摩芽雞蛋仔

Open Now

Now Closed

位於太子的摩芽雞蛋仔，每次經過都有人排隊買的，這次在吃完隔離餃子店後便點了一底雞蛋仔試試。雞蛋仔的款式實在多，原本想點最基本的原味雞旦仔，但經店主推後便試了他們的星星雞蛋仔。星星雞蛋仔其實是朱古力味的，雞蛋仔的造型都附有星星圖案的，很好打卡。店內是一人運作，收銀員和弄雞蛋仔的都是同一人，所以等候時間是有點長，本想著是精心傑作，拿到後先打過卡便急著放進口試試。坦言可能對這家店的雞蛋仔是有點失望的，雞蛋仔外脆的，但內層不夠軟熟，有點乾，內裡的朱古力亦不夠軟心，朱古力味亦不夠濃，對於一個雞蛋仔愛好者來說，只有合格的水平。

我買咗份原味雞蛋仔，竟然食第一啖已經想扔咗佢！！食落去絕冇蛋香味，料又少，最惡劣嘅係咀嚼兩口後，竟然食到啲怪味！我可以大膽形容佢似係少少霉味🤯😱 好可怕，差唔多每粒都係同樣嘅口感！我從來未試過食一包咁差嘅雞蛋仔！睇返其他人嘅食評，先知原來唔少人都有同感，原來呢間都出咗名係衛生情況不理想，食物質素更不可想像！雖然好多人喺隔離嘅豐信餃子店排隊，但大家千祈唔好學我，以為部份人係排呢間雞蛋仔店，以免中伏！！😤

雞蛋仔味道唔正宗，一d都唔好食，食左兩啖忍唔住dump左，我成世人第一人食兩啖就dump左，你就知問題係嚴重。如果你純粹拎黎填飽肚係無問題，但當你係想享受雞蛋仔味道，咁你就要打醒精神，個味道同外面十二蚊/底d味道差唔多，無果陣香味，真心由期待變好失望 。廿二蚊好食就無所謂，但買舊咁ge野返黎真係貼錢買難受間野又污糟，d塵黏到成間鋪都係。。。。廢事浪費我quota。。。我中伏好了，其他人自行小心，咪話無提醒你。

🍳摩芽雞蛋仔太子流心蜜糖 HK$35 - 初頭睇好似幾少有所以$35都試下 黎到上手都熱辣辣 個面未攤夠時間未夠脆 最嚴重係內餡個蜜糖 原來係一粒粒既蜜糖苞係雞蛋仔入面 唔好食既位係本身expect係”流心蜜糖” 宜家變左流心苞 係個蜜糖水咁 溝稀左如果$35試流心蜜糖 咁我會試返其他普通味環境衛生: 🌕🌗🌑🌑🌑 食物味道: 🌕🌗🌑🌑🌑服務態度: 🌕🌕🌕🌕🌑#摩芽雞蛋仔#太子美食#雞蛋仔#香港美食 #香港餐廳 #情侶餐廳 #情侶飲食 #幫你食 #CoupleHelpYouEat #CoupleHelpYouE #HelpYouEat #HongKong #HKFoodie

今日揸車去太子掃街，有啲肚餓諗住同先生一人一個雞蛋仔當下午茶😋😋途經呢間雞蛋仔，其實見佢已經開咗好多年，之前好似風靡過一時，不過一直都未食過。今日終於有機會試吓啦，星期日都冇咩人。叫咗一個紫菜肉鬆雞蛋仔，一個奶黃雞蛋仔首先講吓紫菜肉鬆雞蛋仔，味道都可以的，鹹鹹地，不過略嫌餡料唔夠多。另外奶黃雞蛋仔都幾特別，唔會太甜。總結而言，呢間雞蛋仔食完冇咩驚喜，感覺不過不失，始終都成$30一個雞蛋仔，我期望餡料可以再多少少。

話說唔記得8定係10年前，喺元朗食過摩芽朱古力雞蛋仔，覺得好好食，一直都有幫襯，但係佢元朗分店之後執咗冇得再食喇。然後又發現佢喺葵芳都有分店，諗住都好啦，葵芳都間唔中有去。點知佢後尾葵芳店都冇做。一直都好掛住佢嘅雞蛋仔。咁啱今日去太子，知道佢依家唯一一間舖頭只有太子，咁就特登去佢舖頭走一趟。依舊係叫朱古力雞蛋仔（$26），等咗大概十幾分鐘就有喇。好彩呢間舖頭同以前喺元朗食開嘅一樣，都係咁好味。外脆內軟熟，朱古力粒半溶既狀態。下次有機會去開太子，我都一定會過嚟再買。希望佢呢間舖頭守得住.

行過見到有啲人食，本身又諗住出返旺角搵雞蛋仔食，咁就試下佢。佢個主打應該係蜜糖星星雞蛋仔，但係太特別就唔試喇。本身想食$22原味當係試下先，但係男朋友話想食$35流心蜜糖咁就嗌左呢個。要等20分鐘。由於今日得14度，個雞蛋仔好快就已經唔熱。第一啖想用手搣一粒出黎，但係佢一啲都唔脆，又唔係叫做淋，係un嘅🤔諗住流心蜜糖係吱左啲真正蜜糖落去，話哂都係$35唔係平嘅價錢。點知係擺啲啲爆珠落去，簡直係垃圾😐😐😐😐😐😐 冇左粒珠佢只係原味，口感差到一個點🤢🤢🤢

