House FiftyEight

Open Now

Now Closed

朋友介紹咗呢間餐廳，新推出嘅Dinner for Two只係600蚊，我哋四個人叫咗兩個組合。先嚟個迷你牛角包 🥐 餐湯都算唔錯，牛角包仲係熱辣辣上，非常細心。頭盤有三選一，但我哋係衝著鵝肝而嚟。鵝肝煎得好乾身，外脆內軟，但味道唔係好夠香 🤔。主菜方面，有牛肉同魚。因為我哋有兩個二人餐，所以叫咗兩樣。牛肉真係令人驚喜！好淋好嫩滑，香味喺口腔留好耐 😋。至於個魚，做得非常精緻，魚鱗炸得脆脆的，咬落去有兩個層次，魚身都煮得啱啱好，成件事出色得不得了 🐟。另外，主食煲仔飯，材料有三文魚子、黑松露同海膽，呢個組合好夾，但係黑松露味唔係好夠香 🌾。最後仲有是日蛋糕同飲品，我叫咗latte，咖啡味唔算好濃，但我個人就幾鍾意 ☕。呢度環境好寬敞，仲有戶外用餐地區，招呼都幾好 😊。我下次都會再嚟，不過就會單點，再食牛肉同埋魚 😄。🔥 總結，呢度嘅晚餐體驗真係唔錯，特別推介牛肉同魚！🔥

舊水食咗個2人set dinner! 108蚊飲咗杯Hoegaarden(500ml), 88蚊杯Sauvignon(150ml左右)! 真係覺得自己大鄉里出城，幾時1杯Hoegarden要108蚊呀？ 我仲以為自己去咗老蘭！法國鵝肝細細件，哩啲貨色真係可以係放題度叫一打！ 牛面頰肉，冇口感冇肉味，冇牙既都可以食到！ 個黑松露飯…完全冇黑松露味…！ 喂，大佬，收得咁既價錢，可唔可以俾番少少食物質素我呢？ 你估俾錢去你間餐館睇風景睇裝修咩？ 仲有係，我指住個餐牌order Sauvignon Red， 啲waiter都可以上左杯Sauvignon White, 免難為個waiter, 都廢鬼事退唔好俾我批中，間野好快汁！

位於觀塘商廈的大型酒吧餐廳，為繁忙的上班族提供了一個理想的放鬆去處。餐廳地方寬敞，配備了飛鏢機和足球機等娛樂設施，還設有適合大團體的長桌，並有露天座位，讓人可以一邊享受美食，一邊欣賞宜人的景色，實在是一種難得的享受。聽侍應講午市兩點後有8折，都幾抵。晚餐套餐 $308/位是日餐湯有酸甜開胃的雜菜湯和濃郁的栗米忌廉湯，配鬆軟的牛角包，味道相當唔錯。烤慢煮嫩雞胸凱撒沙律沙律菜新鮮爽脆，配凱撒醬汁、芝士碎和煙肉碎鹹香可口。雞胸肉鮮嫩，麵包粒則脆口，增添了多層次的口感。烤鐵板吞拿魚沙律沙律菜撈左醋汁酸甜開胃，吞拿魚軟嫩有芝麻粒幾香口。美國頂級肉眼 +$58牛排份量十足，七成熟剛好，肉質軟嫩，搭配燒汁好味。配菜包括蒜頭、薯角和翠玉瓜，十分豐富。明太子海鮮意粉意粉彈牙掛汁，口感creamy，忌廉汁底味道濃郁，少許明太子的鹹香，魷魚、蝦仁，口感豐富。Ice Chocolate晚上不想喝茶，來杯冰巧克力是最佳選擇，味道不會過於甜膩，恰到好處。朱古力慕斯作為甜品的結尾，朱古力慕斯口感綿密，充滿濃厚的巧克力風味，令人滿足。

