圓山台灣料理 (Closed)

呢間台灣菜好特別，有埋點心可以叫。一開始食無太大期望，因為乜都有通常都係比較平凡，但呢間餐廳啲台灣菜真係好食既。我地一開始叫左個皮蛋豆腐做前菜，佢有好多肉鬆，因為我好鍾意食肉鬆，所以真係好鍾意個前菜，而皮蛋同豆腐都係好夾。然後叫左個三杯雞做主菜，個三杯雞啲肉堅嫩，同埋唔會太濃味，真係唔使食飯，齋食餸都可以，咁當然佢都有少少油既，不過啲油係曬底，面個層唔油，呢個好食。上面兩個可以唔食，但個炒蜆真係好正，我係第一次食到咁鮮甜既蜆，仲要啲蜆既份量好多，食極都係個殻度，啲千層塔既味好濃，可能因為咁對比到啲蜆仲鮮，停唔到真係佢地叫個菜做炒A菜，好彩有圖片，如果唔係都唔知係乜，其實係蒜蓉炒油麥菜。個菜好新鮮。我地叫左個麵share，好正宗台灣味真係，同台灣食到既一樣，唔知係咪太正宗，同香港既有少少分別，我竟然有啲唔慣😂。總體都係好出色既一餐廳，下次黎試下飲茶。

套餐菜式一應俱全，亦有自由度大點的超值風味自選套餐，可自由搭配菜式。最後我們選了超值風味自選套餐，自選四個菜式，還可以以優惠價以一換一升級菜式。干炒四季豆肉碎香口惹味，四季豆爽甜開胃，不會一入口就是滿嘴油膩，而且十分下飯。咕嚕黑豚肉色澤紅亮，口味酸酸甜甜，十分開胃。海瓜子海瓜子即蜆，肉質彈牙；惹味香濃，帶點微辣讓味道層次更豐富。溫室南瓜炒鮮鮑 (跟餐+ $188)溫室南瓜味道香甜；鮮鮑份量多且大顆，爽口帶彈性，有嚼勁，口感佳。台式炒蟶子皇 ($248)蟶子皇份量多，肉厚肥美，爽脆彈牙，鮮味十足，口感非常好。台南擔仔麵 ($28)麵條口感爽滑彈牙；肉臊半肥瘦，入口惹味、香醇不膩，齒頰回味留香。紅荳椰汁糕只要讚好專頁就會送一件紅荳椰汁糕。入口滿是椰香味，紅豆非常柔軟，口感香滑清涼，甜而不膩。

今晚約到尖沙咀食台式料理，這間出名好食。位在金巴利道，地方好方便，就近地鐵站！2層高的，上樓梯就到達，環境是酒樓的格局，舒適而光亮的設計，乾淨又整齊寬敞，好適合一大班客人，見好多一圍圍食生日飯；服務員態度及服務極好，友善服務員，點餐很準確、主動收碟換碟，笑容可掬又有禮，餐具乾淨潔淨！食物在餐牌中列名，更有好多2-4人套餐及優惠，中式台式菜餚選擇多，服務員先問飲甚麼茶，我怕晚上訓唔著，所以只點熱水，但這裡的茶好香好正；另外也送上前菜涼拌青瓜，爽脆青瓜帶有香濃的蒜味，清爽又涼快！1. 出色推薦的台灣花雕醉鴿好入味又出色，第一次食醉鴿，超級野味，好香又濃郁的花雕酒味，鴿肉香有咬口皮又彈牙，伴酒極好！必點的前菜！好和味！三杯雞野味又多客人愛點的菜餚，好香口熱辣辣，雞肉又好多塊又入味，個秘製醬汁唔會好咸，加上蒜頭、薑片、九層塔配菜，更加香更加好味道，配飯一流！炒A菜台灣料理之一，好大碟好爽脆嫩綠，好香蒜蓉好味道，喜歡食菜的我好正！台南擔仔麵朋友話想食麵，喜歡它細細碗不會太多，麵條都軟滑，肉碎好香，唔辣的但有點肥！最後更送了我們紅豆沙大大粒紅豆，軟軟腍腍，唔會太甜，完美的句點！好滿足喔！推薦來這用

