巷·弄 (Closed)

巷·弄係一間台式小店，喺長沙灣比較入嘅位置，但lunch time都坐滿，證明咗食物嘅水準應該都有返咁上下😛 Lunch set包主食同2款前菜：青瓜同埋木耳，兩款都好食，酸酸哋清新開胃，不過木耳稍為酸咗少少～另外仲會包一杯凍紅/綠茶或者是日特飲，補差價就可以轉其他台式飲品～•🥢 12小時慢煮豬軟骨麵 $67豬軟骨好入味，好香紅燒味，肉比例較多，軟骨部分軟少，食落偏嚡；湯都係紅燒牛肉麵嘅湯底，好濃郁！麵條偏粗，煙韌彈牙，而且好掛湯👍🏻 甘筍好甜，都吸咗湯汁！•🥢 北部肉燥拌麵配滷蛋 $60肉燥同麵嘅份量都好多，撈勻食到底都仲有好多肉燥🤩 而且味道唔會太鹹～ 麵質比湯麵幼少少，但同樣煙韌彈牙！平時最怕食好淋嘅拌麵，呢間嘅麵質真係好滿意！😋 主菜之一嘅滷蛋真係滷得好入味👍🏼•🥢 檸檬愛玉 +$18入面擺咗切開咗嘅青檸同檸檬，飲落酸酸哋，所以好清新解渴👍🏼 愛玉都有唔少，不過佢畀咗幼飲管，所以有啲難啜到愛玉😣•🥢 荔枝綠茶 (是日特飲)荔枝味淡淡地，唔會太甜～

小編真係好鍾意食台灣菜，今次揀咗呢間店好特別，附近好少食肆，而且人流唔多，唔係旺區，竟然咁夠膽喺度開舖，就試吓佢咩料！🤣==============================🍲巷·弄 @alley_hk📍長沙灣順寧道26號康福樓地下4號舖 ⏰星期一至日 12:00 - 22:00==============================1️⃣【12小時慢煮豬軟骨飯】$65豬軟骨有3️⃣大塊，舊舊都好淋好入味🤤而且唔會柴，一啖接住一啖😋加上醬汁用來撈飯簡直一流👍🏻話咁快就清晒嚕~佢嘅兩款前菜雲耳同青瓜🥒竟然有驚喜🤩唔係交行貨。雲耳看似無味，食落酸酸地，好開胃；青瓜都夠爽脆，有點蒜味，唔會毫無味道😚(🔥怒食指數：8/10).2️⃣【酥炸大排骨飯】$63排骨炸得啱啱好，外脆內嫩，食落唔會油淋淋，炸衣都夠薄，唔會啖啖炸粉😌半隻滷蛋🥚都好好味，滷得好入味，而且份量夠晒大，男仔食都夠飽🤰🏻(🔥怒食指數：8/10).3️⃣【北部肉燥拌麵配滷蛋】$60叫咗兩個飯就不如試吓佢嘅麵🍜啦😋麵質唔會太淋太硬，啱啱好，肉燥🐷亦都肥瘦均勻，啱晒我呢啲怕肥肉嘅人🤫滷蛋更加唔使講，睇顏色都知佢好入味！(🔥怒食指數：9/10