🎉🎂 今晚同契女慶祝生日，去咗觀塘一間轉手嘅西餐廳，食左個二人套餐 ($598)，CP值極高🎈✨ 法式龍蝦湯：濃厚嘅龍蝦香氣，忌廉奶滑，配上鬆脆牛角包，真係一絕！🌟🍴 香煎法國鵝肝：擺盤靚仔，鵝肝厚身肥美，外脆內嫩，油香四溢。搭配多士同無花果，解膩一流。👍🐟 甘鯛魚配白酒忌廉汁：魚皮脆卜卜，魚肉嫩滑清香，同濃郁嘅白酒忌廉汁非常夾，真係啖啖滋味！😋🍚 黑松露飯配海膽三文魚籽蟹肉：一整煲上，打開煲蓋香氣撲鼻！黑松露、海膽、三文魚籽同蟹肉足料滿滿，口感豐富，飯底仲有飯焦，香濃美味～最得意係有陣味噌味，真係好滋味！🥰🍰 是日甜品：朱古力蛋糕 甜品以朱古力蛋糕作結尾，滑溜濃郁，為呢餐畫上完美句號。🍫呢間餐廳環境幾大，有室內外座位，仲有飛鏢機同桌球等娛樂設施。餐廳仲有戶外空間，pet friendly，啱晒帶埋寵物一齊嚟happy hour！🍻食lunch過咗兩點仲有八折優惠，真係無得輸！今次同契女過生日真係好開心，呢間餐廳絕對值得推薦！💖

有日返工食lunch見到對面大廈先知原來都有餐廳😹默默地 bookmark咗兩間好想試，今日先去其中一間😚餐廳環境相當闊落，仲有戶外位置，而且呢間餐廳仲係寵物友善😍！🌟香料吞享魚配牛油果及紅蔥醬 $108 呢道前菜擺盤精美，首先有好多火箭菜，仲有三片厚切吞拿魚，重點係下面勁多牛油果蓉，撈埋獨家紅蔥醬，有香料嘅獨特味道，口感好豐富同 creamy 😚🌟露荀軟殼蟹忌廉意大利飯 $188本身都覺得冇乜嘢啊，賣相都幾靚啊，點知一「不」起震驚咗😱巨巨巨多蟹肉，每一羹都見到一絲絲嘅蟹肉😳蟹肉同忌廉完美融合咗，加上忌廉醬都係勁Creamy嗰種，飯粒索曬醬汁🤩而軟殼蟹一開二，炸得超脆好過癮，一個人食可能會有啲膩同太油，share就啱啱好👏🏻🌟原隻焗龍蝦薄餅（10吋） $268呢個 Pizza就真係好豪華，隻龍蝦就咁擺上面都幾霸氣😤10吋嘅薄餅唔小，仲有內裡嘅餡料都用咗龍蝦，底部係茄醬底，批厚度唔算薄又唔算厚🤣麵粉香味十足，口感煙煙韌韌。-成餐飯最開心見到好多唔同品種嘅狗狗🤣臨走見到原來 lunch兩點後有八折😗

位於觀塘嘅House FiftyEight，平日lunch已經好受打工仔歡迎！餐廳有室外座位，歡迎帶埋寵物過嚟一齊用餐🐶 室內亦有飛鏢等設施，唔適合大班朋友又食又玩！今次🖤黑白配⚪️喺平日晚上過嚟食飯，勝在唔多人夠曬氣氛白酒忌廉青口配多士 $248餐廳而家做緊promotion，點一客青口就可以加$10要一杯白酒，仲要係無限添加添！呢個優惠認真抵😍講返青口先🤭 青口上枱時熱辣辣，份量好大，而且冇平時嘅雪藏味，每一粒肉都吸收晒忌廉嘅精華，非常之夾😚美國頂級封門柳 $268🖤黑白配⚪️點五成熟，肉質好嫩有嚼勁，表面煎到少少脆，所以放入口feel到外脆內軟嘅口感蘆筍軟殼蟹忌廉意大利飯 $188🖤黑白配⚪️大愛加會再點嘅意大利飯🤤 首先軟殼蟹炸到勁香脆，炸完仲要保留到蟹膏！每一啖意大利飯都食到濃濃嘅牛奶味，仔細食仲食到蟹肉味～相信廚師係有將蟹膏或蟹肉添加咗落意大利飯入邊，必試⭐️