抹茶紅豆格仔餅 $30周不時會行經過，但係真係買嚟食係第一次，第一次唔係試佢嘅雞蛋仔而係格仔餅。佢用綠茶蛋漿整好咗個底之後再擦紅豆、花生醬、牛油，落埋砂糖，要有嘅嘢都齊，不過落料偏少，紅豆同花生醬都好似各得一半，唔係好夠候，覺得可以比多啲花生醬，因為有啲邊角位好似冇咩醬料，食完個紙袋都冇醬留喺到就知咩事......呢個位有少少失望。本身諗住啱啱整起，個格仔餅應該會係脆身嘅，但一拎上手就feel到佢冧冧地，都唔知係咪關焗住啲水蒸氣事。如果考慮埋佢應該要出多啲綠茶味，咁可以話佢個格仔餅都幾有原味嘅影子，因為個綠茶味真係好唔突出，基本上係食唔出。以呢個價錢食返原味格仔餅嘅水準係幾令人失望，暫時冇話想試埋佢個雞蛋仔，但用嚟頂下肚餓都得嘅。

食完隔離嘅餃子店仲係覺得好餓，所以就試吓呢一間嘅雞蛋仔。 舖頭人流唔多 等咗10分鐘就有得食🤤🤤揀咗蜂蜜流心雞蛋仔同埋抹香珍珠奶茶首先個蜂蜜雞蛋仔 用咗紙加蛋漿而成 表層非常之香脆 一咬落去係會有甜甜地同埋有蜂蜜爆珠 但係唔係粒粒都平均有爆珠 所以有啲位會甜啲有啲位冇咁甜 但整體上個蜂蜜味都好夠而杯抹香珍珠奶茶，本身諗住可以好似其他珍珠奶茶譜咁叫走冰，但係個收銀就有啲晦氣問你係要凍定熱，只可以少冰珍珠會成粒都係硬嘅 但係個奶味就好出係我鍾意嘅味

今日放工， 跟住諗外賣， 便跟外賣order 買流心蜂蜜鷄蛋仔同雙重芝士鷄蛋仔， 加杯嘢飲(蜂蜜柚子茶加椰果） ， 拎到番屋企才食， 估唔到仍然好味！ 下次應該要食埋其他名物先！ 💪💪

格仔餅癮起，諗住行過附近就買一間都冇伏嘅，點知真係仲晒大伏叫咗一個抹茶紅豆格仔餅，$30等咗大約5分鐘，見着店員起嘅時候成個格仔餅分開咗係爛嘅，但係都照俾我啦，咁我就問係咪原本都係爛佢話因為抹茶紅豆，中間有紅豆比較軟身，係一定會咁樣，咁既然佢處理唔好嘅時候點解要設計呢一個口味買呢？我食其他店既時候完全都冇呢個情況出現大家想食格仔餅真係要搵返間口碑好嘅，呢啲又浪費心機，又破壞心情諗住佢個賣相咁差，如果口味可以挽回，都算啦，點知咬落去完全冇蛋香味，係用粉漿加抹茶粉溝出嚟，食緊屎一樣

我最近去了摩芽雞蛋仔~不過不失☺️雞蛋仔口感偏向鬆軟，幾有彈性，口感幾特別。它們還有多種口味可以選擇，例如紅豆、巧克力，紫薯，紫菜等等，讓人感到十分新鮮和有趣。😍😍今次食的是蜜糖爆珠雞蛋仔，這家店的雞蛋仔特別之處在於每一口都有驚喜。它們在雞蛋仔內放了一些蜂蜜小珠子，吃起來非常香甜，而且還有蜜糖的甜香。這種獨特的口感和味道讓朋友非常喜歡。🍯🍯總體來說，如果你想要一個有趣而美味的雞蛋仔體驗，我強烈推薦你去試試這家🤣🤣🤣🤣🤣

今日要黎尋找以前回憶🤔的味道，所以就黎到太子食摩芽雞蛋仔🐣，唔講唔知，原來全港現在只剩下太子呢間分店，其他分店已結業。今次就叫左雙重朱古力夾餅🍫（$26），雖然夾餅中間有少許朱古力流心，但食落去朱古力味道不太濃，反而花生醬🥜同埋煉奶既味道比較突出，味道中規中矩啦。另外，我地仲叫左百香果金桔多多🍊（$26），呢間飲料裏面有少量的百香果核，不是太多，仍然可以接受，金桔味道並不突出，可能裝飾為主，同市面其他多多一樣，飲落去有種假假既味道，個人不太喜歡🥲。飲完後，先發現金桔果肉係黑色的，唔知係咪擺得太耐定氧化左，感覺不太新鮮，下次應該不會再惠顧了。隨著時化變化，摩芽雞蛋仔的Menu感覺上同以前沒有太大的變化，或許不進則退，總會被社會淘汰。

從來未食過呢間嘅雞蛋仔，穩陣啲都係試吓原味先， $20一底，價錢都ok嘅。呢度嘅雞蛋仔外貌膠膠地，完全做唔到外脆內軟嘅感覺...一收到雞蛋仔嘅時候，覺得硬到好似一舊模型咁，完全搣唔開。平時食雞蛋仔，會一粒一粒搣嚟食，呢度係做唔到嘅，要成舊攞嚟咬。蛋香輕微，甜度唔高，感覺似食緊雞蛋糕。唯一可取之處，係每一粒都非常飽滿，唔會有空氣感，味道黎講唔係難食，但唔合乎雞蛋仔應有嘅標準。如果係想食雞蛋仔，可以試其他舖頭。

呢間摩芽雞蛋仔每次黎買都見到有人排隊由其假日特別人多呢就知佢有人氣啦！今次揀左流心蜂蜜口味即叫即整，十分熱辣辣呢！粒粒流心蜂蜜，一咬即爆開啖啖蜂蜜，又不太甜喎！推介！！有驚喜，值得再試呢！