首爾家韓國料理

Open Now

Now Closed

舊同事聚舊日，舊同事飛返來港一段時間，趁呢個時候大家聚下，最近大家比較忙，最後夾到個星期一食飯，好少可星期一飯聚呢。就腳之下銅記食，揀左韓國料理，因為唔想等book定位最安全，用Openrice book有九折優惠。難得peak season之下的星期一唔洗OT，爽~!準時到達，平日的19:30，真係人少少。餐廳面積中等，木系設計暖色燈光感覺好warm。韓國啤酒(HITE)，$50。韓國燒酒(真露)，$70。聚舊就梗係啤啤佢，深水炸彈Happy Monday~乾杯!前菜，開胃爽口，泡菜不俗。紫菜牛肉包飯，$88，紫菜包飯都算大件，牛肉份量豐富，仲有蘋果薯仔蓉伴食都幾清新。辣炒年糕，$100，因為怕辣問左店員可唔可以小辣，可以即要了，都幾細碟，除左年糕仲有蛋及其他配料，年糕微熱口感煙韌，味道甜辣，幾好味呢。半半炸雞(原味及甜酸辣味)，$168，炸雞口感香脆，肉質軟嫩多汁又香口，美味!甜酸辣味，酸酸甜甜味幾少少辣醒胃，更加好味。海鮮豆腐辣湯，$100，材料十足又入味，辣辣地幾暖身，如果冬天飲更加正!有飯後果，感覺好窩心~!食物味道不俗，環境有氣氛，坐得幾舒服，服務態度幾好感到親切，價格合理

Blue Monday, 收工同朋友出去食飯, 調整一下心情。冇得去旅行, 唯有去食餐韓國菜當去左旅行啦。  可能因為星期一, 客人唔算多, walk-in 即刻有位。同朋友叫左韓式泡菜鍋, 紫菜牛肉包飯, 凍奶茶。落完單好快就上左前菜同飲品。前菜有六樣, 同去韓國食既款式都係差不多, 味道尚可。食完前菜, 包飯同泡菜鍋都上枱喇。兩樣食物既賣相都好吸引飯卷足料,幾樣唔同質感既配料(硬身蘿蔔, 軟身玉子, 冧身牛肉)包埋一齊, 咬落層次豐富。而且包得夠實唔散開, 紫菜又唔會冧身到咬唔斷。泡菜鍋入面除左泡菜仲有金菇, 豆腐, 倒入白飯一齊食, 每一啖都食到酸酸辣辣既味道, 刺激味蕾。

繼上次食咗間好難食嘅韓國餐廳之後，真係唔甘心，所以決定要黎首爾家食返餐好嘅。中午book左枱，一去到就有得入座。全場基本上都係坐滿，所以walk in應該比較難啲。兩個人食飯，叫兩個lunch set，再加杯汽水，$240埋單。前菜西蘭花同菠菜都好好食，基本上韓國餐廳所有前菜都係可以無限次加，但今次我叫佢refill就加得好少😂。兩個人食，前菜就有四碟。不過我另外特別要求話想要多一碟薯仔做前菜，都好樂意加俾我。炆牛肋骨冇上次食咁好食，不過都算係夠淋身，味道偏甜，唔算好重口味，但食到個底有啲濃，搞到食落去好似有沙咁。減分位。鐵板辣炒豬肉味道唔錯，唔會太辣，偏甜。有同洋蔥，蘿蔔同冬菇一齊炒，好餸飯。份量好足夠，送嘅湯都好好飲。但對比起上次食泡菜湯，我自己個人口味比較鍾意泡菜湯。柚子汽水正常，柚子蜂蜜都落得幾足。要求走冰都冇問題。飯後果: 橙兩片。冇影相，不過又真係幾甜。總括嚟講，第三次食首爾家，都算係keep到佢水準，食物質素好穩定。韓國餐廳呢個價錢真係幾抵，重點係唔會驚中伏。就算唔係好食到識飛，都唔會難食得去邊，總要有個質素保證。有機會要黎試下燒肉先😋😁

呢間餐廳個名我聽過好多次，見到評價都OK，所以決定去試一試。餐廳地方尚算優雅，今晚唔想食韓燒，所以只係集中係熟食上面。男朋友叫左個牛肉石頭飯，賣相好好，叫佢少油真係少油，份量同味道都唔錯。我叫左個韓式辣拌冷麵做晚餐，唔知點解好似有少少花生醬味，對我黎講一d都唔辣，拌麵比較杰身，份量都幾多，食到最後有d濟，如果有碗湯撈下會更好。由於我地兩個都係食肉獸既關係，我都仲叫左個炆牛肋骨同炸雞。炆牛肋骨好淋好入味，不過甜左少少，係到好漏。反而我鐘意個炸雞冇骨，又香又脆，不過炸粉就厚左少少。

