Mokumoku Yakiton (厚福街)

Open Now

Now Closed

🏠 Mokumoku Yakiton (厚福街) 果日星期五約左2個密友食晚飯，嚟個Happy Friday🔥 當日book左9點，但最後9:30先入到座，等嘅期間店員有比我地一人一枝茶作補償，因為出面有一枱客遲左交枱，始終果陣都9點鐘，我地都照等左，不過座位安排上餐廳可以改善下🙏🏻提提大家呢間嘅串燒係最少叫2串嘅，所以比較方便一大班人嚟食。前菜 $56 呢個前菜係我地一坐低就上左，以為係免費😂 本身諗緊係咪因為送咗三支茶俾我哋，所以當補返個價，但睇返其他食評都有人遇上呢個情況，似乎唔係巧合…燒飯團-三文魚 $38 豚骨湯沾麵（熱）$78三文魚（五切）$58 石鍋溫泉蛋豚肉飯 $78 秋葵豬肉卷 $72 厚切牛舌 $116 九條蔥卷 $76 網油豬腦卷 $76 沖繩苦瓜卷 $76Domaine de Fussiacus (White) $498 食物正正常常啦，抵唔抵好唔好食就見仁見智，但餐廳係前菜同埋座位嘅安排令我感覺有啲唔誠實，加上係openrice book位時佢有寫住有9折，但最後埋單先知要4人以上再加有人生日先可以享有呢個優惠...而且串燒要叫2串起會令2人嘅食客唔方便，講真

日文的Moku Moku有如雲的煙霧的意思，而Yakiton指的是豬肉串燒。店家主打日式串燒，店內裝修充滿傳統的日式居酒屋風格，牆身更貼有豬身不同部位的圖案，絕對要點豬肉類串燒。現在疫情關係，餐廳推出三款限時優惠，有啤酒買二送一，有清酒買一送一，12:00-17:30更享有全單正價7折。前菜 – 日本蕃茄 - $28清甜又多汁的蕃茄，酸酸甜甜。燒馬友魚 - $298馬友魚是一種多脂肪的名貴魚，肉質鮮美，細膩而爽口，燒起的魚皮香脆入味。生蠔刺身 - $136/2日本岩蠔體形巨大，比一般日本蠔濃厚肥美，口感超Creamy，海水味不太重，鹹甜適中無比。煙燻豬腩 - $128肥瘦相間的豬腩肉特別有口感，柔軟多汁、肥而不膩，煙燻更添一份煙香味。西班牙黑豚肩肉串 - $76/2柔軟鮮嫩，那芬芳的油花愈嚼愈香。西班牙黑豚豬頸肉串 - $76/2肥瘦混雜，油花分布均勻，入口略帶韌性，好爽口。豬大腸串 - $68/2猛火燒烤逼出多餘油脂，同時又揮發出豬油香，入口略帶嚼勁不硬，有咸香感。豬肝串 - $64/2外皮略帶焦脆，入口是粉嫩的感覺。林檎紅薑豬肉卷 - $76/2薄薄的燒豬肉包裹著日本林檎蘋果香味撲

近期好想食串燒又去開尖沙咀就book咗呢間Book咗5:30 入座時佢話7:00前埋單就有7折5:30入座就無乜人 但後面有枱客飲醉酒咁款所以有啲嘈不過都無乜太大影響前菜係一個蕃茄加咗啲酸酸甜甜嘅汁好開胃！好味道！之後就等咗一段時間先上串燒 都等得幾耐 20分鐘左右 不過一上菜就覺得等咁耐好值！串燒們一睇就知係即整即上 熱辣辣 好美味推介菜式:燒菠蘿外面有層焦糖皮 入面啲菠蘿又多汁 燒菠蘿嚟講真係數一數二咁好食！月見免治豚肉食落口好肉感嘅感覺 加埋啲醬汁 真係食完一條又想食多條！豚肉蘆筍卷蘆筍好脆好爽口中和到外面層豚肉嘅油脂感 口感一流！

