峇里餐廳 (Moved) New Location

是晚與好友慶生，我地就揀左間夠特色的餐廳，就是位於佐敦的峇里。香港想食印尼菜的選擇不多，要乾淨企理的更是買少見少，呢間係一個不錯的選擇。餐廳裝修頗為簡單，比較暗，但尚算有情調有風格，仲有大大幅 Bali 獅子，好有南洋風。豬肉沙爹 $93一般貨式，沙爹醬係好味既，不過串豬就冇乜特別。印尼特色小食拼盤 $138有魚餅、蝦餅、牛肉薯餅、春卷同蝦片。我分到牛肉薯餅同魚餅，都係新鮮熱辣好味的佳作。唯一美中不足係蝦片唔夠脆囉！同埋份量太少，每款只有兩件，未能每款儘試。小食有三件是常識吧！！！巴東牛肉 $178餐牌寫明係招牌菜，果然係必食。有啖啖五香肉丁的香口感覺。不過其實得幾舊肉，貴左少少。印尼煎餅 $43三塊切開六件，好香好味又乾身，唔會油膩，夾巴東牛食係 perfect match !蝦醬炒通菜$78通菜都熱辣香口，但蝦醬就冇泰國果D咁香了，唔比較都 ok 既。峇里香汁鱸魚 $248配料多多，汁多多，可惜係甜的，唔太喜歡。魚我鐘意食辣多D，魚都算大條。烏布豬頸肉 $93好甜的燒豬頸肉，邊太燶，一般啫印尼特別炒飯 $109好多配料，有青瓜、煎蛋、魚仔花生、蝦片等等。唔辣，夠香，溫和，好味。三色

咁大個人第一次去印尼餐廳食野，我相信係香港地平時好少會去食印尼野。今次如果唔係朋友帶我去，我都唔知佐敦有間咁特別嘅印尼餐廳。餐廳嘅蝦片非常香脆，相信新鮮製造。食完想再食，唔知餐廳有冇無得賣呢今日叫咗兩個小食，一碟菜同埋印尼炒飯同朋友一齊share餐廳上菜速度非常之快，叫完菜無耐個印尼炒飯就到。小食中我非常欣賞沙嗲串燒！味道好香，串燒好入味，之後埋單同職員傾計嘅時候先至知，原來印尼串燒製法係特別唔同。所有串燒係燒之前啲肉已經完全醃製過，因此印尼的串燒比較入味薯蓉牛肉餅就比較普通，同食薯餅感覺差不多。但都係一個幾香口既小食。除咗沙嗲串燒外，另外個蝦醬炒通菜都唔錯。上菜非常之熱，非常之香嘅蝦醬味，聞到都已經流晒口水。非常唔錯嘅印尼餐廳呀，令到我都想去印尼當地，試下當地既地道美食