真的要用坐無虛席來形容這餐廳！估不到訂了還是要等了一陣。我們一行四人生熟食物各點了些，店員細心問清了我們想自己燒還是由他們燒好了才上菜，我們選了自己燒，感覺較開心😊紫菜牛肉包飯，略嫌麻油味不夠多，但也好味。炆牛肋骨餐，牛肋超入味，連蘿蔔及冬菇也很好味，推薦！也點了韓式泡菜餅，比想像中厚身，淡淡的辣味，吃不到辣的表姐也吃到，覺得如果可以煎得更脆身會更好。每次食韓燒我都會點牛肋骨，牛肋骨於上菜前已被「劏開」了，變成薄薄的一條，方便燒烤。醃燒牛肉也不錯，很大碟，店員常常會協助我們燒，我會索性把伴碟的洋蔥也加入一起燒，就成了一碟洋蔥牛肉😆😆五花肉也是我喜愛的！雖然較肥，但可以把豬肉燒到兩邊略脆，很好味！這碟是由韓藉老闆親自幫我們燒的呢😉最特別的是燒豬皮，厚厚的一塊，燒好了，食落有點似啫喱，很多骨膠原呀！這裡的韓燒不包生菜，但我們都點了鮮生菜籃，用來包著肉吃，清新一點！

今日和太太出銅鑼灣首爾家食晚餐, 我們點了傳統雞肉石頭絆飯, 韓式炸醬面、紫菜蔬菜包飯、韓式煎餃子、沙律、韓式咖啡和鮮奶油雪糕鯛魚燒。傳統雞肉石頭絆飯。餐廳有前菜提供, 有通心粉, 泡菜、薯仔、魚乾、椰菜、腐皮和牙菜。最好食的腐皮和薯仔, 前者有少少辣好惹味, 後者薯仔好” 粉” 入口即熔；傳統雞肉石頭絆飯, 絆飯好有飯香, 有少少飯焦香,雞肉鮮嫩, 煎蛋好香, 整穿蛋汁拌飯食更加好味,配菜有牙菜和紫菜,牙菜和紫菜食落去更加有層次, 口感豐富；韓式炸醬面炸醬味辣度剛剛好, 面條好爽口, 肉碎好有嚼勁, 好開胃的炸醬面；紫菜蔬菜包飯飯好有飯香, 紫菜好爽菜, 蔬菜好爽口, 整個紫菜包飯食落有爽口；韓式煎餃子餃子煎得香脆, 餃子除有肉外還有菜, 肉質鮮甜菜好爽滑, 餃子食落肥而不膩, 送酒一流；沙律份量十足, 裡面有薯仔, 菠蘿、蘋果、煙肉和生菜, 薯仔好夠「粉」, 菠蘿酸甜, 蘋果爽脆、煙肉好香口惹味和生菜好爽口清新, 整個沙律配上沙律醬食落好開胃, 好開胃的前菜；飲品韓式咖啡咖啡味香濃, 味道不錯；食飽飽後我們點了甜品鮮奶油雪糕鯛魚燒, 鯛魚燒鮮奶油味打得好香滑, 雪糕是朱古力和雲呢拿

火鍋跟燒肉已將這個不冷的12月狠狠填滿, 今回真是儲脂肪過冬。說到燒肉自然會想起韓燒, 韓國菜系中, 傳統韓菜和韓燒一直是個人的偏好。 而於銅鑼灣柏寧酒店內, 就開了一間由韓國人主理的韓國料理 - 首爾家。 步出電梯門, 精緻的韓式擺設映入眼簾, 佈局跟傳統的韓國菜差不多。 點好菜後, 先送上6碟前菜: 泡菜、 芽菜、 薯仔、 白飯魚乾、 西蘭花腸仔、 山藥。 款式之多, 盡是滿足心多多。 蘸點肉類的醬汁有: 燒汁、 麻油和豆瓣醬。 燒爐中間早已放入一兜高湯, 原來是加了雞蛋和配料的蛋漿, 一邊燒肉一邊把蛋漿烘熟, 真有效益。 不一會就可以把蛋漿夾起。 熱騰騰的熟蛋花, 帶高湯的濃香, 還有洋蔥粒、 蔥花等加入, 又香又滑, 底部還有些蛋焦, 非常好吃。 純味特級牛肋骨 $138一整條牛肋骨放入爐中燒, 牛肉厚薄適中, 很快就可反轉燒另一面, 肉質彈牙嫩滑, 充斥牛味香, 蘸上醬汁增加香口, 與泡菜一起吃更是惹味。 紅酒五花腩 $128邪惡的五花腩排得整齊, 脂肪和肉層次分明, 燒後將油花迫出,味道更顯濃郁。 五花腩帶微微紅酒香, 脂肪香又有肉汁香。伴碟的洋

