鴻記極品雞蛋仔

Open Now

Now Closed

我們已是第二次光顧，兩次也是點了原味格仔餅。鴻記的格仔餅比一般的厚，雖然厚但外層仍然做到很香脆，醬料份量也很多，而且還放了粗粒花生，令口感提昇。鴻記的格仔餅會是我回太安樓的原因之一。

再次為格仔餅出動了 這次又來到東區 同樣很出名的鴻記雞蛋仔第一次來到太安樓 完全被四周無數的特色食店吸引 掃街模式立即啟動 不停周圍望周圍轉 不知不覺就轉到鴻記格仔餅即叫即製 大概等了5分鐘 。。。原味格仔餅 ($23)🥞格仔餅烘得顏色比較深 一看就覺得是脆的 果然外皮真的超脆 脆得“咯咯”聲 從來沒吃過那麼脆的格仔餅 我吃到最後一口時外皮也是脆的 爆“趣”啊 🥞份量是十足的 格仔餅厚度大概有5-6cm 🥞質感是實在的 沒有空氣感 內裏不是傳統格仔餅的那種煙韌 反而是蛋糕鬆軟的口感 蛋味香濃 🥞醬料是花生醬+煉奶+牛油+砂糖+花生粒 要了多醬 甜度適中 花生醬味特出 花生粒增添了口感 但不會覺得哽牙 稀稠度適中 大部分醬料都能依附在餅上 （因為餅的份量多 建議大家叫多醬來平衡）總結：這個格仔餅神奇的脆 口感很特別 有別於傳統格仔餅的質感 雖然價錢比坊間的高 但也是必試之選  

原味格仔餅HK $22格仔餅即叫即做，大概 5-10 就有。原味格仔餅有花生醬、牛油、沙糖、花生粒、甜奶，外脆內軟，不過餡料較少，令格仔餅食落較乾身。整體冇其他人講咁好味。

要數香港島東區，賣雞蛋仔和格仔餅最出名的小食店，除了筲箕灣東大街的名店「低調高手」之外，另外一間有名的小食店，應該是西灣河太安樓的「鴻記極品雞蛋仔」。「鴻記極品雞蛋仔」都曾經取得開飯網食店選舉的獎項，儘管不像「低調高手」般是近年的紅人熱店，但是「鴻記極品雞蛋仔」還是有把開飯網的獎狀，張貼於食店的當眼處，讓所以食客都知道它們的「威水史」。雖然只得一張開飯網食店選舉的獎狀，但是憑著不同報章，或雜誌有關「鴻記極品雞蛋仔」的專題報道，已經足夠彌補獎狀只得一個的「先天不足」，令「鴻記極品雞蛋仔」整天都圍着大量食客，不怕沒有生意上門。除了大量有關「鴻記極品雞蛋仔」的獎狀，和報章雜誌的專題報道外，「鴻記極品雞蛋仔」還利用在電影臺飲食節目，和名人光顧食店的相片，去支援食店的人氣，吸引大量街外客人上門幫襯。這是坊間很多食店，為了增添名氣和吸納街外客人，而經常會使用的方法。就好像我媽在西貢的泰國菜餐廳，都會依靠大量報章報道，和明星藝人光顧後留下的合照。所以，西貢墟食店即使甚少入選開飯網食店選舉，也能吸引大量遊客慕名前來光顧。我在給了錢後，等待「鴻記極品雞蛋仔」店員姨姨，在製造雞蛋仔和格仔餅期間，發現整個「

哥仔近日同友人在尖沙咀晚飯，之後特登揸車過海去太安樓掃街。小吃貨聽罷，頓時想起這裡的格仔餅。已經有一排沒吃了。那種厚度、那種香脆、內裡的軟綿綿 ☺️😊😋唔得，我又要食！放工後一於叫埋哥仔飯後一齊去太安樓掃街✨第一站是鴻記。先來一件原味格仔餅($20)香港人食得多格仔餅，對格仔餅的要求不一。小吃貨和哥仔的標準是蛋漿要厚身，老闆不可吝嗇蛋漿。製成品要先吹一下令表面脆口，吃下要內脆外軟，還要有濃郁的蛋味。鴻記的格仔餅符合以上標準。簡簡單單，原味是王道。落order後即整。無人等的話約5分鐘就拎得。「多花生醬丫唔該。」醬料是另一個重點。牛油沙糖以外當然少不得花生醬。這裡使用的是粗粒花生醬。沙糖和花生顆粒，大啖一口咬下，short short 聲，口感非常豐富。1件開2分袋裝，半分甜點揭開這晚「太安」全掃街的序幕。Encore度8/10。

