉九龍城買蛋糕,迴旋處不停的塞車,在沒有地鐵覆蓋的九龍城,走也是困難~等了一輪都是沒有好轉,不如乾脆就在此吃飯就好,最後就因利成便,選了在巴士站後面的津屋爐端燒~~一行四人,入座後人不多,裝修與一般的日式料理店沒兩樣,都是設有吧台,四人枱等~枱與枱的間隔也算闊落,有足夠的私癮度~坐下不久,店員送上前菜(每位$10),入面由多款不同的日式前菜組合而成,如蟹柳,螺頭,青瓜,冬菇,海蜇,芝麻等即食食材拌勻,味道辣辣地,幾開胃,老實說,就是有點巧立名目的感覺~胡麻雞肉沙律沙律用的是雞排肉,外層烤至脆脆地,雞肉口感嫩滑,沙律菜以胡麻沙律汁調味,清清爽爽,整體配搭不錯刺身 --款款厚切又肥美,排列也精緻,看圖就知是新鮮貨色~甜蝦,大大隻,肉質彈牙又鮮甜,好吃~~生蠔 -- 我不吃蠔,所以交由朋友處理,我是極怕蠔腥味,之前跟朋友去學開蠔,老師說只有開了很久不新鮮的蠔才會有味道,我也以這為標準,我沒打算吃也有聞一下,果然聞不到蠔腥味,照老師所言,食材是夠新鮮的~~帆立貝日月卷以三文魚刺身及青瓜以紫菜卷成反卷,之後在上面加上厚身的帆