今日和太太出銅鑼灣首爾家食韓國菜, 點了牛尾湯, 韓式雞肉拌飯、韓式炸醬面、紫菜生菜包飯、沙律和韓式咖啡。前菜有泡菜, 腰果、甜薯仔、炸腐皮、酣雲耳和牙菜。泡菜辣菜適中, 腰果好爽脆、甜薯仔香甜、炸腐皮脆卜卜、酣雲耳酸酸甜甜和牙菜爽口, 開胃前菜。牛尾湯味道香濃, 牛尾鮮嫩入口, 附上白飯食飯一流；韓式雞肉拌飯, 配菜除雞肉外, 還有泡菜, 紫菜、生菜和雞蛋, 飯夠熱, 雞肉鮮嫩、煎蛋煎得甘香、泡菜辣味適中、紫菜香脆、 生菜新鮮爽口, 材料好豐富, 好好食的拌飯；韓式炸醬面炸醬甜度適中, 配上黃蘿蔔食落更加醒胃, 最後配上生菜絲食落更加爽口；紫菜生菜包飯食落好口感一流, 裡面有蘿白絲和蛋, 食落好有層次, 口感豐富, 唯獨壽司質感太鬆, 一夾比較易散；沙律好好食,入面有蘋果, 波羅和生菜, 沙律好開胃, 蘋果爽脆、波羅香甜和生菜爽口；最後韓式咖啡, 咖啡香濃, 奶好香滑。餐廳座位舒適, 有茶几仔可擺放外套, 另外有屏阻隔燒烤的油煙, 好窩心的服務, 食物質素不錯, 值得再去。

近日朋友從外地回來，前幾天和他行經銅鑼灣一帶，想找地方落腳飯聚，在網上找了一遍，屬意一間座落於酒店大廈入面的韓國餐廳，遂起行去尋覓一下。這餐廳藏身於酒店裡面，據店員透露已開業近數年，但連在這區長大的筆者也完全未聞其名，實在有點神秘，而原來這一棟大廈裡還有好幾間餐廳，着實令筆者意想不到。餐廳環境乾淨舒服，座位之間距離適中，裝潢和周遭環境很有傳統韓國小店風味，加上當中亦不乏韓籍客人，感覺地道。一入座店員已自動放下6小碟前菜，而有些是外面少見的，好像炆薯仔、蓮藕粉做成的糕條等，連泡菜也是自家醃製的，味道不會太酸甜，較外面的多了一份鹹香。打開餐牌，韓食款式都算幾齊全，BBQ、石窩飯、韓式麵食、炸雞、人参雞湯和海鮮煎餅一應俱全。筆者二人點了鮮肉眼牛扒、五花肉、韓式醃牛大腸及傳統石頭牛肉拌飯。上菜前店員先將一個裝有水的鐵壺放低，裡面放有剪刀和鉗，供客人夾肉及剪開肉塊，跟韓國地道餐廳的傳統做法一模一樣。鮮肉眼牛扒，原塊肉眼扒放落BBQ爐燒烤，燒至外面微焦脆，內裡肉嫩Juicy，肉汁滿滿，肉味香濃，燒溶牛脂的油香慢慢滲出，不用配上醬油也甘香滋味。五花肉，裁得厚度剛好，脂肪一層肥一層瘦相間有序分佈平均，

特意過來首爾家，食下傳統韓味甜品。7点前比較少人，之後，有很多 Reserved Table 呢!2個人，點了3餸1甜品。坐下就有小巧的前菜。薯仔軟身又入味，少許甜甜的。青豆也乾身又脆。泡菜就少辣。燒牛肋骨$138先來雞蛋在爐中煮。口味是清淡的，配牛肋骨食，可以呀!長長ㄧ條牛肋骨，可剪成6小片。牛肋骨也很厚身。牛肋骨挑了沒有任何醬料。但燒好後，肉汁多，加些醬料已經很正啦!我最喜歡就拌洋蔥一齊食。炆牛肋骨$128之後食炆牛肋骨，又是另一種風味。牛肋骨炆到完全入味，充滿香甜。又有肥位，整個配搭令我很滿足。除了5/6 大件牛肋骨，還有紅、白蘿蔔，都係完全吸收湯汁精華。香甜湯汁，加碗飯就 perfect!喜歡甜食牛的，不要錯過。辣炒芝士年糕拉麵$88辣炒芝士年糕拉麵用上彈牙韓式公仔麵。想不到也是比較香甜。少辣程度。年糕不算多，也不夠軟身。韓式雪糕甜餅$88最後食了韓式雪糕甜餅。是傳統甜燒餅。食落外皮被煎香，有些鍊奶，質地是 QQ的。混上2款雪糕食，確實很不錯，亦飽肚。