大家都係觀塘街坊，朋友話以前食過嘅一間西餐廳轉咗手，開咗間新嘅都唔錯，仲有好多happy hour設施，今日同老細上去睇下～地方真係好大，一入去又有掟鏢機，又有足球機，仲有啤酒game～不過今日二人撐枱腳，就坐低叫嘢食啦！叫咗個Dinner set for 2雜菜湯+蘑菇湯：雜菜湯比較清，蘑菇湯好香濃，口感唔係太幼滑，但係有少少咬口咁仲啱我！跟湯牛角包非常鬆脆～唔使搽牛油都好好味！前菜：香料吞拿魚配牛油果同紅蔥醬，三文魚好新鮮，仲有少少沙律菜～牛油果醬好香，紅蔥醬啲紅蔥炸過，有啲咬口，口感幾豐富！味噌煮和牛面頰肉：啲和牛煮得非常淋，非常入味！！個味噌汁幾香，配料估唔到仲有啲酸酸地但幾嘅辣嘅辣椒，估唔到都真係幾辣㗎！！黑松露飯配三文魚子海膽蟹肉：個賣相好得意，上枱好似一個鍋咁，一打開勁香！😍我估唔到係一片片松露咁落本😚🤭～個飯炒得好香，原來仲會有少少飯焦，大大件海膽，真係好滿足！仲有三文魚籽、蟹肉～呢個飯真係不得了！！🥰👍🏻白桃草莓蛋糕同一杯凍mocha，為今餐畫上完美句號！！呢度仲有戶外地方，係pet friendly餐廳，如果你有貓貓狗狗寶貝，可以帶埋一齊嚟happy hour！！食

偌大空間，有飛鏢機同足球機等娛樂設施，仲有户外空間，空中花園feel！DINNER FOR 2 $598(set for2)👉🏻法式龍蝦湯 (+$38)濃厚嘅龍蝦香氣，有忌廉嘅奶滑，配有牛角包，酥軟，而且好有牛油香！👉🏻雜菜湯餡料多，粒粒蔬菜，豐富嘅口感，好開胃！👉🏻香料吞拿魚配牛油果及紅蔥醬共三件粉嫩吞拿魚，特別中意牛油果好滑溜，奶油質地，紅蔥醬個味道都幾突岀！👉🏻味噌煮和牛面頰肉牛面頰肉經過長時間慢煮，非常柔嫩，每一口都充滿咗濃郁嘅味噌香氣同牛肉嘅豐富層次！👉🏻黑松露飯配海膽三文魚籽蟹肉一整煲上，打開煲蓋香氣四溢，松露香氣再配有好多海膽，鮮甜唔腥，仲有三文魚籽同滿滿嘅蟹肉，份量都唔少！👉🏻是日甜品今日係抹茶夾心朱古力蛋糕，賣相靚，蛋糕質地鬆軟，每一層夾心都帶有抹茶同朱古力，唔會過甜，有士多啤梨伴碟，perfect! 個set包埋飲品，讚！

餐廳幾大，有室內外座、有卡位for大party、仲有飛標同桌球，枱與枱間空間闊絡，幾啱傾密計。幾次過咗lunch hour嚟呢度食lunch有折，今日喺附近收工，叫咗個二人餐。 ✦ 忌廉蘑菇湯蘑菇粒足料，上枱已經聞到湯香。湯半杰身，唔會好濟。仲有牛角包配搭。 ✦ 香煎法國鵝肝擺盤幾靚仔。鵝肝好厚身、肥大油厚，表面微焦、內裡軟嫩，油香stay咗喺口腔。另配搭多士同清甜無花果解膩。 ✦ 甘鯛魚魚皮炸成脆卜卜、一層層好別緻。魚肉嫩滑清香，同香濃厚身嘅白油忌廉汁好夾。啖啖滋味。 ✦ 黑松露飯配海膽三文魚籽蟹肉今晚VIP。非常足料，黑松露、海膽、三文魚籽、同蟹肉都唔吝嗇，香濃、口感豐富。飯以類似煲仔飯形式上，keep住熱辣，底有飯焦。最得意係有陣味噌味，好香口。 套餐仲有甜品同餐飲，兩個人無限坐都係五舊水度，好唔錯。