台灣美食一向係香港人所喜愛的，每道餸加上台灣二字必定吸引大量香港人前來品嘗，本人亦不為外。 今次嚟到尖沙咀嚐一嚐台灣美食。首先，呢間舖晚市不設有小籠包，只有午市，令我大失所望，但無阻我嘅心情去品嚐這間餐廳。總括嚟講呢間餐廳嘅嘢食不錯，沒有令我失望至極。麻油雞湯一個字正，雞味融入在湯裏，令到湯有雞味，雞有雞味，雖然用雞煲湯，但無令佢流失去原有嘅味道，亦保持鮮味。 平時一般飲雞湯都有一層油喺上面，令到大部分人都不敢放肆地飲， 但係這間的雞湯雖然都有一層油喺上面，但只有很少， 所以飲下去，嘴裏面唔會有層油，令你口腔油淋淋。蚵仔煎十分有台灣的味道，蛋唔會煎得太老，沾上辣汁， 令到蚵仔煎層次再昇華，令你無法抵抗。脆皮大腸十分有鮮味，外脆內嫩。擔仔麵正常發揮，但加上鹵肉之後，令到麵的味道有雙重口味，變化萬千。三杯雞一定要趁食，食到雞味嘅原汁原味 ，佢哋選擇用嘅雞唔會太肥唔，會太瘦。份量亦很多，不怕吃不飽，只怕吃不曬。總括嚟講，呢間餐廳保留咗台灣菜嘅味道，亦加入香港人嘅口味，所以部分食菜有少少微調，但不會令人有抗拒感覺，反而愛上，值得一嚐。

一向都以為圓山台灣料理只供應台菜，但原來這𥚃的午市除了有台式料理外還有粵式點心和炒飯麵等供應，而且甚具水準，水準足以媲美很多正宗的粵式食肆。午市有各款台粵點心，價錢分別是：小點$26、中點$32、大點$38、特點$43、頂點$50。午市商務套餐，分別有二人套餐$288，四人套餐$498，六人套餐$698。我們分別點了一個二人套餐另加多三個點心。午市二人商務套餐（$288）點心任選兩款 或 涼菜小食一款精美小菜兩款足料老火靚湯（兩位）肉燥飯 或 擔仔麵 (兩位）甜品涼菜-麻辣鴨舌👍👍👍👍👍鴨舌的口感十分爽脆，麻辣的香麻令到鴨舌的味道更添層次，令人愈食愈想食，一口接一口。小菜-三杯雞👍👍👍👍特色台灣小菜三杯雞，用了大量的薑片、蒜子、九層塔，再加上醬油、米酒和麻油，一上枱已散發濃濃的香氣，雞件入味又鮮嫩，三杯的調味令雞肉味道更添層次。小菜-屏東小炒皇👍👍👍👍👍小炒皇的材料十分豐富、有韮菜花、大蔥、蜆肉、魷魚、蝦乾、魚仔乾和鹹肉。小炒皇鑊氣十足，略為炸過的蝦乾和魚仔乾帶點鹹香，蜆肉和魷魚則很鮮甜，令到整碟菜帶著複雜的口感和味道。老火湯👍👍👍👍👍是日的老火湯是蓮藕髮菜豬骨湯，湯料十足，味道鮮甜原

