摩芽雞蛋仔

Open Now

Now Closed

其實我就住喺樓上，平時夜晚放工見到好多人排隊等，所以好耐冇食過了……有時跑完步經過，做完運動又唔想食甜野，所以應該有超過一年冇幫襯🤪今日放假，去完打拳返嚟又唔係好肚餓，所以食個雞蛋仔就啱啱好，哈🥳見到冇人排隊，即刻order一個原味雞蛋仔，以前食過佢好多其他味道，最普遍係朱古力味、綠茶味加星星，今日唔係太肚餓，所以都係簡單原味🥰靚女姐姐10分鐘左右就整好咗俾我，又整得幾靚喎😝忍唔住即刻一啖咬落去，入面脹卜卜蛋糕仔，好耐冇食過入面有蛋糕仔嘅雞蛋仔，而家出面啲鋪頭整嘅雞蛋仔好多都係空心嘅👍🏻👍🏻前面後面都咁靚🥰

自從食開果間雞蛋仔汁左粒之後，就不段試區內唔同店既雞蛋仔.試左4-5間街頭小食既都好失望.呢間係太子，算係比較正常.起碼外面唔油，入面料係空心各佔一半.不過都未算係好味.蛋唔夠香，同埋外皮唔係脆口.做唔到內脆內軟的口感.不過食到唔難食已經好恩惠....原味雞蛋仔$18.環境🎖🎖衛生🎖🎖🎖人手🎖🎖🎖可逗留時間 🎖🎖🎖食物質素🎖🎖禮貌🎖🎖🎖選擇🎖🎖🎖🎖送菜速度🎖🎖🎖座位數量 0攝影環境🎖.5🎖為滿分.

約左朋友喺太子食飯, 見時間未到又餓餓o地, 周圍行下睇下有冇 D 小食可以咬下, 醫醫肚｡ 離遠已經見到呢間小食店, 因為佢個門牌好大塊, 而且好鬼光, 絕對係會吸引到途人注意｡行到小食店前面, 望望 Menu, 見到有好多款式唔同味道嘅雞蛋仔, 而且仲有星星雞蛋仔添｡ 不過, 識食嘅緊係先試下佢個原味先啦 原味雞蛋仔佢D雞蛋仔即叫即整, 所以都要等 5 分鐘左右先有得食｡ 攞到上手熱辣辣, 外面都烘得脆卜卜, 而入面嘅口感幾煙韌, 不過味道就略甜｡

今日午飯無咩胃口，經過公司開左間雞蛋仔，原本只係諗住求其食D野嘅心態買一底食下。店員哥哥就介紹左几種口味。都真係几創新:又朱古力星星，又紫菜肉鬆，又有款加埋雪糕添。最終擇左紫菜肉鬆。估唔到紫菜肉鬆搭雞蛋仔又几夾喎。有驚喜👍👍。飲品方面叫左杯綠茶紅豆都算好飲。重原其他小食買相唔錯。總括黎講，值得再試。😋