觀塘高質素西餐廳🥳 環境好大好靚，有室外位置，好適合同朋友聚會，或者帶寵物嚟～白酒忌廉青口配多士（大）🍞白酒忌廉醬汁濃郁，青口鮮美，搭配酥脆的多士好正呀😆 海鮮加奶香醬汁，絕對係開胃嘅好選擇！黑松露惹菌鵝肝意大利飯🍚🍄 大大件鵝肝入口即化🤤🤤🤤 黑松露味超香，醬汁濃郁，米飯煮得恰到好處，混合豐富蘑菇好好味👍 牛油果大啡菇漢堡🍔🥑 素食者必食🥰 牛油果、大啡菇、生菜加蕃茄，非常豐富，搭配新鮮的漢堡包，好飽肚好滿足

今日在觀塘駿業街電訊數碼大廈工作、收工時留意到四樓有一間西餐廳、反正個肚有點餓、於是入去光顧、入門口見到是一間西餐廳和酒吧、而且仲有一個露天露台、環境寬敞、地方雅潔、裝修帶有濃厚美國餐廳味道、裏面有很多遊戲設施、包括飛鏢波枱等等、喺觀塘區嚟講、都是一間很特別的餐廳、坐低之後、點了餐牌一個唔錯的套餐、包括有法式龍蝦湯、雜菜濃湯、香煎法國鵝肝、甘鯛魚配白酒忌廉汁、黑松露飯配海膽三文魚籽蟹肉、甜品係士多啤梨蛋糕、先講法式龍蝦湯、味道香濃、好飲、雜菜濃湯配以新鮮焗的牛角包、味道好夾、香煎法國鵝肝配上法包多士、味道濃郁、鵝肝的甘美和多士的香脆在口腔裏爆發、好味、加上無花果的清香和黑醋汁的微微酸味、配搭相得益彰、之後的甘鯛魚配白酒忌廉汁、甘鯛魚煎得十分香口、 而魚鱗煎得香脆、喺香港嚟講、好少餐廳會提供連埋魚鱗一齊去煎、 好味、 配埋濃厚的白酒忌廉汁、更加帶出魚的鮮味、加上少少酸荳、正跟住就是不得不講的黑松露飯配海膽三文魚籽蟹肉、 飯煮得啱啱好不太諗亦都不太硬、 調味啱啱好、 廚師沒有手軟吝嗇、裏面的海膽、三文魚籽、蟹肉、黑松露、鮮味不斷在你的口腔爆發、回味無窮、食完之後海膽的鮮甜甘美仍然在你口腔內

今日同同事去咗酒吧餐廳，真係食得好開心！😋😋 一入去就見到環境好舒適，令我哋感覺輕鬆自在。首先上咗前菜，忌廉蘑菇湯好香滑，味道濃郁！🍄🥣 配埋餐包一齊食，簡直係絕配！接住就係主菜，慢煮美國安格斯頂級牛板鍵，肉質超嫩，入口即化，真係好享受！🥩😍 鮮茄小龍蝦意粉亦都唔錯，意粉煮得剛剛好，配上鮮甜的龍蝦，味道一流！🍝🦞食完主菜，我哋仲試咗蝦多士，小食好有驚喜！蝦肉鮮美，外脆內軟，啖啖都好滿足！🍤🥖 最後飲品方面，我選擇咗mocha，濃郁的巧克力味搭配香滑咖啡，簡直係一種享受！☕🍫今日的午餐真係食得開心又滿足，大家都好開心！優惠lunch 14:00後去食有8折下次仲要再嚟！🎉🍽️✨House FiftyEight地址: 觀塘駿業街58號電訊數碼大樓4樓