前排去完台灣實在太掛住當地嘅美食啦，所以上網搵下香港有咩餐廳可以滿足下我嘅美食欲望，終於搵到間喺尖沙咀。款式好多... 揀咗店舖最出名嗰幾款菜色。餐前小食係酸青瓜，酸酸甜甜，青脆爽口，非常開胃。蚵仔煎：絕對係去台灣夜市必食嘅美食，好香蛋味，煎得好香口，蚵仔份量又多。彰化鹽水鴨：我哋叫咗個例牌，份量啱啱好，肉嫩多汁，口感清爽而唔油膩，味道亦唔會太鹽。三杯雞： 雞肉色澤誘人，非常入味，醬汁唔會太鹹，送飯認真一流。台南擔仔麵：正宗嘅擔仔麵應該係細細碗，台南人話齋要食得巧妙，所以呢碗嘅份量都唔多，三幾啖就食完，啲豬肉碎甘香，湯底濃郁，擔仔麵爽口。台式肉燥飯：絕對係台灣美食之一，雖然好似只係簡簡單單嘅牛碎撈飯，不過真係唔好睇少佢，肉碎帶點半肥瘦，鹹鹹香香，撈飯認真一流！呢度樣樣菜都做得好有台灣風味，下次想食台灣嘢唔駛飛過去啦，呢度都可以比你食到正宗台灣美食！

今日係同男友既週年紀念日, 由於我地兩個都比較愛吃中菜, 但又唔想純中菜咁單調，就試下呢間台灣料理😁好彩訂左位🙈我哋七點去到唔算好多人，但係七點半就已經好爆～ 被安排坐咗喺魚缸隔離， 望住啲魚遊來游去同啲蝦跳下跳下食飯 ，都幾搞笑😂雖然話喺台灣料理，不過我哋點嘅菜式都係偏向傳統中式😂😂😂叫左個蔥燒海參煲，乾扁四季豆，台南擔仔麵，肉燥飯，其實原本今晚係想食麵，但係呢啲餸又好配白飯，所以忍唔住後加咗個白飯😆個海參煲幾足料😀不論係啲海參定係啲蔥😂 唔會太乾身亦都唔會太鹹，食呢啲有汁半炆煮嘅嘢最怕係好鹹🙈呢個剛剛好👍呢個干扁四季豆唔會太油亦都唔會炸得太勁，感覺 冇咁油膩同冇咁熱氣，送飯都不錯😋個擔仔麵既軟硬度剛剛好， 配類似肉燥既湯底，都幾好食～下次希望叫多啲朋友去可以試多啲嘢😁

好耐冇去台灣喇，勁掛住台灣嘅美食，好想再食返台式嘅味道！前排經過尖沙咀，見到一間叫圓山台灣料理嘅食店，於是返去search下睇下食啲咩嘅先。睇過餐牌又覺得好似幾啱食喎，好啦，一於去食先。 book咗位，所以唔使等就入得喇。我哋被安排坐一樓，地方唔算大，有細圓枱同大圓枱，感覺似中式嘅酒樓。店內有幾部電視，我哋坐低冇耐就越嚟越多人喇。呢度嘅店員人手非常充足，基本上係邊個角度都見到店員，一舉手就會有人黎招待你，效率非常高餐牌有超多嘢食，大部分都係台式料理，另外仲有其他中式料理。種類包括特色台灣小食，海鮮，肉類，蔬菜，甜品等，應有盡有！ 彰化鹽水鴨例牌份量都唔少喔，2個人食每人都食到好多舊。鹽水鴨夠入味，肉質結實，而且好鮮嫩！配埋白醋食味道更佳！炒海瓜子呢個餸係我主打要食嘅！事關實在太掛住台灣炒海瓜子嘅味道，一定要再食返呀！果然冇令我失望，真係台灣嘅味道呀！比起平時食開嘅豉椒炒蜆，我更鍾意台式味道。個汁唔會搶咗蜆嘅鮮味，蜆肉亦都好新鮮，無沙，呢個係超級推介！！紅槽炆豬手豬手大大隻啖啖肉，炆得好林好入味，食曬成碟都唔覺得膩台南擔仔麵 面嘅湯底好濃郁，麵條軟硬適中，同肉碎一齊食口感豐富，好味到連