轉眼間距離中學畢業都已經好一大段日子，我同好朋友對上一次成功約到兩位師姐原來已經係五年前嘅事。難得約到出嚟當然要搵間位置便利，環境舒服，可以靜靜地比大家catch up嘅好地方。從唔少嘅可愛小豬擺設可得知居酒屋以豚肉作賣點！一入座侍應就為我地端上兩份前菜，去皮番茄配日式醬汁酸酸甜甜都幾清爽。第一樣order就係居酒屋必點嘅雞泡魚乾。散發著一股濃濃嘅炭燒香味，而且又薄又脆，好快就吃完！嚟到重頭戲串燒啦！豚肉方面，我地order左signature天下第一刀、紫蘇豬肉卷同芫茜卷！天下第一刀係豬送到豬肉檔後落第一刀，近豬頸椎肉嘅位置，所以得好少比較稀有。天下第一刀嘅外層燒得少少燶，一D都唔肥，肉質爽兼彈牙，確實唔錯！紫蘇豬肉卷同芫茜卷都係用一層薄豬肉包住紫蘇葉/芫茜加醬汁去燒。紫蘇葉好fresh超香！芫茜我就唔太鍾意，就留比朋友們慢慢享用啦~除左主打嘅豚肉串燒，我地仲order左雞翼串、雞軟骨串同牛舌(厚切)。雞翼個皮超脆，油脂滿滿，雞肉又幼嫩，超正！食串燒又點少得燒菠蘿、日本番薯仔同邪惡嘅燒芝士年糕呢！特愛日本番薯仔，細細粒連皮食超甜！仲叫左石鍋溫泉蛋豚肉飯，侍應好細心咁提醒我地如果想要飯

平時食牛肉嘅燒肉就食得多啦，呢間轉係食豬嘅串燒就真係第一次食，餐廳係會將豬唔同嘅部份例如豬腦、豬心、豬腸、豬肩肉等等唔同豬嘅部份用嚟烹調美食，務求食材都用豬為主題蕃茄沙律係呢度嘅開胃菜，新鮮嘅蕃茄令到口腔有做好清新嘅味道，咁一陣就可以搭真啲食刺身、串燒又點可以少得日本酒，左邊就係京姖柚子檸檬甜酒$65杯，柚子嘅甜味同檸檬嘅酸味撈埋一齊，勁易入口，一啲都唔似飲緊酒右邊就係君井 山廢 純米吟釀 300ml $248，有成15.5度，個人會越飲越high依家酒品仲做緊買一送一添，超抵美酒梗係要配返美食啦呢款刺身有齊五款，左邊係赤蝦、帆立貝、海膽、油甘魚同三文魚，帆立貝卷成玫瑰花，相當吸睛估唔到呢度連花生苗都有得食，我本身以為我睇錯，花生苗原來係咁爽脆，好似食緊蘆筍咁，但每咬一啖都好有好香嘅花生油味道，出邊就包咗層燒到香脆既豚肉呢款就係豚肉包住秋葵西班牙黑豚豬肋骨肉既外皮係有燒焦既味道，但中間肉既部分非常淋，真係第一次食到咁高水準既豬肉豬顎骨肉串，即係豬嘅面俠部份，肉質比其他豬既部分仲會更加淋身厚切白金豚肉就係將肥高位置燒到金黃色，呢個名真係名符其實，當之無愧西班牙黑豚豬肩肉串夾心肉最後食返個

今日有個朋友不開心，想找人訴苦，他提議去這個居酒屋，話他上次來過覺得這裡不錯，所以我們就決定來這裡了。這裡環境不是很大，但就裝修得算骨子，我們被安排到坐吧枱，坐吧枱可以欣賞到廚師為我們燒得食物，坐下後就點了好幾種燒物一起吃。我先叫了一杯京姬蘋果酒，味道都算溫和，很有酒香，味道還帶一點蘋果香味，味道不錯！前菜－蕃茄沙律，蕃茄新鮮，煮得很腍，用醬汁滲入蕃茄，酸酸甜甜很入味，做前菜一流！白子刺身，雖然很多人聽到都覺得很嘔心，但朋友極力推介，故且一試，味道很清，所以他們用上醬汁調味，口感很滑，好像吃豆腐腦一樣，第一次吃，很特別！西班牙黑豚肩肉串，很香豬肉味，不是那麼很肥，很有肉味不靱，燒得很香，調味得宜，好味！粟米，吃小食都不會錯過燒粟米，粟米很甜，不乾多汁，清甜可口！天下第一刀，原來是豬頸下面位置，每一隻豬都只得500克，很矜貴啊！肉質不肥，不靱，很香，再黏上汁，一流無比！上等豬脷串，豬脷切得厚身。用鹽同燒汁燒，爽口，帶人少少喊的味道很好味！來到居酒屋又點會不點雞翼串呢，他們燒的雞翼串燒得剛剛好，恰度好處，雞翼算大隻，雞肉很嫰，好味！厚揚即是燒豆腐，這裡的燒豆腐燒得不錯，雖然燒過，但豆腐仍然

