柴門西餐廳

Open Now

Now Closed

生日就梗係搵個理由食好西啦！不過而家疫情爆得好犀利，去旺區食o野又唔係好安全咁，始終人流太多啦。又想食得滿意又想放心，自不然諗到柴門。上幾次o黎到都遇唔倒牛柳，好回味，今次即管試吓有無得預留牛柳，店家好友善，願意安排餐牌以外菜式，提一提大家，法式油封鴨腿都有得預留。湯係蘑菇湯，仲有麵包同埋有橙汁o既春卷沙律。麵包好軟熟又實在，配上濃濃蘑菇味又夠熱o既蘑菇湯好出色。每次o黎呢度食沙律，除o左用料新鮮外，個 dressing 都係用生果造成，效果就係食落好清新唔會油膩（年紀大愛養身，放落肚要好味亦要對身體好）。主菜係阿根廷牛柳，有一段日子無食佢o既牛柳，無令我失望。油脂低但肉味重，而且亦都腍身唔會鞋，再加上個面有少少焦同脆身，加埋好好味，唔駛點汁都足夠啦。Happy Bday to me~ 甜品我揀左辣椒朱古力餅，香濃朱古力配上一點辣，食多件都仲得。另外，屋企人今次嗌o左法式煎焗鮮鴨胸 跟 煎鴨肝，估唔到法國鴨胸可以咁多肉，而且好重肉味，唔知我以為食緊鵝呀。員工有禮充滿笑容，除左環境舒服傾倒偈，食物好味（要持續保持質素唔係易事），員工服務亦佳，都好難唔做回頭客。

今日去咗柴灣睇「梅艷芳」，之後就響附近搵食，結果我到呢間柴門西餐廳，見網上食評唔錯，所以就去試下。呢度有Set Lunch，價錢由($98 -$268)，有熟成牛肉可以選擇，我同朋友各點了一個Set Lunch。前菜：🥢柴門特色沙律 + 精選餐湯 配 健康麵包， 精選餐湯今日是蘑菇湯，十分香濃主菜： 🥢香煎加拿大天然豬鞍 配 蜜糖芥末鮮橙醬汁 ($158) - 豬鞍好有甜味，而且有肉汁，不錯🥢煎焗澳洲優質穀飼牛柳 配 阿根廷青醬 ($178) - 牛柳要了五成熟，我覺得牛味不錯太特出。🥢法式焦糖燉蛋 (+$22)🥢Cappuccino (+ $12)附上菜單

咁岩友人生日+友人新居入伙 就由元朗入柴灣食好嘢 呢個地方我咁大個女只嚟過2次今次都係探朋友xd係Open Rice預約了週末2pm 5人行 並remark jor 甜品要落名 餐廳會whatsapp confirm booking & remind唔好早到 因為當日太full 幾有趣😛 當日我哋準時到 餐廳係工業區一幢是是正正的office building內 通常係工業大廈 辦公大樓就少見喔 到埗後店員就帶我哋去安排好嘅位置 餐廳有2邊 入到去個感覺幾復古🕰有點歐陸風 暖黃嘅燈光💡成件事好浪漫 睇得出餐廳都花咗唔少心機佈置 仲有裝飾埋閣樓 不過應該係唔上得去/上唔到去的 一坐低就充滿期待了 我哋5個女仔 個個餓鬼上身 一開始order了4個brunch set 食到一半店員話last order就order多1份+4個甜品 店員屢次話睇我哋唔出咁食得😹笑死 share食都差唔到laaaa haha 成餐影咗2次相📸店員都好nice 又幾風趣 會同我哋吹下水 氛圍好好💯上甜品前我仲去咗confirm有無落朋友名 so helpful good! 重點來了 分享下我哋食咗d咩 總共5個

柴灣係一個美食沙漠地方，西餐廳的選擇不多。柴門西餐廳依家星期日都有開放，方便左柴灣居民假日可以幫襯試下，呢間西餐廳性價比好高，服務態度良好，裝橫唔錯，擺放左好多唔同既油畫。前菜沙律麵包較普通，好熱既南瓜湯，好岩女性鐘意飲熱湯既人，而沙律菜的醬料較特別，唔係用黑醋或麻醬，而係芒果醬。主菜方面黑毛豬肩肉身都厚，配左淡淡既紅酒味，配菜方面就有薯蓉同紅蘿蔔，較健康。羊架既牛油蒜蓉味就唔算太強，配左一些雜菜同薯蓉，整體來說都唔錯！*溫馨提示*記得要whatsapps or用openrice book位先有八八折呀！

有事去一轉柴灣，又遇著食晏時候，想喺柴灣食得舒服又有質素保證，我剩係諗到柴門。點咗煎焗西班牙黑毛豬肩肉配紅酒汁 set lunch。之前食咗前菜先（值得一提係餐前麵包都係餐廳自己烘焙），熱辣辣o既食物都係美好的，無論麵包（烘到脆）定係西湯都熱得恰到好處。其實我想食柴門唧法式油封鴨腿，可惜太受歡迎一直緣慳一面，唯有再次先啦。主菜到，隻碟係暖笠笠，原本以為豬肩肉咪又係一塊豬肉，我實在太愛個皮，佢整到好香好脆，好似炭火燒過咁。我一向鍾意食柴肉，唔鍾意食肥，塊豬肩肉有少少肥，但好味，食落爽口，而且夠厚好咬口。可惜因為趕住走，無機會嗌埋點品，下次補番。

聽一個foodie朋友推薦左好多次，今次終於黎到港島綫最篤篤嘅柴灣，梗係要黎試下呢間餐廳啦！入到去餐廳會見到好多幅精美嘅油畫，環境好cozy。是日來食午餐。前菜係沙律、南瓜湯同春捲我選了朋友推薦的油封鴨腿，呢到係經典嘅法國菜🇫🇷。無得歐遊都未有望梅止渴啦