Video
2-min walk from Exit B2, Wan Chai MTR Station
continue reading
Introduction
This popular cart noodles restaurant offers a lot of ingredients for you to select. Besides, it serves noodles with fixed ingredients. Among them, the beef tendon is a popular item. It is slow cooked for 48 hours, which is tender and has a wonderful taste.
continue reading
Opening Hours
Mon - Sun
11:30 - 20:30
Above information is for reference only. Please check details with the restaurant.
好耐冇食過地道車仔麵，經過灣仔見到佢個黃色招牌好搶眼，決定入去試試(旁邊係超人氣新景園咖喱小廚)▶️ 自選車仔麵三餸一麵起，有多款配料選擇揀咗勁腍牛孖筋 ($16)、醉雞捲 ($14)、蠔油冬菇 ($12)配波菜麵底 ($15)牛孖筋係皇牌必食推介，見隔離個遊客都叫，冇理由唔試㗎😆一碗有成5-6大條，有啲質感硬啲，有啲就好腍，冇上次「讚好台灣」嗰個咁黏同似啫喱，不過滷得夠入味個人鍾意結實啲嗰啲，食落更有質感，腍嗰啲似食緊肥膏，的確幾值得點醉雞捲有兩件，外表看似普通，味道卻有驚喜浸起湯底入邊依然保持酒香味，咬落仲啖啖肉，只係鞋身咗少少🐔蠔油冬菇相對冇咁出色，一碗有五粒，size偏細，🍄欠缺香菇味，同埋唔太juicy，質感比較實，唔建議叫清湯味道已經好濃，食完都幾口渴😛推介叫多蔥去增添口味👍🏻某程度上係為咗佢個菠菜麵而來，冇令我失望，質感有啲似拉麵加蛋麵而唔係蝦子麵，少少彈牙，浸內阻湯唔會爛雖然冇菠菜味，但係會見到面入邊有啲斬碎咗嘅菜🥬感覺健康啲-以車仔麵來講，水準唔錯環境企理唔污糟晏晝嚟到多人，本身要搭枱，好在咁啱有枱客食完走咗，先搬咗去卡位坐服務好，啲姐姐好有人情味，見我哋搬枱即刻過嚟幫我哋收拾清潔☺️完全冇面色，見到外國遊客又會攞個英文餐牌同佢哋介紹性價比高，冇收加一，我呢個三餸車仔麵唔使$60，份量合理食完仲可以儲印仔，儲夠三個已經可以下次換一杯免費豆漿~
continue reading
14 蚊得一條墨魚腐皮卷 搵笨 質素係佳寶賣嗰啲質素。。仲要外賣設計好差 通常分湯都係上面擺麵下面係湯 但佢啱啱相反 上層容器較淺 會容易啲倒瀉湯攞外賣嗰陣 成日啲湯都已經灑晒落個膠袋度 拎到返去食嗰陣 裝湯嘅容器cup 實喺碗麵上面，拎碗湯出嚟嗰陣好容易彈到自己味道還可以 豬軟骨同咖哩豬皮都幾好食 但唔同餸嘅性價比唔一樣
continue reading
今日做完運動 朋友仔話想食車仔麵 咁就去咗附近一間叫十兄弟車仔麵試吓我哋各自叫咗一個自選車仔麵 一個招牌八寶麵加可樂先唔講食物質素好唔好 大家可以睇吓圖片呢一嚿係乜嘢原來呢度就係招牌八寶麵其中一個餸牛坑腩 嘩嘩嘩 真係唔講唔知 呢個餸仲係皇牌必食推介 差啲以為廚房俾咗嚿煲湯瘦肉我 定係知我最近減肥所以要食清淡啲？好老實屋企人煲湯落個嚿肉都好過你講返碗八寶麵 魚蛋都係一個亮點 陳皮味好淡 魚蛋實的的 豬皮好細塊 湯底唔夠熱 唯一合格係白蘿蔔 食落幾清甜 但肉眼睇仲有渣另外我個自選麵 雞腎偏硬 豬軟骨細嚿同散 咖哩牛栢葉夠入味 滷水汁湯底同米粉好夾香港餐廳成日話租金貴 成本高 又話香港人鍾意北上消費同旅遊 埋怨之前 諗吓你嘅食物能唔能夠留得住班客 食完會唔會再返黎食 而唔係求其餵飽個客就可以得過且過
continue reading
車仔麵是好多香港人的心頭好 亦是香港傳統街邊美食之一 車仔麵可以根據個人喜好 自由配搭不同的種類的配料 車仔麵精粹在於配料 麵底 醬汁在灣仔附近工作完 經過春園街 見到呢間小店有車仔麵 又沒有長長的人龍 決定試一試招牌八寶麵有八種配料 好適合想試多幾樣配料的我 配料有柱侯牛腩 滷水豬大腸 豬紅 咖喱豬皮 蘿蔔 陳皮魚蛋 粟米 雲耳配料整體比較普通 沒有令人特別驚喜的感覺 大部分配料都正正常常 蘿蔔比較出色 無渣又清甜麵底同醬汁都普通 可以再濃味一些 但飲完不會有口渴的問題
continue reading
睇到好人like去試吓，點知又貴又唔好食👎🏽材料正常味道，但自家製辣醬，冇陣次得（死辣）差過超市辣醬，令到碗麵唔覺係食緊車仔麵，麵還麵，湯還湯，餸還餸，辣醬還辣醬，叫幾個餸已經成100蚊，宜家好多車仔麵都有奶茶咖嘛，呢間又冇，只得汽水同豆漿，諗唔到咩原因會再想去，冇吸引力，唔會再去。真係唔明點解咁多人likes🤔😏。如果見到就唔駛黎，順路又唔睇價錢就自己諗吓食唔食，因為格離左右都好多選擇。
continue reading