星期五夜晚周圍都無位，打電話去呢間居酒屋，竟然話有位，上到去雖然full full地，但係都好快入座仲要坐窗邊位我諗主要係因為樓面做嘢好勤快，因為每次送到過嚟嘅食物都仲係熱辣辣一坐低店員就介紹Secret Menu，例如有咩魚生新鮮等等。佢講得都幾詳細，覺得佢幾有熱誠！前菜係蕃茄，佢一定要你點嘅，幾開胃，價值$28。跟住就嚟咗居酒屋必點嘅雞泡魚乾（第一次食雞泡魚乾唔使爭沙律醬😂），同朋友一致覺得好好食，好鬆化仲要熱辣辣放入口，送酒必備！呢間店最出名係食豬我哋自己就揀咗豬皮、黑豚肩肉串、免治豚肉。個店員即刻問我哋要唔要啱啱介紹嗰啲，我哋話唔要，想試吓豬先，之後佢就介紹黑豚肋骨肉。果然冇叫錯，好好食！外皮煎得好脆，裏面又夠爽口，但係同時又好juicy!唔知係點做到雖然貴啲但係都值得呢個時候，豬皮到咗。個店員叫我哋趁熱食，如果唔係豬皮凍咗會韌，搞到我心急即刻食差啲唔記得影相（張相少咗一舊）最後食埋芝士年糕就圓滿結束啦，芝士年糕外脆內軟，不過唔夠煙韌，芝士係夠多嘅免治豬同豬肩都好食，不過我覺得唔係必點最後埋單$690兩個人，有啲偏貴，但佢環境+食物真係好似去咗日本咁見到好多人都約埋朋友落嚟飲酒

疫情期間, 好耐都唔出去食一次飯~但最近疫情冇咁嚴重了, 加上工作辛苦, 好想出去食餐好的~呢晚就同男朋友出左尖沙咀食串燒~我地去左Mokumoku Yakiton雖說疲情受控, 但都要注重衛生的~呢度都有, 入去前要探熱, 仲有搓手液供客人消毒雙手。另外枱同枱之間都有間板隔住~前菜 ($28)前菜係凍蕃茄,  蕃茄好甜~配少少蔥花同薑蓉,再配黑醋汁, 好開胃!刺身盛(5款) ($298)有大甜蝦, 三文魚, 油甘魚, 帶子同海膽!三文魚同油甘魚都幾厚切同大片, 新鮮。帶子好大粒! 大粒到一開4都唔覺得細!海膽好CREAMY, 配青瓜食好refreshing。甜蝦超大隻, 個頭都超大。啖啖肉, 好食!白金豚肉流心蛋卷 (@$38)蛋煮得好好, 咬開蛋黃流心效果一流。配豚肉同上面的櫻花蝦, 好香好好食汁燒白菌 (@$28)菌類燒過香味更濃郁, 搽上燒汁燒就唔會乾, juicy~厚切白金豚肉 (@$48)油香肉味都濃郁。豚肉好靚, 肥瘦相間。秋葵豬肉卷 (@$32)秋葵我不嬲都麻麻地, 但呢個卷埋豬肉一齊燒, 冇左個種"滑珊珊"既口感, 反而食得出佢既爽口清甜, 唔錯!呢度, 飲下酒, 食

Mokumoku Yakiton 餐廳感覺真係好特別。以豬的圖案做特色，圖片以及用品、擺設物都係以豬為主題。最後店主仲送我豬圖案的杯墊。真係好窩心。令我下次不能不去再試。餐廳的食物也不是想像中簡單。原來不只是提供豬食品，還有其他特色餐食。今次去到第一個菜式就是蒜子蕃茄沙律🥗開下胃，味道酸酸甜甜，好新鮮感覺。來到居酒屋🏮必定要試吓梅酒，所以黎一杯柚子x梅酒，味道甜甜的再加上柚子果味，入口好爽，還試埋果味的汽酒巨峰味道。真令人回味。再加上本店做緊優惠，12月份酒買一送一，真適合三五知己聚餐。食物更加不用說，見到有時令刺身就必試，今次竟然有秋刀魚，第一眼見佢的擺設已經忍不住想食，好靚，第一啖落口味道鮮甜，沒有魚腥味，再加上個汁真令人回味。再試試店內的主角豬制品，因為太多選擇，所以今次只試左幾種，豬有西班牙黑豚肩肉串，味道鮮甜，還試左食果子長大的厚切白金豚肉。第一次食豬的顎骨肉串，感覺好似牛肉，無論買相以及口感都似，所以令我下次都會再試。好特別。白膳係我的最愛所以必試的。餐廳還有好多用豬肉包住新鮮的不同材料串燒。用日本青椒加上芝士，入口啖啖芝士的味道，之後還有青椒的香味再加上豬肉的肉汁，一個字

