Video
Read full review
2019-12-20
95 views
呢日放工約咗個舊同事食飯，佢返開嚟office拎嘢，所以直頭喺附近覓食啦。之前行去荔枝角食飯，經過見到個Love You 3000有對天使翼嘅燈箱勁eye catching，學生妹同阿伯都有去影相😂，我就有留意到餐廳其實係食雞煲的。呢排天氣凍凍哋，食雞煲打邊爐滾下滾下啱哂。我哋6點半去到，就唔係好多人，但都已經有人食緊，不過坐下坐下到7點半開始就坐滿哂👍。環境闊落，光猛，而且感覺非常乾淨，火鍋店嚟講好難得！既然餐廳名有用🍲雞煲2字，即係應該係招牌掛，就叫下啦，加上自己又整唔到，火鍋就相反。首先我哋叫咗豐鍋招牌麻辣雞煲(半隻)($188)，問過店員小辣辣唔辣，佢話辣🌶，OK，所以我哋異口同聲叫咗BB辣哈哈。好快店員就上咗個鍋啦，已經聞到麻辣香，但可能唔係太辣，所以浸味唔算好勁。店員會喺我哋側邊撈吓個雞鍋，再等幾分鐘後就可以起筷，我用筷子頭點下先，有啲嚇親😳，咁辣嘅，心諗奶嘢。到食第一嚿變得好緊張，但竟然成嚿食又唔辣喎！食到微辣同小小麻，完全係我食到嘅範圍內✌🏻。雞煲份量2個人啱啱好，雞件都唔少，我最欣賞係啲雞肉夠滑🐔，而且有味，唔係冰鮮嗰種。加上最重要個辣度真係BB都啱食😛。不過食到尾就
呢日放工約咗個舊同事食飯，佢返開嚟office拎嘢，所以直頭喺附近覓食啦。之前行去荔枝角食飯，經過見到個Love You 3000有對天使翼嘅燈箱勁eye catching，學生妹同阿伯都有去影相😂，我就有留意到餐廳其實係食雞煲的。呢排天氣凍凍哋，食雞煲打邊爐滾下滾下啱哂。
我哋6點半去到，就唔係好多人，但都已經有人食緊，不過坐下坐下到7點半開始就坐滿哂👍。環境闊落，光猛，而且感覺非常乾淨，火鍋店嚟講好難得！既然餐廳名有用🍲雞煲2字，即係應該係招牌掛，就叫下啦，加上自己又整唔到，火鍋就相反。
豐鍋招牌麻辣雞煲
$188
4 views
0 likes
0 comments
首先我哋叫咗豐鍋招牌麻辣雞煲(半隻)($188)，問過店員小辣辣唔辣，佢話辣🌶，OK，所以我哋異口同聲叫咗BB辣哈哈。好快店員就上咗個鍋啦，已經聞到麻辣香，但可能唔係太辣，所以浸味唔算好勁。店員會喺我哋側邊撈吓個雞鍋，再等幾分鐘後就可以起筷，我用筷子頭點下先，有啲嚇親😳，咁辣嘅，心諗奶嘢。到食第一嚿變得好緊張，但竟然成嚿食又唔辣喎！食到微辣同小小麻，完全係我食到嘅範圍內✌🏻。
雞煲份量2個人啱啱好，雞件都唔少，我最欣賞係啲雞肉夠滑🐔，而且有味，唔係冰鮮嗰種。加上最重要個辣度真係BB都啱食😛。不過食到尾就有啲油，但都正常嘅。
即炸爆芝響鈴
$42
2 views
0 likes
0 comments
食到咁上下，店員就幫我哋加清湯，變身做火鍋🍲，我哋去咗加咗幾款配料。第一樣係即炸爆芝響鈴($42/3件)，原來芝士同響鈴係咁夾。雖然應該係即炸，但點湯索埋汁加熱溶埋啲芝士，好正正😍。
朋友話晏晝食咗牛扒，所以唔要牛肉，要咗豬頸肉片($83)，肉片紋理都幾靚，不過🐷豬頸肉始終都係要燒先正，因為有肥膏會脆。
牛柏葉($60)🐮係打邊爐係必點之一，朋友suggest話下次再食雞煲應該要喺未變身前落會更美味。
自家製韭菜餃(8粒)($65)，餃子🥟皮薄，而且夠味，食得出肉餡用咗美極醃😂，加上韭菜個量唔會太over哈哈。
藍蝶雪梨
$42
2 views
0 likes
0 comments
飲品方面，我哋一人叫咗一杯特飲，🌹玫瑰柚子($42)同🦋🍐藍蝶雪梨($42)，2杯都大大杯，而且隻色好靚。飲落好清新，唔會太甜想起痰，味道亦都真係飲得出個飲品名嘅材料，唔算太假太人工糖漿咁，絕對係喜出望外之作。
總括嚟講，呢件雞煲店唔錯，作為主角嘅雞煲無令人失望，其他火鍋配料亦正正常常，我會特別推介爆芝響鈴🧀。今次無食海鮮，但見有幾個海鮮魚缸，啲龍蝦勁生猛，應該唔錯。店員服務幾好，有禮貌。餐廳設有醬油區，人頭好似$15位，但其實雞煲有味，都唔使點豉油。餐廳定價ok啦，中等價格，$2xx一位食完捧住個肚走；btw原來網上訂座有優惠架~~。最後，餐廳環境通風應該幾好，或者因為無乜人嗌大辣雞煲啦，我哋出到去個身完全無味😚。
Post
