五匠六釜

Open Now

Now Closed

每逢星期六日唔知去邊，我哋就會去Airside冒險樂園夾公仔，五匠六釜係我喺Airside食過嘅第四間餐廳。我地六點到達餐廳既時候，餐廳外面已經好多人等緊位。入面裝潢行簡約路線，最特別係落地打玻璃，不過對面係工地，所以冇咩景色可言🤣- 螞蟻上樹其實係豬肉碎炒粉絲，味道香辣惹味，份量非常大，完全食唔晒🤣- 酸辣土豆絲呢個份量係我平時叫既一倍至兩倍，真係好誇張😱。即使咁多土豆絲一齊炒，土豆絲口感爽脆，而且非常開胃，令人食唔停口。- 北京填鴨薄餅皮保持濕潤，唔會咁易痴埋一舊。鴨皮酥脆，油份適中，肥瘦均勻。配料醬汁選擇唔算多，有甜麵醬、蔥絲同青瓜。- 鴨屎香檸檬茶估唔到中餐廳入面都有鴨屎香檸檬茶🤣，檸檬茶好大杯，入口清香，醇厚回甘。五匠六釜應該係Airside入面性價高既一間餐廳，無論食物飲品都好大份，「抵食」絕對係呢間餐廳嘅代名詞

今日去咗啟德Airside 覓食🥳搵到呢間食中菜嘅餐廳都有啲人排緊隊，一於試吓好彩好快就可以入座😍嗌咗個陳醋海蜇前菜，有驚喜地有青瓜🥒 整體調味都啱啱好食完就開胃啦😆餃子有得揀跟湯上(+$5)我哋嗌咗韭菜豬肉餃子🥟整體都大隻，正常發揮🫶🏻終於到咗重頭戲，就係大家都推介嘅北京填鴨（半隻），鴨油燒得啱啱好🥰夾落夾餅入邊配合京蔥，仲有青瓜再點埋佢哋特製嘅海鮮醬，入口豐富而唔會太油膩😋而且餅皮做得夠薄，份量亦都足夠💯

Airside開左咁耐終於黎朝聖😽黎到頂樓食京川菜 7點黎到已經坐滿人最後要坐到出門口🤣✿ 脆炸鮮奶 $8/件 ✿好多枱都有嗌 新鮮炸起面頭好脆 入面鮮奶好creamy~😆✿ 北京填鴨(半隻) $168 ✿$168就有半隻鴨真係好抵食🤪🦆鴨肉比較瘦 配埋京蔥 青瓜 甜醬摩摩皮除左面頭第一塊比較乾之外 下面其餘既皮都好薄身濕潤份量足 2個人食要打包🤨✿ 松鼠魚 $198 ✿賣相好靚~全條魚上魚肉份量好多 炸粉薄 皮脆肉嫩醬汁酸甜 但有三色豆😂唔知大家又岩唔岩食呢🤪✿ 鴨屎香檸檬茶 $28 ✿✿ 百香鮮檸茶 $28 ✿冇諗到中菜館都有特飲~依度主打大勢鴨屎香檸檬茶檸檬無苦澀味 清新解渴💦