老川皇

Open Now

Now Closed

間野食嘢冇乜問題，但係汽水好貴要$17蚊1罐，食完睇番先知真係估佢唔到，環境就一般，怪就怪自己冇睇Menu以為最多都係10 $汽水。其他都冇乜特別除咗飲品其他都可以試

整體來說，味道惹味，部分菜稍咸，唔係好辣，適合唔食得好辣既人試下。本身係歐美廣場既大舖等位，見到街上原來有分店，直接落樓下碰運氣，最後都係等左15分鐘左右，應該比樓上的大舖快。係門口等緊既時候已經聞到好香，一入去就急不及待點菜。相伴同串燒上得好快，廚房的餸就出得好慢，食緊既時候，隔離臺都反映緊話食飽都未上菜，要取消。後尾我地食完臺既送，都等左一輪，一出就全部臺一齊上。另外，三個人坐卡位，後尾都要同人搭臺，六個人坐左兩張卡臺拼埋一齊。如果佢出菜快D，D客根本可以去得快D。唔講咁多，去圖！~~川北涼粉！味道ok，但咸左，涼粉似啫喱口感，不過好易碎。口水雞係最好食既一道菜，同埋係最辣最惹味。$58一小蝶，性價比又高又好味，雞肉就不過不失，主要係醬汁調得好，贊~串燒！三個人點左幾串串燒，又羊肩肉、雞腎、多春魚同牛舌。全部都燒得幾乾身，落左好多味粉調味，十零蚊串，我覺得串燒都係值得點既~多春魚！細細條，好乾身。乾鍋肥腸！味道係可以既，我覺得可以再濃味D。D肥腸都係比較細粒，有D係碎碎黎添，D青色既辣椒一D都唔辣，反而洋蔥係後尾煮煮下入左味，好甜好好食啊^^水煮牛肉！哩道菜既辣係小辣，我覺得佢係就

陪阿媽去完佐敦永安，去後街搵地方食晚餐，喺萬年青酒店對面發現一間食川菜嘅，川菜係香港煮得正宗的很少，我哋決定去試一試。見到張海報，真係好有四川嘅風味，我哋就叫口水雞。口水雞有分：例牌，半隻，一隻。我地得兩個人，就要左例牌口水雞肉質超級嫩滑，比我們想像的好食，醬料10分正宗，不太辣，反正老人家也能夠吃，份量也很多，食到已經很飽。拍青瓜酸菜肥腸點了兩個酸酸辣辣，開胃一下，媽媽10分喜歡吃酸菜豬肚，不是太辣，而且也很有咬口，他幾乎一個人全部吃完。豬肉水餃酸辣粉只是吃小菜不飽，要食一些主糧，媽媽要了豬肉水餃，我要了酸辣粉，酸辣粉的口感比較軟，豬肉水餃好味停唔到口。酸辣粉可以再加餸，但口水雞做餸，已經好味又抵。

我們班為食豬要出動，今之是川菜風。其實我都鍾情於酸酸辣辣食物，5個女仔次次都點了超多野食，比隔離枱的人都眼望望有口水雞半隻，酸菜生魚1 斤，涼拌窩筍，炒土豆c，鐵板茄子，毛血旺，虎皮尖椒，酸辣粉，干鍋肥腸，炸曼頭。全部少辣因為有些豬女唔食得辣※口水雞，雞肉太淋，唔夠結實，食得辣ga人可能覺得佢唔會太辣※酸菜生魚生魚比較爽口，唔太多骨，有酸菜同蘿白，超好食，而且魚片超多※涼拌窩筍，可惜蒜頭太多了※炒土豆c，土豆爽口帶有少少酸味好快比人食曬※鐵板茄子，開頭見人食評唔錯就試下，點知茄子釀左豬肉，跟著去炸，再加汁，變左超超級油，有點失望※毛血旺一般般因為未試過所以試下，有牛拍業，香腸片，豬紅，豆芽，木耳，黃鱔，王喉，豬腸，豬肚，但佢切得太細粒，好似無咩肉食，重有 大量花椒同辣椒，下次唔會再次點※虎皮尖椒我個覺得佢太淋，同唔夠味，但其他為食豬覺得ok重好好食※酸辣粉佢夠酸，但唔知點解差左一點味道，但大家都講唔出咩味。佢有榨菜，花生，肉碎，莞茜※干鍋肥腸超正，肥腸夠入味，重有芹菜，洋蔥等配料，用來餸飯食一流※炸曼頭，佢地用迷你曼頭，有點少家，曼頭唔係咩貴價貨，重要炸到超硬值得一提佢地啤酒夠冰凍總下

牌面過於霸氣！係，我講嘅係佢高掛門上嘅招牌！就係呢個招牌，今晚就試佢！場內佈置簡單，座位唔多，晚市8點左右坐有8成滿人～但，落單個阿姐落單落到好急咁，態度一般⋯兩個人，叫左三個餸！差唔多喇！經驗所得⋯應該都食唔曬！因為川菜每碟嘅份量的確不會少！雖然好想叫多幾款試，但''大徙鬼''阻止左我！先嚟第一道「口水雞」例牌，雞肉算嫩滑，醬汁色濃，略嫌太油！川菜本身油我清楚，嫌太油只係想表達醬汁密度唔夠濃同稠，雞肉掛汁能力低，唔夠麻唔夠香，味道一般！但可以再試之選。第二道「炒四季豆」，好簡單嘅一道菜，幾乎去任何一間川菜管都可以食到！但⋯呢穫切底地輸了！味道超怪⋯愈想試出有乜怪⋯可惜味道只有怪⋯更怪！係豆本身太熟累事？油炸得唔夠火喉？豆已變壞？⋯太多因素，不能定奪⋯總之係難食非常！！只限今批吧？第三道「酸菜魚」，湯底只有酸，欠缺香！味覺層次感太低！魚肉可以，算新鮮！但!刀功問題？起魚起得唔夠靚，太多骨！而且骨太碎⋯唔係咁識食魚嘅朋友要注意喇！我係愛魚之人，但亦被難倒。可樂一罐15蚊⋯太貴了吧？食水有點深吧！雖然餐牌仲有好多款未試過，但回頭機會好低！沒有驚喜，普通之列，所以招牌的霸氣比實際是太過了。