House FiftyEight

Open Now

Now Closed

觀塘新裝修成棟都有唔同菜式餐廳，好耐無食過西餐，就同朋友試呢間新開西餐🍽️Set dinner $300左右一位👍🏻，包左餐湯、前菜、主食、是日甜品～🔸餐湯-有羅宋湯/南瓜湯-南瓜湯好creamy🔸 烤鐵板吞拿魚沙律/意大利黑醋配巴馬臣火腿沙律-呑拿魚、沙律菜新鮮-沙律配黑醋，perfect match🔸 美國頂級肉眼-肉眼扒牛味濃-煎到岩岩好 好juicy🔸阿根廷虎蝦蜆肉番茄意粉-虎蝦有手掌咁大隻，肉質彈牙-蜆肉份量多-意粉煮得入味，同虎蝦一齊好夾🔸是日甜品-mousse cake 唔會太甜-餐廳仲有拿破倫可以預訂😍 📍House FiftyEight地址: 觀塘駿業街58號電訊數碼大樓4樓

呢間樓上酒吧/餐廳，一出電梯就見到有位小太空人歡迎我呀👩‍🚀 樓面是分開2個區域 — 酒吧區有吧枱、幾張高枱、桌球枱和飛鏢機。餐廳區有一排排2人或4人枱和好幾個卡位枱，環境好有氣氛。🍽 晚市套餐 HK$288，有湯、沙律、主菜、甜品和飲品。🎃 南瓜湯．好rich & creamy，甜甜的南瓜味．配熱辣辣嘅餐包，我會將餐包點湯一齊食🥗 意大利黑醋配巴馬臣火腿沙律．賣相色彩鮮艷，好吸引😍．2大片巴馬臣火腿，鹹味適中，肉味香濃．波菜、車厘茄等沙律菜好鮮甜爽脆，也特別多火箭菜🥩 西班牙黑毛豬鞍．黑毛豬扒好厚切，肉質好軟嫩，切開時流出多肉汁．豬扒配蘋果醬食，令豬肉味更濃郁．配有一些蔬菜，均衡飲食👍🏻🍰 藍莓芝士蛋糕．芝士蛋糕連碟雪得好夠凍，入口似食緊雪糕，不過芝士味不太濃，藍莓醬也不太甜，OK👌🏻🍹 凍檸茶．茶與糖水分開上，這樣很好因為可以因自己口味而落多少糖水📌提提你：此店有加一服務費喔！

假日去觀塘食午餐, 唔打誤撞去咗呢間樓上舖！House Fifty Eight 本身係餐廳亦都係酒吧, 地方好鬼大, 一入去已經見到有桌球枱同電子飛鏢, 啲座位隔到好開, 梳化好大張！午餐選擇都算多, 豬、牛、雞、魚、意粉全部都有, 價錢已經包咗餐包、餐湯同嘢飲, 今時今日算好抵食！餐包個樣好得意, 圓形一個波, 熱辣辣都幾好食！揀咗南瓜湯, 個湯好杰充滿南瓜味, 非常好飲！加十蚊仲有個沙律, 啲蔬菜都好新鮮, 粟米仲好甜！平時好少食到嘅美國安格斯頂級牛板腱, 佢燒得唔錯, 五至七成熟, 食落有啲似牛筋腩, 牛味唔算好濃郁, 而且有啲筋！加拿大豬肉眼扒燒到嗰邊脆卜卜, 肉質鬆化, 肉汁豐富, 我覺得仲好食過舊牛板腱！牛同豬嘅醬汁基本上係一樣, 應該係燒汁, 但偏鹹, 有少少搶咗舊肉嘅味。配菜嘅炒蘑菇、焗原條細紅蘿蔔、蕃茄仔同埋薯仔都做得好好！杯咖啡就係普通咖啡機即磨咖啡, 冇乜特別。可能都係比較少人, 服務都唔錯, 上菜亦好快！咁嘅價錢食到高質素扒類午餐, 地方又鬼咁大, 坐得好舒服, 食得好開心！

窩夫與閨蜜二人在觀塘飯聚，選了一間開張不久的西餐廳。餐湯有兩款選擇，窩夫的是粟米忌廉湯，上桌時非常熱，質地幼滑，內有粟米粒，不過粟米味可以再濃一點。閨蜜對她的南瓜湯讚不絕口，不只賣相佳，味道亦非常香濃。餐包不是常見的款式，白雪雪的看似甩皮，咬下去口感煙煙韌韌。喝完湯發現餐具的形狀很特別。到主菜時間，先送來美國安格斯頂級牛板腱($138)，八安士的牛板腱分成兩件，窩夫與閨蜜正好一人一件，牛板腱肉味濃，肉質結實。配菜一點也不馬虎，有薯蓉、甘筍、翠肉瓜、車厘茄和菇，令營養更均衡。吃完牛板腱才輪到全日早餐($138)，碟子放滿豐富的食材，有紐偷堡腸、焗豆、黑松露炒蛋、厚切蕃茄、大啡菇、薯餅、田園沙律和多士。雖然放了一段時間，多士和薯餅依然脆口，十分難得。黑松露炒蛋很有水準，蛋炒得非常嫩滑。加了22元升級加配是日甜品香橙朱古力慕絲蛋糕，賣相吸引，味道亦不錯，不會太甜太膩。最後一人一杯熱辣辣的醒神咖啡。

觀塘附近好多上樓餐廳，公司附近最近又開咗一間新嘅西餐廳 House FiftyEight，即刻試吓先。上到去有啲驚喜一入去見到飛鏢機同桌球枱😂地方非常之闊落。侍應安排好座位之後，亦都推介左點午餐。我同同事就一人點咗一個餐。套餐包括餐湯餐包同埋一杯熱飲，凍飲就加$3。另外仲可以加$10升級選配飯、意粉或者沙律，男士女士都照顧得到。法式牛柳配黑椒汁 (💰$138) 法式牛柳性價比好高，非常之厚切！而且火候控制得好好，夠Juicy之餘又唔會血淋淋。黑椒汁亦都好香濃，唔係茶餐廳嗰啲。香煎加拿大豬扒配燒汁 (💰$88) 我呢個加拿大豬扒都好大塊，而且煮得好好，唔會有一半豬扒通病，煮得太耐硬得滯。個意粉都非常之正，落足蒜蓉，非常香口。粟米忌廉湯南瓜湯兩個湯都好濃郁，唔會開水咁樣。除咗員工服務好，地方闊落又整潔之外，呢度嘅裝修都好有心機，由顏色去到燈飾都非常之特別！最有趣嘅係張長梳化，你哋又覺得似啲乜呢😉？下次放工真係可以落嚟happy hour，之後再晚餐。=====================🔘 House FiftyEight 🔘🔘 觀塘駿業街58號4樓🔘 8118 3888