漁場台風

Open Now

Now Closed

晚餐唔知道食咩好，來到左位於旺角既漁場台風試一試佢地既拉麵原來佢地日頭係賣沾麵，夜晚賣拉麵下次搵日下午再來試試佢地既沾麵先晚上8點左右黎到，門口人龍排到去轉角好彩都唔係等左好耐 大約半小時左右就到果陣店員會係門外派落單紙同mark咁一入去就可以坐低等食啦門口有部扭蛋機，$10玩一次 我抽中左3等獎 係3塊叉燒哈哈入去坐低後，店員都放低凍水我用左岩岩係門口抽到既叉燒券店內牆上都貼滿各式各樣既插畫同海報，聽到有部分店員同師傅用日文溝通，原來係日本人主理架桌面上都有好多配料比客人使用，有我最鐘意既蒜呀值得一讚好快我叫既魚介豚骨拉麵就來到啦麵質比較粗身，正好合我口味湯底好濃郁 落單果陣我寫左多蔥，師傅真係加足料比我增量叉燒要$25 好彩我係門口扭蛋機用$10抽到 平左$15 哈哈（師奶仔心態）叉燒好腍好味！順帶一提店員的服務好好，好helpful，每逢有客人入來全部員工都會打招呼畢竟依家要遇到好食又好服務的餐廳真係唔易呢，下次會再來試沾麵

朋友介紹呢間拉麵唔錯，今日晏晝就去咗試試。去到仲未有位，店員就比咗張點餐紙我地，係出面等。原來佢係分開兩個時段，晏晝食沾麵，夜晚食拉麵，既然一場嚟到就試下佢嘅沾麵先啦！畫完餐紙仲未有位，見到佢門口有部扭蛋機抽獎，抽中一等獎仲可以免費食拉麵/沾麵；就算係五等獎都有免費加荀/紫菜/麵底，$10扭一次，咁我就試下啦，點知抽中咗三等獎增量叉燒(原價$25)，又幾抵玩喎！入到去舖頭，裝修裝飾擺設都好有特式，牆上仲貼咗好多客人嘅留言，別有一番風味。好快個麵就到啦，我要咗魚介豚骨蕃茄海蝦沾麵，凍麵普通份量，增量紫菜。就算係普通份量個麵都好多，而增量紫菜足足有十塊，份量十足。個湯味道濃郁，沾麵彈牙有口感，可惜個湯嘅蕃茄味唔夠突出，被咸味同櫻花蝦味蓋過。而最大敗筆係個湯唔夠熱！加上我要凍麵，整體凍冰冰咁唔夠暢快。(6.5/10分)不過$10扭嘅叉燒質素都唔錯，好食！(7.5/10)整體而言呢間舖仔都幾有心機，由門面、裝修設計、店員到麵都落足心思，當然有美中不足嘅地方，呢個有待改善。下次的話，我應該會夜晚嚟試下拉麵。相信叫拉麵唔會再比凍湯我喇掛

今天和老公行旺角，差不多六點，有點肚餓，老公話吃拉麵，要去漁埸台風試下，又見到門外沒有人排隊，便可以直接入去。侍應帶領我們坐下來，第一時間將個膠箱放在我腳下，我腳短就釣腳，即刻舒服好多，我覺得好窩心😍😍😍。之後侍應還會講解一下如何點餐及麵的份量，原來150g已經等於一包半公仔麵，我覺得應該會夠飽，老公另外叫一份叉燒。我點了燒海蝦味豚骨拉麵($88)，碗麵真的都幾大，我吃了大半就將餘下的麵給了老公，湯底蝦味好重而且好鮮甜，櫻花蝦干好香，麵質有彈性，我覺得個麵好好味😋😋😋。老公點了鰹魚味豚骨拉麵($83)另加叉燒($25)，鰹魚味好重好香，湯底濃郁唔漿口，麵質爽滑彈牙😍😍😍。另加的叉燒，用鐡板輕輕煎過，所以都好香而且比較厚身，肉味豐富帶少少甜味，好正。至於溫泉蛋，雖然唔太流心，不過就好有醬油味，仲有一様幾特別，就是每碗有少許菠菜，感覺幾健康。我覺得這裡比銅鑼灣那邊拉麵低食，那邊動不動都要$100以上，而這裡味道都不比那邊差😋😋😋侍應好年輕，訓練有數，效率很快又用心，已經好少見，我好欣賞👍👍👍

