Video
5-min walk from Exit A2, Kwun Tong MTR Station
continue reading
Telephone
81183888
Introduction
It has a dining area and entertainment area. You can enjoy Western dishes and special cocktails with dart machines, beer pong here to relax at lunch time or after getting off work.
continue reading
Opening Hours
Today
12:00 - 22:00
Mon - Sun
12:00 - 22:00
Above information is for reference only. Please check details with the restaurant.
About Reward Scheme
Offers
大家都係觀塘街坊，朋友話以前食過嘅一間西餐廳轉咗手，開咗間新嘅都唔錯，仲有好多happy hour設施，今日同老細上去睇下～地方真係好大，一入去又有掟鏢機，又有足球機，仲有啤酒game～不過今日二人撐枱腳，就坐低叫嘢食啦！叫咗個Dinner set for 2雜菜湯+蘑菇湯：雜菜湯比較清，蘑菇湯好香濃，口感唔係太幼滑，但係有少少咬口咁仲啱我！跟湯牛角包非常鬆脆～唔使搽牛油都好好味！前菜：香料吞拿魚配牛油果同紅蔥醬，三文魚好新鮮，仲有少少沙律菜～牛油果醬好香，紅蔥醬啲紅蔥炸過，有啲咬口，口感幾豐富！味噌煮和牛面頰肉：啲和牛煮得非常淋，非常入味！！個味噌汁幾香，配料估唔到仲有啲酸酸地但幾嘅辣嘅辣椒，估唔到都真係幾辣㗎！！黑松露飯配三文魚子海膽蟹肉：個賣相好得意，上枱好似一個鍋咁，一打開勁香！😍我估唔到係一片片松露咁落本😚🤭～個飯炒得好香，原來仲會有少少飯焦，大大件海膽，真係好滿足！仲有三文魚籽、蟹肉～呢個飯真係不得了！！🥰👍🏻白桃草莓蛋糕同一杯凍mocha，為今餐畫上完美句號！！呢度仲有戶外地方，係pet friendly餐廳，如果你有貓貓狗狗寶貝，可以帶埋一齊嚟happy hour！！食lunch兩點後仲有八折添！！
continue reading
偌大空間，有飛鏢機同足球機等娛樂設施，仲有户外空間，空中花園feel！DINNER FOR 2 $598(set for2)👉🏻法式龍蝦湯 (+$38)濃厚嘅龍蝦香氣，有忌廉嘅奶滑，配有牛角包，酥軟，而且好有牛油香！👉🏻雜菜湯餡料多，粒粒蔬菜，豐富嘅口感，好開胃！👉🏻香料吞拿魚配牛油果及紅蔥醬共三件粉嫩吞拿魚，特別中意牛油果好滑溜，奶油質地，紅蔥醬個味道都幾突岀！👉🏻味噌煮和牛面頰肉牛面頰肉經過長時間慢煮，非常柔嫩，每一口都充滿咗濃郁嘅味噌香氣同牛肉嘅豐富層次！👉🏻黑松露飯配海膽三文魚籽蟹肉一整煲上，打開煲蓋香氣四溢，松露香氣再配有好多海膽，鮮甜唔腥，仲有三文魚籽同滿滿嘅蟹肉，份量都唔少！👉🏻是日甜品今日係抹茶夾心朱古力蛋糕，賣相靚，蛋糕質地鬆軟，每一層夾心都帶有抹茶同朱古力，唔會過甜，有士多啤梨伴碟，perfect! 個set包埋飲品，讚！
continue reading
餐廳幾大，有室內外座、有卡位for大party、仲有飛標同桌球，枱與枱間空間闊絡，幾啱傾密計。幾次過咗lunch hour嚟呢度食lunch有折，今日喺附近收工，叫咗個二人餐。 ✦ 忌廉蘑菇湯蘑菇粒足料，上枱已經聞到湯香。湯半杰身，唔會好濟。仲有牛角包配搭。 ✦ 香煎法國鵝肝擺盤幾靚仔。鵝肝好厚身、肥大油厚，表面微焦、內裡軟嫩，油香stay咗喺口腔。另配搭多士同清甜無花果解膩。 ✦ 甘鯛魚魚皮炸成脆卜卜、一層層好別緻。魚肉嫩滑清香，同香濃厚身嘅白油忌廉汁好夾。啖啖滋味。 ✦ 黑松露飯配海膽三文魚籽蟹肉今晚VIP。非常足料，黑松露、海膽、三文魚籽、同蟹肉都唔吝嗇，香濃、口感豐富。飯以類似煲仔飯形式上，keep住熱辣，底有飯焦。最得意係有陣味噌味，好香口。 套餐仲有甜品同餐飲，兩個人無限坐都係五舊水度，好唔錯。
continue reading
觀塘高質素西餐廳🥳 環境好大好靚，有室外位置，好適合同朋友聚會，或者帶寵物嚟～白酒忌廉青口配多士（大）🍞白酒忌廉醬汁濃郁，青口鮮美，搭配酥脆的多士好正呀😆 海鮮加奶香醬汁，絕對係開胃嘅好選擇！黑松露惹菌鵝肝意大利飯🍚🍄 大大件鵝肝入口即化🤤🤤🤤 黑松露味超香，醬汁濃郁，米飯煮得恰到好處，混合豐富蘑菇好好味👍 牛油果大啡菇漢堡🍔🥑 素食者必食🥰 牛油果、大啡菇、生菜加蕃茄，非常豐富，搭配新鮮的漢堡包，好飽肚好滿足
continue reading
今日在觀塘駿業街電訊數碼大廈工作、收工時留意到四樓有一間西餐廳、反正個肚有點餓、於是入去光顧、入門口見到是一間西餐廳和酒吧、而且仲有一個露天露台、環境寬敞、地方雅潔、裝修帶有濃厚美國餐廳味道、裏面有很多遊戲設施、包括飛鏢波枱等等、喺觀塘區嚟講、都是一間很特別的餐廳、坐低之後、點了餐牌一個唔錯的套餐、包括有法式龍蝦湯、雜菜濃湯、香煎法國鵝肝、甘鯛魚配白酒忌廉汁、黑松露飯配海膽三文魚籽蟹肉、甜品係士多啤梨蛋糕、先講法式龍蝦湯、味道香濃、好飲、雜菜濃湯配以新鮮焗的牛角包、味道好夾、香煎法國鵝肝配上法包多士、味道濃郁、鵝肝的甘美和多士的香脆在口腔裏爆發、好味、加上無花果的清香和黑醋汁的微微酸味、配搭相得益彰、之後的甘鯛魚配白酒忌廉汁、甘鯛魚煎得十分香口、 而魚鱗煎得香脆、喺香港嚟講、好少餐廳會提供連埋魚鱗一齊去煎、 好味、 配埋濃厚的白酒忌廉汁、更加帶出魚的鮮味、加上少少酸荳、正跟住就是不得不講的黑松露飯配海膽三文魚籽蟹肉、 飯煮得啱啱好不太諗亦都不太硬、 調味啱啱好、 廚師沒有手軟吝嗇、裏面的海膽、三文魚籽、蟹肉、黑松露、鮮味不斷在你的口腔爆發、回味無窮、食完之後海膽的鮮甜甘美仍然在你口腔內迴旋跌盪、 好正、 好味、 之後再食埋個士多啤梨蛋糕、感覺今天實在太幸福了、 另外餐廳的食物份量剛剛好 餐廳lunch 14:00後有8折 下次到觀塘工作一定會來這間餐廳再光顧.
continue reading