都有一段時間無飲茶，今次就黎到尖沙咀試下而間有台灣點心既茶樓，一入到去都已經坐得幾滿，所以我地都有少少期待試下有咩特別之處。<花生鮑汁鳳爪，$36> 大大隻，同埋都好入味。不過就偏硬少少，可以再炆到稔身少少就更好。<虎皮尖椒，$60>好大碟，食極都有同埋都炒得好香，可惜係油左少少，食得多都會膩。<鳳梨酥，$30>一上枱已經覺得吸引，趁熱就即刻食，估唔到咁新鮮同幾特別。值得推介而個台式點心！<懷舊水晶鮮蝦餃，$40>無諗到一籠有5粒蝦餃，仲要係一口食得哂大細岩岩好。個皮夠薄，蝦嘅份量亦毫不吝嗇，鮮味又爽口。<招牌極品溜沙飽，$36>其中一個重點係呢個招牌極品溜沙飽，一咬落去即刻咇哂啲奶黃出黎。勁香，味道仲好好！一個字：正！值得推薦！<春風香脆百花腸粉，$40>呢個腸粉由薄薄嘅腸粉包住炸兩包住啲蝦膠而成，炸兩好香脆，啲蝦嘅味都幾鮮，整體感覺好唔錯。<台南擔仔麵，$25>去食台灣點心見到有擔仔麵就試一試，細細碗，食落都幾有台灣風味，味道都唔錯。<呂宋香芒滑布甸，$35

M佬轉咗工前，Weekend飛轉台灣都無問題，依家M佬每個Weekend都瞓到日上三竿。既然無得飛台灣，就去搵間台灣餐廳食下，聽講尖沙咀圓山台灣料理好正宗，就去試下佢嘅二人晚市套餐A。涼伴耳絲薄薄嘅豬耳絲預先撈咗麻油，惹味兼爽口，口感豐富，唔錯嘅開胃前菜。足料老火湯每日唔同款，呢個老黃瓜扁豆煲豬肉，非常足料，無落味精，入口鮮甜。鹽酥雞食台灣菜點可以無鹽酥雞，新鮮炸起，外皮香脆，內裏雞肉嫰滑，不過如果多啲鹽同胡椒，會更香口。屏東小炒呢個絕對係小炒皇啲friend，有韮菜、芹菜、蝦米、魷魚、臘腸，腩肉同芫茜，好惹味。蒜蓉炒A菜A姐食A菜，另一台灣菜嘅代表，淡淡嘅蒜蓉味吊出A菜嘅鮮甜。台南擔仔麵 或 台式滷肉飯我哋一人揀一款，愈普通嘅菜式愈考功夫。擔仔麵湯底濃郁，麵粉掛湯力強，正。滷肉半肥瘦，入口即溶，撈埋飯，真係Perfect！（記住Like同Share畀朋友）

雖然之前已經慶祝左情人節，但如果情人節唔出來食返餐飯都總係好似差緊少少咁，所以就簡左去尖沙咀搵野食。行過金巴利道，見到一間台灣餐廳幾特別，上到去先知原來係酒樓黎原來呢間酒樓已經有多年歷史，估唔到酒樓今日會因為情人節而推出情人節套餐，但可惜套餐入面有野唔太岩食，所以我地都係決定散叫小菜比較好。肉燥飯有少量肥肉，令飯香而且有口感更好。冰梅骨酸得黎帶少少甜味，肉同骨比例亦恰到好處。蚵仔煎配上醬汁，令我食到停唔到口脆皮腸份量少，呢個我就比較失望啦，雖然味道係唔錯嘅。菜原來係用蒜蓉炒嘅，蒜味沒有蓋過菜嘅味道值得一讚。最後要講嘅係，就係就算今日咁煩忙嘅日子，酒樓員工都保持良好服務態度同禮貌，值得大大力表揚。