經常留意Openrice ，都會發覺呢間漁場台風的食評，今天和太太行旺角，來到附近差不多六點，有點肚餓，可能時間尚早，所以門外沒有人排隊，便入去試試，裝修好日本式，好似去了日本一樣。侍應帶領我們坐下來，便第一時間將個膠箱放在我太太腳下，當坐在高椅，男仕腳長冇問題，女仕腳短就釣腳，我覺得這個服務好窩心😍😍😍，另外侍應還會講解一下如何點餐及麵的份量，原來150g已經等於一包半公仔麵，我們覺得應該會夠飽，不過我太喜歡吃叉燒，所以另外叫多一份。太太要燒海蝦味豚骨拉麵($88)，原來碗麵真的都幾大，所以太太將餘下的麵給了我，湯底飲落好似用蝦頭煲成咁，蝦味好重而且好鮮甜，櫻花蝦干好香，麵質有彈性，令成個麵都好好味😋😋😋。我要了鰹魚味豚骨拉麵($83)另加叉燒($25)，鰹魚味好重好香，湯底濃郁唔漿口，麵質爽滑彈牙😍😍😍，至於另加的叉燒，用鐡板輕輕煎過，所以都好香而且比較厚身，肉味豐富帶少少甜味，好正。至於溫泉蛋，雖然唔太流心，不過就好有醬油味，仲有一様幾特別，就是每碗有少許菠菜，感覺幾健康。💪💪💪對一碗拉麵最尊敬，就是連湯都飲晒😉😉😉侍應雖然好年輕，不過訓練有數，效率很快及用心，當我們點餐時，侍應

早已聽聞拉麵台風的威水史今天就襯星期天中午來旺角店朝聖一下旺角店中午賣沾麵晚上賣拉麵我點了魚介豚骨沾麵另加半熟蛋先上普通份量的拉麵拉麵屬粗身的太麵口感有咬勁湯汁味道平衡豚骨味與魚介味比例調得剛剛好太麵沾汁掛湯能力一流250克麵量不多不少吃罷後再請侍者加湯喝至最後一滴大滿足朋友點了魚介豚骨焙煎黑芝麻沾麵黑色的湯底很吸晴呷了一口芝麻味極之香濃驟眼看還以為是芝麻糊呢我還是喜歡回歸原味元祖的味道總是歷久不衰呢

今日落大雨，陪阿媽黎旺角攞衫，阿媽話附近有間拉麵店經常有人排隊，諗住咁大雨又差不多兩點幾，應該有位卦，就去碰吓運氣。麵店雖然喺旺角但其實係喺比較外圍嘅洗衣街嗰邊，但仍然要排隊。前面大約有十人，好在同時有幾枱客食完走人，所以等左10分鐘左右就入得。等位嗰陣，店員俾左張紙我地點嘢食。咦? 點解係沾麵唔係拉麵? 原來呢間麵店好特別，日間只做沾麵，夜晚就係拉麵。好在阿媽話never mind，反正未試過食沾麵，就試吓(其實我自己都未食過)。阿媽點咗蕃茄海蝦沾麵，我就點咗焙煎黑芝麻沾麵汁，我冇食早餐，所以加左麵底同埋半熟雞蛋。麵店內在環境真係好地道日本feel，阿媽話「好似我煲劇經常見到啲上班族默默地又「擒擒青」食麵嘅麵店。」一入到店就已經聽到幾聲響亮嘅いらっしゃいませ！而且店員經常以流利日文交談，真係以為入左隨意門去咗日本食麵。周圍都係啲日本動漫畫海報、裝飾、吧枱前面仲有啲action figures。上菜時，店員會俾返張點餐紙你離店時埋單用，食完可以喺「客人意見」欄度寫吓comment。餐廳寫埋回覆就貼咗上牆度，唔係凈係揀讚嗰啲貼架，好有heart!!有好多客人仲喺點餐紙後面畫公仔，餐廳會貼

