Sweets House Cha Cha

Open Now

Now Closed

好耐之前已經聽過人話呢間d抹茶甜品好好食，呢日放工經過海港城又有d肚餓，於是專登去買嚟食。既然抹茶最出名，當然要由抹茶嘅甜點試起。間店分為三部分，一間賣雪糕，一間賣泡芙，一間賣大判燒。落咗單要去收銀台俾錢先。海港城好多遊客，所以可能要排隊等一陣，去雪糕嗰邊俾八達通就快啲。呢日買咗個抹茶吉士紅豆大判燒，拎上手暖但唔熱。入面嘅抹茶吉士好幼滑好有茶味，唔會太甜，不過我覺得唔係好夠紅豆，對嗜甜嘅我嚟講有啲不足。可能因為我嗰日一路食一路喺街上行去搭車，所以有啲食而不知其味。幾日後自己一個放工又肚餓，於是諗住再去買大判燒同泡芙做晚餐。晚餐只食甜品怪怪地，於是買咗個芝士火腿大判燒。拎上手仲係熱辣辣！咬第一啖未啖到入心，再咬就食到好香濃拉到絲嘅芝士！大判燒個皮仲加咗黑椒，食落更加惹味！火腿就食唔出特別，不過成個配搭都好match！食完晚餐再買多個甜品：吉士泡芙！唔同大判燒，泡芙拎上手凍嘅，咬落口個皮幾脆，入面注滿用云尼拿籽做嘅吉士，香甜幼滑，加埋脆脆嘅泡芙皮，口感好match！試咗三個產品，覺得泡芙係最好食嘅，下次要再試抹茶泡芙！

手術後傷口隱隱作痛，今日拆開黏著傷口的紗布，當下更是疼痛難當，想氹自己開心，雖然明知道沒科學根據，只是心理作用居多，但還是決定跑去吃甜食止痛。吃什麼好呢？我選擇去找我心目中的no.1。久別重逢的cha cha，由以前一個小小的專櫃(當時品牌仍然叫「菓匠茶屋」)，現在鋪位擴充至原本「玄拉麵」的位置，產品亦變得比以往更多元化，除了軟雪糕，也賣泡芙和大判燒。軟雪糕最基本有3個味道，分別是牛奶、宇治抹茶、宇治抹茶牛奶軟雪糕，貪心的人可以選宇治抹茶牛奶，一次同時得到兩種滿足。作為軟雪糕，cha cha的最大賣點是日本特選3.6牛乳製成，所以軟雪糕質感份外香甜濃滑，不過由於奶味濃烈，會有點把抹茶味蓋過的感覺。如果是抹茶迷，還是單純叫抹茶味會更好，更能專心感受那份濃濃的茶香。另外，雪糕脆筒也相當有水準，威化筒很有質感，不會像一陣風一樣的紙威化，而且一路脆到底，還夾著蛋香和牛油香。本來是打算吃完軟雪糕便走，但眼睛很快又被新產品所吸引，說的正正是他們的泡芙。之前見過在對面的麵包店Little Mermaid Bakery也有代售，此店現正裝修休業中。泡芙有吉士、抹茶、特濃朱古力3種味道，個個拳頭大，膨脹