今日放咗工同同事食飯，揀咗呢一間空間感大，裝修又靚嘅餐廳，二人套餐嘅價錢$598，價錢都幾合理～套餐包咗每人一個餐湯，有兩款湯可以選擇，分別係雜菜湯🥬🥣 同埋 法式龍蝦湯🦞 +$38，我哋兩個都試晒，我自己就比較推介法國龍蝦湯，入面真係有好多小龍蝦肉，比起雜菜湯更加有特色！跟住就有個前菜，估唔到佢哋呢度嘅前菜都幾抌本，竟然提供香煎法國鵝肝🪿去到主菜就分別有味噌煮和牛面頰肉🐮 同埋 黑松露飯配海膽三文魚籽蟹肉🦀 ， 牛面頰煮得非常腍，而且牛味十足，食肉獸應該會好鍾意！至於黑松露海膽三文魚子蟹肉飯，簡直係足料到嚇死人，簡直係多重味覺享受啊！我哋當日嘅甜品係抹茶慕士蛋糕🍵🍰，賣相都幾精美！另外呢個套餐仲包咗每人一杯咖啡☕️ 或 茶🍹～埋單嗰陣，店員仲提我哋如果有時兩點後先得閒食飯，可以考慮吓佢哋餐廳，因為有八折優惠抵好多㗎！

如果你想搵間可以一邊食飯一邊玩嘅餐廳，House FiftyEight絕對值得一試！呢度不單止有得食，仲有飛鏢機同足球機，啱晒朋友聚會或者約會。我哋嗌咗佢哋嘅2人晚市套餐，$598 已經包晒湯、前菜、主菜、飯、甜品同飲品，性價比唔錯。 開場嘅湯有兩款揀，我哋各選咗羅宋湯同蘑菇湯，配埋暖粒粒嘅牛角包，湯味濃郁，暖胃又舒服。前菜係香煎法國鵝肝，煎得外脆內嫩，入口即溶，加埋甜甜嘅醬汁，真係好滿意。 主菜揀咗金鯛魚配白酒忌廉汁，魚肉煎得剛剛好，魚皮炸到脆一脆，配搭白酒忌廉汁好香濃，又唔會搶走魚嘅鮮味。最驚喜係黑松露飯配海膽三文魚籽蟹肉，松露香氣超突出，飯粒煙韌，配上海膽同蟹肉，真係一口天堂！ 最後甜品係抹茶芝士蛋糕，抹茶味香濃但唔會太甜，啱晒做完美收尾，飲品揀咗凍檸茶同凍咖啡，清新解膩。 整體嚟講，House FiftyEight食物水準唔錯，加埋有得玩，環境又寬敞，真係一個輕鬆又開心嘅聚餐好地方！

喺觀塘附近收工，搵到有間西餐廳，環境唔錯，坐得舒服，仲有二人set，就去試吓。House FiftyEight除咗呢度環境本身唔錯，佢仲有足球機飛鏢機等等嘅娛樂。最近咁啱佢做緊一個晚餐二人set，$598，食落我覺得都幾抵。是日餐湯可以揀雜菜湯或蘑菇湯。雜菜湯味道比較清甜，蘑菇湯濃厚之餘仲有好多蘑菇碎粒，好豐富。佢亦都配咗個牛角包做餐包，算幾有誠意。香煎法國鵝肝有得揀，真係揀鵝肝好。好厚好肥，煎得夠香口，個心又夠軟熟，相當出色。隻碟都有整熱到，呢個係加分位。味噌煮和牛頰肉和牛頰肉比預期中更加腍，佢配埋濃厚嘅味噌汁，味道本來就好足夠。佢亦都有相當嘅配菜，呢度菜算係好豐富。黑松露飯配海膽三文魚籽蟹肉呢度嘅真正秘密武器。所謂黑松露飯係真係一片片嘅黑松露，佢唔單止配埋無敵嘅海膽、三文魚籽同蟹肉，最重要佢係用一個好熱嘅鍋焗住，就算冬天食都非常合適。是日甜品係一個抹茶Moose蛋糕，幾好味唔會太甜，Plating亦做得好靚，我亦欣賞佢連隻碟都有雪到。咖啡或茶咖啡可以揀Cappuccino，選擇算OK呢個二人餐，細節做得幾好，好明顯佢唔係淨係想做普通西餐，而係做到有特色之餘又好味嘅效果。除咗二人晚餐