夢樂園 (Closed)

一直都好想到訪下貓Cafe，某日喺尖沙咀北京道經過見到夢樂園樓下嘅易拉架，於是乎就約咗愛貓之人一齊去尋夢一番。一開門就有貓貓好親切咁迎接我哋。呢度總共有四隻貓貓，可能佢哋都習慣咗見人，所以一啲都唔怕醜。呢度嘅餐牌全部都係貓貓嘅設計，暫停供應嘅菜式都係用貓貓貼紙遮住，真係好得意。店員送上食物之後，貓貓都忍唔住走過來想同我哋分享。我哋點咗風酥黑毛豬排骨配白飯，酥炸排骨肥膏唔多，雖然偏瘦但肉質仍然嫩滑，絕對值得一讚。家鄉黑毛豬肉燥拌稻庭烏冬嘅醬汁收藏喺烏冬之下，將整份烏冬、肉燥同蔥花一齊拌勻之後，就成為咗好美味嘅肉燥拌烏冬。 加$6就可以有一份小食，我哋就揀咗台灣腸，呢個價錢確係抵食。花枝丸夠晒真材實料，將花枝丸切開一半炸，然後灑上點點椒鹽，非常惹味。芋頭沙奶茶有啲似一杯奶昔，入面有點冰沙，香芋味亦都夠香。荔枝梳打味道清甜，夏天飲番杯真係透心涼。

總括而言覺得呢一間店舖真係會再去食！因為嗰度嘅店員服務態度真係非常之好🥰佢哋唔記得咗走芫荽 之後再特登入去整個俾我🙈搞到我真係唔係好好意思～ 同埋啲貓貓真係好可愛😻😻😻❤️❤️❤️嗰度嘅口水雞我認為係最值得推介！因為口水雞嘅雞肉非常之滑 同埋有好多件雞！而且啲雞件仲要係冇骨嘅 每一次食落好每一啖都好滿足😻😻😻同埋對於好中意食川菜嘅我尼講 真係恩物尼㗎❤️❤️而佢嗰個自製嘅冬瓜茶亦都非常之特別 喺出邊未試過嘅味道🙈但係我覺得有少少甜 如果下次再去我應該會揀少甜🙈🙈同埋最後佢嗰個黑豚肉真係非常之好食！！好有豬肉味 非常之濃郁 烏冬亦都非常之彈牙 醬汁亦都好好食！非常鼓勵大家去食最後係 我會再帶朋友去呢一間餐廳度玩貓貓😚😚

這星期六來到一間樓上台式食店午餐，呢間小店夢樂園感覺舒適，適合同朋友一齊傾吓計輕鬆一下。以上餐牌好有趣，右上角寫住內有純貓可摸。的確，裏面我哋見到兩隻好得意嘅貓咪店裏面牆壁上邊都有唔同嘅壁畫，感覺好輕鬆開心，見到兩隻貓咪在店內做嗎店員，佢地一定吸引到唔少熟客我哋點左兩個午餐，有主食、小食，飲品。家鄉黑豬肉燥拌稻庭烏冬：面頭有勁多蔥，滿滿清翠嘅感覺，撈勻之後食好好味！爽口嘅香蔥伴上醬汁令烏冬都好入味風酥豬扒飯：煎得好香口，薄嘅炸衣包住豬扒，味道鹹香，亦冇太大油膩嘅感覺，點埋蔥油配合白飯一齊食好好味。黑白雲耳仔：麻辣嘅醬汁伴住雲耳好好味，雲耳爽口，兩隻顏色嘅雲耳配合埋一齊賣相都幾靚。台灣腸：在台灣夜市必點嘅小吃，食落去充滿懷念嘅感覺飲品我哋再點冬瓜茶以及肧芽奶茶。這間餐廳我們也幾喜歡，食完走咗之後都掛住得意嘅貓仔🐱🐱

呢間小店係我一個朋友介紹的 老實講小店位置唔差 但因為唔係地鋪好容易錯過 我朋友好中意猫 小店內有兩隻好可愛的小猫 小貓好純唔怕陌生 同小猫玩到唔捨得走小店係2樓 一出lift 門就會見到佢地既牌 寫住是日推介（沸騰魚烏冬同口水雞） 見到門口既是日推介 所以一於試試佢入到門內就會見到兩隻好可愛既小猫 同好靚既背景牆 打卡熱點😆中午時間叫左兩個午餐 兩個餐既飯我哋都轉左佢是日推介-沸騰魚烏冬1: 口水雞配烏冬 唔係誇張 佢既烏冬湯好鮮 口水雞係無骨而且辣味可接受 我本人真係好中意食口水雞去骨 可以享受啖啖肉 正2: 黑毛豬魯肉飯-飯轉烏冬 黑毛豬同魯肉都好多 同樣地好入味 都係每一啖都係肉 跟餐有兩個小食 分別叫咗餃子同埋台灣腸 餃子係爆汁香脆 而台灣腸就正正常常 最後叫左蜜桃烏龍茶同埋荔枝梳打 嘢飲都係中規中矩但係呢一餐係好抵食 人均$100左右就可以食到咁高質嘅 台灣野同四川野 仲有可愛嘅小貓可以玩 如果你係一個愛貓之人 我強烈建議你去試吓呢間小店包你有驚喜

同朋友本來去買美甲用品,買完之後大家都有啲肚餓🤣見到係樓下有間夢樂園,個招牌見到有貓貓相片即刻俾佢吸引咗😍而且午餐都好抵食所以決定去試吓!食物質素真心唔錯😋而且老闆娘好Nice又好傾👍下次一定會再嚟食野,仲有貓貓陪你食陪你挽!喺度食野真係好開心!好可愛嘅貓店長😍見到個心已溶化!同老闆娘傾偈先知原來牆上面啲畫係佢一手一腳親手畫,真係好用心而且畫得真係好靚😍紅鳳凰口水雞⭐️口水雞肉質鮮嫩而且辣度啱啱好超過癮,而且雞件係無骨,白飯係珍珠米食落煙煙韌韌好味十分推介😋家鄉黑毛豬肉燥拌稻庭烏冬⭐️烏冬軟硬適中加埋肉操一齊食口感更加豐富😋醬汁味道鹹鹹甜甜好鐘意!胡麻萵筍⭐️淨係食過抄萵筍🤣未試過涷食原來口感更爽脆清甜!台灣腸⭐️煎都表面外脆內軟,味道不錯!荔枝紅茶⭐️巨峰乳酸梳打⭐️