十兄弟車仔麵 (Closed)

今日啱啱喺灣仔有事情要做，忙完之後都晚上八點幾啦，於是就喺附近搵咗間車仔麵店食呢間麵舖可以用qr code自助點餐，而且唔想食麵嘅人亦都可以轉蔬菜底🥬<自選車仔麵> $64(米線|腩汁|柱侯牛坑腩|鮮蝦韭菜餃|鮮蝦雲吞)米線煮得剛好，唔會好硬身亦都唔會太軟淋，牛坑腩尚算入味；兩款餃子&雲吞各有千秋，不過更喜愛鮮蝦韭菜餃，因為除咗鮮蝦之外仲帶有韭菜嘅香味，腩汁唔會搶咗原本配料的味道， 食到原汁原味，凍豆漿不太甜幾好<呢碗唔野少> $75(烏冬|咖哩汁|香辣玻璃魷魚|鮑汁魚肚|日本珍寶蟹柳|蠔皇紅燒鮑魚(兩隻)|順德魚腐)呢碗麵個名幾特別🤣配料份量真喺唔野少！咖哩汁香濃，烏冬彈牙，成碗麵共有五樣配料，其中最特別嘅梗喺紅燒鮑魚😎我都估唔到車仔麵有鮑魚可以食～鮑魚口感入味得黎有咬口，至於其他配料方面，玻璃魷魚爽口，隱約帶少許辣味；鮑汁魚肚口感偏軟身，吸曬啲湯汁

朋友一向都鍾意食車仔麵，今次係佢公司附近試下呢間車仔麵店，位置好方便呢碗唔野少 $75呢碗真係唔簡單，揀左菠菜麵底，配上玻璃魷魚、鮑汁魚肚、蠔皇紅燒鮑魚（兩隻）、仲有日本珍寶蟹柳！鮑魚彈牙入味，配上腩汁湯底，味道恰到好處！第一次見識到鮑魚同車仔麵嘅配搭，可以試一試柱侯牛四寶 $65呢款揀咗滷水汁，配上最鍾意嘅油麵！配料方面則以牛為主題，有牛孖筋、牛骨濃汁牛丸、柱侯牛肮腩同五香金錢肚! 牛丸真係好香同爽口彈牙；金錢肚入味冧身！總結：多款配料選擇，岩曬車仔麵愛好者

有時想求求其食一餐, 就會諗起嗱渣麵😎而間係灣仔既嗱渣麵, lunch time好多人排隊今日就試下佢嗱唔嗱渣🤪🤪🤪♦️呢碗唔野少 ($75)餸: 蠔油冬菇, 鮑汁魚肚, 香辣魷魚, 紅燒鮑魚, 蟹柳車仔麵有鮑魚魚肚食, 真係好高級😂😂鮑魚有兩粒✌🏻炆得好入味而且煙韌~魚肚好厚身而且爽口, 仲索曬湯汁😝蟹柳唔係平時d cheap蟹柳, 唔錯~轉左菠菜麵, 麵質同油麵幾似, 但感覺會健康d🤣♦️食神嗱渣麵 ($49)餸: 醬爆瀨尿牛丸, 豬紅, 蘿蔔, 鮑汁魚肚, 香辣魷魚豬紅無一夾就散, 蘿蔔無渣, 魷魚爽口最正係粒牛丸, 真係爆曬醬, 一D都唔嗱渣🤪中意食嗱渣麵既你, 而間都唔錯但有接近50款餸選擇, 有選擇困難症既可以學760小姐咁叫😝評分: ⭐️⭐️⭐️

灣仔除咗碼頭，仲有車仔麵嘅行係冇咩嘢行，但貼地嘅美食就唔少其中呢間車仔麵，帶畀大胃雜錦小食新食法車仔麵最令人苦惱嘅事，就係要揀餸，唔想煩唔想諗嘅，嗌佢啲組合麵就一天光晒，通常最招牌嘅都喺裡面大胃想食晒十兄弟，有紅腸、香炸魚蓉燒賣、炸雲吞、蜜汁台灣香腸、墨魚腐皮卷、魚皮餃、順德魚腐、魚片頭、芝士腸同香炸豬頸肉炸物如燒賣同雲吞，放喺湯度都仲脆口，平時啲車仔麵都食唔到腐皮卷同順德魚腐果然係皇牌推介，彈牙又有魚香台灣腸嘅質感好一流，肥瘦肉都有，係好少食到嘅一種腸呢間都有唔同醬汁嘅鮑魚賣，最平加$9已經有粒紅燒鮑魚，入味又夠彈性，呢個性價比，美食展都未必食唔到唔想食十兄弟咁多嘅，嗌碗唔惹小都有幾樣猛料有蠔油冬菇、香辣玻璃魷、鮑汁魚肚、日本珍餐蟹柳同蠔皇原隻鮑魚仔呢碗鮑魚都有兩隻，絕對係又抵又豪鮑汁魚肚超厚身，咬落綿綿超滿足