朋友生日當然要食好D，上次同同事去左銅鑼灣的分店食過，覺得都唔錯，所以今次就帶朋友黎到尖沙咀呢間分店食下。餐廳有很多擺設都是豬的模樣，我們坐得位置可以見到廚師係到燒串燒的。食串燒當然要飲下酒開心一下!京姬梅子酒($65)，呢款梅酒梅味幾濃，反而酒味冇咁出，岩哂唔中意太苦既我!前菜-凍蕃茄($28)，呢個前菜非常開胃，蕃茄本身唔太酸而且甜甜地，落左日本酸汁落去令蕃茄變了開胃前菜!生蠔刺身($78)，呢度既生蠔超大超肥美，鮮甜得黎又creamy!西班牙夾心肉($38)，呢款夾心內配上大蔥，肉質都幾嫩滑。煙燻豬腩($128)，呢款肉食得出有煙燻過的味道，口感是平時吃的煙肉再厚一點，而且跟我早前在日本吃的煙肉味道相同!青椒芝士豬肉卷($36)，呢個青椒沒有很大的青椒味，平時唔中意食青椒既我都可以食到。內裡還有可以拉絲的芝士，最外層是薄薄的豬肉片，都幾惹味!紫蘇豬肉卷($32)，用上豬肉片包住紫蘇葉，可以減去豬肉的油膩感。豬大腸串($34)，這裡的豬大腸外邊燒得很脆口，但內裡還是有點軟軟的，點少少檸檬汁食更加惹味!豬生腸串($34)，豬生腸平時食"肥姐"果D就食得多，第一次食燒左既，口感幾特別!

2019年係豬年, 當然要黎專門食豬既地方啦, 呢間位於尖沙咀厚福街, 非常近地鐵站, 藍馬商業大廈16樓既Mokumoku Yakiton就係今次之選🤘室內裝修都係以和風木系為主, 牆上仲有隻寫晒唔同部位既豬, 呢度每個部位既串燒都有得食, 不過個人接受唔到豬腦所以冇叫🙈食個酸酸甜甜既蕃茄幫你清新一下味蕾先刺身盛5款 - $298話就話呢度係專食豬, 但一樣有刺身供應, 友人鍾意食, 就叫番盆5款既食下, 而且食材一樣新鮮, 絕不馬虎, 其中兩件帶子夾住一片檸檬, 同埋用青瓜墊住海膽更見師傅既用心設計紫蘇豬肉卷 - $32/串, 煙燻豬腩 - $128/份, 黑豚肉腸串 - $28/串, 豬喉軟骨串 - $34/串紫蘇葉味較為突出, 同豬香味相輔相乘👍黎自山形縣既煙燻豬腩, 脂肪同豬肉比例大概係一比一, 所以食落口感香滑而味道濃郁🤤黑豚肉腸串係產自靜岡縣, 燒得外脆內香, 港人對香腸之愛, 不用再多提了😂最正既係豬喉軟骨串, 少少椒鹽, 軟骨燒至脆透, 一咬就碎, 極為惹味😍燒芝士年糕 - $48/份, 厚切白金豚肉 - $48/串, 牛舌(厚切) - $58/串, 豬肝串 - $2

相約朋友放工後黎呢間日式居酒屋，之前經過見做緊新開張優惠全單有8折，就黎試一試燒酎同串燒！點知☕️🍾咖啡燒酎一試難忘，第二日已經再約左朋友下星期再黎飲過！順帶一提，侍應們都好好服務！一坐低就叫左兩杯水果燒酎，百香果水果豐富，酸中帶點甜，既開胃又能突顯酒味，荔枝則較甜，好喜歡百香果燒酎！正當飲完呢兩杯之際，諗住試下其他水果燒酎，經過侍應不停推介咖啡燒酎比我地後（其實一開始已經推介比我地，但我地婉拒左，因為想飲水果），卒之抵受唔住咖啡的誘惑，叫左一杯試下，點知好味到停唔到口！咖啡味道超級香濃，遇上燒酎甘濃可口，仲有陣陣回甘，太好飲唔小心飲完一杯又一杯！首先黎既前菜係蕃茄，蕃茄本身好開胃，加埋蔥蒜同豉油就已經好惹味！刺身好新鮮，三文魚尤其肥美！帶子同蝦都好鮮甜！煙燻過的豬腩肉完全沒有油膩的感覺！味噌煮豬軟骨煮得入味，不會太咸或太濃味！白金豚即黑白豬混種，比較肥美，肉質爽口，口感不錯！再點了兩串豚肉！豬腦好肥美，一口咬會爆漿，特別的好吃，值得一試！餐廳最後送左杯甜品比我地，係抹茶奶凍，抹茶味道濃郁，好消滯！