太安樓個名咁響噹噹 我細細個就聽過呢個名啦😂 不過鄉里未出城 所以一直都喺只聽其名 就未過 終於受唔住魔鬼引誘 大長征咁去咗太安樓睇下佢有幾巴閉 順便毒埋你地一齊去😈-朋友極力推介呢間格仔餅 一場嚟到 無理由唔一試嘅🌚 唔執輸叫返底原味格仔餅 ($20) 先嘩～ 果然喺寧舍不同 先講餅底 一咬個下 喺個口到卜卜聲 你第一下會感受到表面嘅脆 第二下就feel 到入面喺何其柔軟 名符其實喺外脆內軟👍🏼再講下入面嘅配料 牛油 花生醬呢啲基本野啦 點將佢推向邪惡嘅極致 秘密武器就喺花生x砂糖 令到成個格仔餅唔會得死甜 多咗份花生專屬甜味 砂糖嘅幽香 認真令人好回味💓-不過真心 一個人食一底有啲濟又好飽肚 一場嚟到太安樓無理由只食佢 所以最好都喺兩三個人share👅-不過真心 一個人食一底有啲濟又好飽肚 一場嚟到太安樓無理由只食佢 所以最好都喺兩三個人share👅-希望唔會真喺加租 令到老闆娘意興闌珊唔做 搞到我無得再食咁好味嘅格仔餅啦😭

經過數位友人推薦，冇理由唔到來朝聖一番！晚飯後，專登揸車去試一試佢係龍定係鳳。去到得三個人排緊隊，只等了約七分鐘。睇住老闆娘落醬料完全唔鬆手，啲花生醬同年禮完全鋪面哂，最特別係佢個花生溝砂糖，完全將個格仔餅提升到一個層次，呢份冇慳住慳住嘅感覺，正👍🏾 再加上咬落去時嘅脆度，絕到令到佢成為我暫時食過最好食嘅格仔餅😍😍回頭指數：唔使多講，一定係一去，再去，再三去！

友人與鴻哥一見鍾情，藕斷絲連，食過翻尋味，係都要帶我去見識下鴻哥既威力。係佢威迫利誘之下，滿心期待，去到同鴻哥只有一面之緣，疑似鴻哥的人正轉身離去，撇下鴻嫂坐陣。　　　　　　　　落單後等左幾分鐘，即叫即製新鮮熱辣既格仔餅即刻送上，拎上手已經知唔野少。格仔餅既厚度比食開果D最少厚一倍，火候控制得恰到好處，外層金黃鬆脆，內裡香軟纏綿，外脆內軟，不甜不膩，落足蛋漿，充滿層次感，好似食緊脆皮蛋糕，食完餅餅身心都好充實，做人都踏實D。　　　　　原味格仔餅 $15成兩寸厚既餅餅好有睇頭，一啖咬落去，餅肉綿厚，沙糖清甜，配合花生醬的香醇相得益彰，溫暖既觸感叫人纏綿至死。但說好的煉奶呢？完全食唔出煉奶既香甜，實在美中不足。　　朱古力格仔餅 $16朱古力味一食就被原味比下去，開頭一廂情願以為成塊餅都係朱古力味，原來只係原味餅底加少少朱古力醬同花生，我恨我天真。朱古力醬唔夠香濃，味淡且帶苦味，感覺好乾好杰，情願買排朱古力就咁食好過，仲要比原味貴$1，真係唔知有咩賣點呢？　　　　友人如獲至寶，如癡如醉，如狼似虎，如入無人之境。不消幾分鐘已經將大餅吞噬，差D連紙袋都唔放過。我就喜歡慢慢細味鴻嫂造餅時既心境，享