很久沒吃韓燒，這次跟友人試了這所首爾家。喜歡吃韓式餐廳的其中一個原因是因為這些小碟，每次看見都雀躍不斷，這裡的泡菜特別好吃。還未開始燒肉類，店員先放蛋於中間，蒸好了再換爐燒，這個蒸蛋，內裡有點雜菜粒與蔥粒，但味道相對較淡。先點飲料青檸檬汽水($28)、紅醋汽水($28）前者味道較易入口且帶微檸檬酸，後者只有甜味。終於到了燒肉類的環節，這次簡單點了兩道肉類。辣烤豬肉($128)這個豬肉實際上是一群豬肉條，辣味十分夠，但放在爐上感覺像炒豬肉，辣醬的包圍導致難以看清肉類的熟透度，吃了幾次不同的熟度，但味道亦是只有辣，肉質偏硬。牛脷($108)外貌不太討好，對比起豬肉這個是沒有調味，但吃下質感不錯，味道就談不上什麼了，很淡。最後把配菜都放到爐上燒，野菜花的時間較長。韓式炸醬麵($98)賣相不俗，醬料味道鹹中帶點甜，韓式炸醬麵是偏甜的，這個有做得到。把所有撈勻上碟。配著一小片清新的醃蘿蔔，麵條Q彈彈牙，每條麵條都掛滿甜甜的醬汁，加上蘿蔔的爽口，惹味非常。韓式炸雞肉($148)這個炸雞，雞肉先用牛奶浸泡一小時，後加上炸粉炸，令到炸雞的雞肉特別嫩滑，有醬的炸雞惹味，但即使是原味的炸雞亦不會感覺到「熱

這天晚上，有朋自遠方來，當然少不免吃個飯，本來想去遠一點，但朋友剛剛下機，舟車勞頓一頓也想早一點休息，酒店大堂職員就介紹了在他們酒店一旁的韓食店給我們。見它位於酒店內但索價合理，就一於發揮大無畏的精神，當晚七時多，人流不多，靜靜地傾下計都唔錯的！店字每隔兩張枱都設有屏風，私隱度高，加上枱與枱之間相隔都不太近，感覺都幾舒服的先送上四式的前菜，甜酸辣爽脆粉糯的口感也齊備，喜歡微辣的大白菜泡菜，也喜歡甜糯的甜薯，清淡爽口的芽菜也很討好，前菜雖一丿不如別人家有十多款，但也算出色，很有家的感覺韓式豆腐湯材料也挺多的，豆腐，冬菇，雜菜等煮成的湯底帶點微辣，惹味過癮！店員把一個壼狀的東西放到火爐的中間，初時我也不知道是什麼來，之後它開始不住地翻滾，原來是蒸蛋來的呀！媽呀！我好喜歡吃爐邊蛋的喔！完全是意料之外，Oppa 幫我們煮好，火喉控制得超好，入口是剛熟透的狀態，滑溜不老。調味不會很濃，入口有點葱花的香氣，蛋香保持得不錯！水冷麵麵條放在冰凍的湯入面，伴著蕃茄片，青瓜，半隻蛋，已醃的酸蘿蔔片，牛肉等食材，麵條入口煙煙韌韌，有種透心涼的感覺，仲可以加上麻醬或酸醋自行調味，不過我就咁食都覺得幾對胃口！牛

很久以前在這家韓國餐廳－－首爾家開張的時候有特價優惠。那炸雞一盆都是一百元樓下，抵食程度叫人想日日幫襯。可惜當時剛開學大家都忙，約不到友人，唯有放棄一試。可是這次為了要慶祝友人可以讀Bachelor，加上補回之前的生日飯，種種原因……「不如我地去食韓國野？」　　說實話沒有上過去，只是路過的時候會眺望一下，也不知道內裏是怎樣的。其實是位於一家精品酒店的一樓，環境應該不差吧？星期日至四晚飯時間有啤酒買一送一優惠，九點半後入座更有八折。　　環境頗有舊時韓屋的感覺，主要是因為屏風吧？雖然有得燒烤，但跟常見的設備不同，不是用那從天花板吊下來的抽油煙管。店方指這款爐不需多加花款，旁邊一大堆氣孔就可以洩去油煙。這個是高級得多的版本，沒有那搖搖晃晃的煙管阻礙，不過我們還是沒有烤肉啦。　　前菜款式多樣，包括泡菜、魚乾、芽菜、翠玉瓜、薯仔及蓮藕。個人來說最喜歡的倒是帶硬韌嚼感的魚仔，鹹鹹甜甜夠惹味。友人則大愛那綿身微甜的薯仔，香口又不會叫人太飽滯。韓式炸雞肉（醃）+沙拉　$148+10%　　一場到來，當然要吃吃這裏頗為有名的炸雞啦。以小鐵板上桌，其實不太懂箇中原因，說保暖的話其實又不算有效。怎樣都好，起骨