上一次嚟已經知道呢度日頭賣沾麵，晚上賣拉麵。既然已經試過沾麵，拉麵當然走唔甩。今晚收工又去左排隊，同上次一樣多人，真係客似雲來。好在今日預早少少到，排一陣已經可以入餐廳。同上次入去既感覺一樣都係咁多動漫野。晚上點餐紙轉晒拉麵，不過大同小異。沙甸魚味豚骨拉麵大食既我驚唔飽揀左300g又加左叉燒，原來300g真係勁多麵，連我幾大食都食唔晒，建議女仔揀番150g，男仔揀番200g已經ok。沙甸魚味豚骨拉麵的湯底味道濃，拉麵的軟硬度適中，口感唔錯。而再加既叉燒亦有三大塊，叉燒有腍腍口感，肥瘦適中。餐廳餐牌上面提及這款拉麵是推介給喜歡海洋味道的客人，雖然海洋味道來得比較抽象，我亦未能將海洋味道和沙甸魚味豚骨拉麵兩者結合。但的確我是一個喜歡海洋味道又喜歡沙甸魚味豚骨拉麵的客人。這個麵我確實喜歡。

今晚去咗旺角覓食，星期一9點幾去了食拉麵。漁場台風在上年已經食過一次，印象不錯。 一如以往，晚上只提供拉麵，沾麵要留待午餐了。有四款拉麵以供選擇: 拉麵有三個份量 (此店其中一個賣點是1.5倍麵底): 少150g、普通200g、加底(+$10)醬汁份量: 少、普通、多蔥: 有、無 今次又係老人痴呆，上次都係走筍係可以免費改疍/叉燒/紫菜，但我忘記了；今次又係店員提我，走筍可以免費改其餘三種。 全是面壁座位 燒海蝦味豚骨拉麵 - 本身$88, 加蛋$12,走筍後多了紫菜份量，共 HK$ 100 有大量櫻花蝦、蔥、流心蛋、菠菜、紫菜、叉燒 蝦湯底香味濃郁 叉燒有番咁上下厚度，味道不錯味付玉子 味付玉子好入味，生熟度拿捏很好，做到流心效果 咦，有自家製青檸胡椒題外話 / 補充資料好細心，入座時店員主動拎個膠箱比我墊腳

在荃灣赫赫有名的拉麵台風，長期要排一個小時才有得吃，現在終於在旺角開‧分‧店‧了﹗為食不甘後人，趁著還沒有太多人知道和去排隊，速速吃馬上寫搶個頭香﹗其實說這裡是分店也不太準確，應該說是姐妹店，因為兩邊的風格是不一樣的，店裡的卡片有寫中午時段是沾麵專門店，而夜晚則是拉麵專門店。本家的拉麵台風則沒有這種分別，而且沾麵亦是限定。吃拉麵提供冷水是常識，不過沒想到這裡竟然整個水煲放上台，饒有趣味。看一下餐牌，連餐牌都分開了上下半場，沾麵有三款而拉麵就有四款，另外還有介紹沾麵食法的漫畫，只是那個大叔…看一百遍都是覺得他一整個痴漢臉（掩目）。點菜紙依舊可以選麵量醬汁和蔥，而三款味道的價錢差距不算很大，友人選了黑芝麻口味，那我就選海蝦口味吧。等候途中自然是四處望…有日本藝能人的海報是不意外，但竟然有真人簽名？﹗這張相賣笑一個，懂的人自會懂，不要問何故。（笑）既然是沾麵專門店，當然不少得湯割用的湯汁了， 這裡的湯汁有一直在暖著，令人安心，但旁邊的是甚麼鬼？原來是燒石，吃到中段覺得沾汁變冷時，可以將燒過的熱石放在沾汁裡加熱，既環保又快捷，今次真係燒山…不對，燒石好野﹗多謝燒石﹗這位師傅好像在荃灣店時已經見