窩夫與蝦子餅日前光顧永年士多的尖沙咀新店，留意到附近已開業多年的圓山台灣料理，便找到去試試看。點了一客午市商務二人套餐($248)，另外再加了一些點心。套餐其中可選點心兩款或涼菜小食一款，窩夫選了涼菜蛋黃小卷。蛋黃小卷看似烚蛋切片，但其實「蛋白」部分是魷魚圈，「蛋黃」部分則由鹹蛋黃、火腿和青豆做成，味道沒有預期中鹹和濃，蘸點沙律醬來吃又會帶出不同層次的味道。套餐的足料老火靚湯是木瓜雪耳雞腳湯，煲得很濃很夠火喉，一點也不肥膩，感覺很滋潤。套餐裡的台南擔仔麵，比窩夫與蝦子餅在台北吃的簡單，麵上只有肉燥和幾條芽菜，肉燥充滿鹹香，拌麵一流。另一台灣菜必吃的還有肉燥飯，這裡的肉燥肥肉比例較少，吃後罪惡感較少。套餐可選兩款精美小菜，三杯雞是其中一個選擇。三杯雞一上桌便香氣撲鼻，尤其九層塔的味道香濃，非常惹味好吃。蚵仔煎是另一款精美小菜，蚵仔粒粒炸過，再加蔥粒蛋漿煎香，蛋黃顔色偏黃，蛋味濃郁。接下來是點心時間，先來招牌雪影叉燒包(大點$36)，包皮厚薄適中，叉燒餡不會太鹹，水準之作。點台式胡椒餅(大點$36)是要懷緬一下當日窩夫與蝦子餅同遊台北饒河街夜市的時光。懷舊水晶鮮蝦餃(特點$40)一籠有五隻

一大班人食飯要諗食乜同埋臨時book位都幾煩，table map其實都幫到大家手。今次就食小妹好喜歡嘅台灣菜，圓山想試好耐，但少人又係試唔多，六至八個就係一個好好的配搭。前菜：台式四拼 ，小妹淺嚐了鹽水雞同蠔油生腸，味道偏清，但ok的。 台式鹽酥豆腐 ，好味，外表酥脆，內心細滑。涼拌茄子，小妹唔食，但飯腳話not bad。粉麵類：台南擔仔麵，湯底少油，去油後但味道其實幾清甜。麵質有咬感，肉燥當然good。台式燥肉飯，無肥膏點會好味，少少肥膏先夠香滑呢。 主菜：台灣炒A菜，爽。 紅糟豬手，煙煙靱靱，滑滑的，好強骨膠原呢。 秘制麻油雞湯，果然唔少嘢，雞味麻油味並存。 蚵仔煎，蚵仔配香䓤，香口。 甜品：即撞豆腐花，豆味重，清新。 擂沙湯丸，芝麻香濃，薑味重。 棗茸糕，I don't know。

久聞圓山台灣料理的大名，但不知怎的往往覓食時都想不起這裡。原本約朋友在此聚餐，查閱開飯了的食評時，看到一道烏魚子的下酒菜，想起老公很愛吃。所以便約老公先來試菜，撞正是日為賽馬日，媽媽獨自一人吃飯，故把媽媽請來一起吃個夠。翻閱餐牌前，看到有幾個套餐可供選擇，由於我是偏食怪，所以本身較經濟及已算豐富的二人餐並不適合我。反而看到一個龍蝦飽魚餐，有好幾道菜如三杯雞﹑炒A菜﹑鹽水鴨等本身想試，所以看價錢不算太貴就決定點了。然後翻開餐牌，當然要點這晚的主角台灣空運烏魚子啦！揭下揭下又點了鹽酥雞﹑台式蒜燒香腸，還有蛋黃肉。套餐已包了擔仔麵或肉燥飯，每樣點了一客，我再加點滷肉飯，菜未到已感到好豐富呢！這裡地方未算好大，不過我沒留意樓上是否有另一層。樓底不高，所以聲音困在飯店內顯得很嘈吵。飯店裝潢很老派，不過店內客人大部份都是下班後的上班族。枱與枱之間未算很多空位，但坐得尚算舒服，不會碰到鄰枱。樓面人手不算多，店員動作算快，只是其中一位阿姐有點矇，永遠都記不到哪枱要吉碗﹑哪枱少了茶壺，不過尚算有禮。在我們快吃光餐前小吃青瓜時，點的餸菜來了！套餐食物包括：老火例湯兩盅~應該是紅蘿蔔豬肉雪梨湯，看到有紅蘿蔔