十兄弟車仔麵 (Closed)

好耐冇食過地道車仔麵，經過灣仔見到佢個黃色招牌好搶眼，決定入去試試(旁邊係超人氣新景園咖喱小廚)▶️ 自選車仔麵三餸一麵起，有多款配料選擇揀咗勁腍牛孖筋 ($16)、醉雞捲 ($14)、蠔油冬菇 ($12)配波菜麵底 ($15)牛孖筋係皇牌必食推介，見隔離個遊客都叫，冇理由唔試㗎😆一碗有成5-6大條，有啲質感硬啲，有啲就好腍，冇上次「讚好台灣」嗰個咁黏同似啫喱，不過滷得夠入味個人鍾意結實啲嗰啲，食落更有質感，腍嗰啲似食緊肥膏，的確幾值得點醉雞捲有兩件，外表看似普通，味道卻有驚喜浸起湯底入邊依然保持酒香味，咬落仲啖啖肉，只係鞋身咗少少🐔蠔油冬菇相對冇咁出色，一碗有五粒，size偏細，🍄欠缺香菇味，同埋唔太juicy，質感比較實，唔建議叫清湯味道已經好濃，食完都幾口渴😛推介叫多蔥去增添口味👍🏻某程度上係為咗佢個菠菜麵而來，冇令我失望，質感有啲似拉麵加蛋麵而唔係蝦子麵，少少彈牙，浸內阻湯唔會爛雖然冇菠菜味，但係會見到面入邊有啲斬碎咗嘅菜🥬感覺健康啲-以車仔麵來講，水準唔錯環境企理唔污糟晏晝嚟到多人，本身要搭枱，好在咁啱有枱客食完走咗，先搬咗去卡位坐服務好，啲姐姐好有人情味，見我哋搬枱即刻過嚟幫

14 蚊得一條墨魚腐皮卷 搵笨 質素係佳寶賣嗰啲質素。。仲要外賣設計好差 通常分湯都係上面擺麵下面係湯 但佢啱啱相反 上層容器較淺 會容易啲倒瀉湯攞外賣嗰陣 成日啲湯都已經灑晒落個膠袋度 拎到返去食嗰陣 裝湯嘅容器cup 實喺碗麵上面，拎碗湯出嚟嗰陣好容易彈到自己味道還可以 豬軟骨同咖哩豬皮都幾好食 但唔同餸嘅性價比唔一樣

今日做完運動 朋友仔話想食車仔麵 咁就去咗附近一間叫十兄弟車仔麵試吓我哋各自叫咗一個自選車仔麵 一個招牌八寶麵加可樂先唔講食物質素好唔好 大家可以睇吓圖片呢一嚿係乜嘢原來呢度就係招牌八寶麵其中一個餸牛坑腩 嘩嘩嘩 真係唔講唔知 呢個餸仲係皇牌必食推介 差啲以為廚房俾咗嚿煲湯瘦肉我 定係知我最近減肥所以要食清淡啲？好老實屋企人煲湯落個嚿肉都好過你講返碗八寶麵 魚蛋都係一個亮點 陳皮味好淡 魚蛋實的的 豬皮好細塊 湯底唔夠熱 唯一合格係白蘿蔔 食落幾清甜 但肉眼睇仲有渣另外我個自選麵 雞腎偏硬 豬軟骨細嚿同散 咖哩牛栢葉夠入味 滷水汁湯底同米粉好夾香港餐廳成日話租金貴 成本高 又話香港人鍾意北上消費同旅遊 埋怨之前 諗吓你嘅食物能唔能夠留得住班客 食完會唔會再返黎食 而唔係求其餵飽個客就可以得過且過

車仔麵是好多香港人的心頭好 亦是香港傳統街邊美食之一 車仔麵可以根據個人喜好 自由配搭不同的種類的配料 車仔麵精粹在於配料 麵底 醬汁在灣仔附近工作完 經過春園街 見到呢間小店有車仔麵 又沒有長長的人龍 決定試一試招牌八寶麵有八種配料 好適合想試多幾樣配料的我 配料有柱侯牛腩 滷水豬大腸 豬紅 咖喱豬皮 蘿蔔 陳皮魚蛋 粟米 雲耳配料整體比較普通 沒有令人特別驚喜的感覺 大部分配料都正正常常 蘿蔔比較出色 無渣又清甜麵底同醬汁都普通 可以再濃味一些 但飲完不會有口渴的問題

睇到好人like去試吓，點知又貴又唔好食👎🏽材料正常味道，但自家製辣醬，冇陣次得（死辣）差過超市辣醬，令到碗麵唔覺係食緊車仔麵，麵還麵，湯還湯，餸還餸，辣醬還辣醬，叫幾個餸已經成100蚊，宜家好多車仔麵都有奶茶咖嘛，呢間又冇，只得汽水同豆漿，諗唔到咩原因會再想去，冇吸引力，唔會再去。真係唔明點解咁多人likes🤔😏。如果見到就唔駛黎，順路又唔睇價錢就自己諗吓食唔食，因為格離左右都好多選擇。

車仔麵又名為嗱喳麵，最有印象就係周星馳係《食神》評火雞姐碗車仔麵的評價﹕「好好地一粒咖喱魚蛋，既無魚味又無咖喱味，失敗！蘿蔔無揀過，太多渣，失敗！豬皮煮得太淋，無彈性，失敗！豬紅一夾就散，失敗中的失敗！」雖然只係一碗下價港式粉麵，但近呢十年車仔麵越做越認真。有唔少朋友見我評緊米線，幾時輪到車仔麵。盛情難卻之下，不如我就「嗱嗱喳喳」咁評下坊間比較出名的車仔麵店。評車仔麵其實主要分三部份，第一係湯底，第二係餸菜配料，而最後就係有無創意特色。第一間要評就係係灣仔都幾受打工仔歡迎的十兄弟車仔麵。<湯底>碗麵黎到已經覺得唔係好對路，湯底色水好淺色，仲要填加多腩汁，另外呢度話自己辣椒醬出名，亦填左加中辣，不過只係俾左一啖辣椒醬係匙羹，放完湯到基本上感受唔到咩辣度。湯底飲落去飲唔到腩汁的味道，只係相對普通的湯頭，唔算濃郁又唔夠清甜。<餸菜配料>呢方面的選擇都幾多，係文字描述上面都幾有特色，於是今次叫左呢度出名的豬軟骨、香辣玻璃魷魚、五香金錢肚、牛坑腩同埋陳皮魚蛋。呢度每款配料大約$12至$17蚊，屬於偏中上價格，所以我要求應該會更加高。香辣玻璃魷魚 - 基本上係無香辣

OpenRice 外賣落單寫到明要走蔥走豬皮，到番到屋企打開見到豬皮就識走，蔥就照落，師傅睇字唔識睇晒全部嘅咩？都已經唔係忙，店舖目測堂食都只不過得幾枱客，難道係太得閒仲夢遊緊？預咗D道德X會話：體諒下喇～師傅可能一時落錯手啫⋯⋯之類，如果佢豬皮都冇走嘅話，我會當佢係睇唔到我寫嘅備註，但佢走一樣唔走一樣係咩意思？仲有，白紙黑字寫到明，仲要我去包容佢？D肉又乾又柴完全唔知食緊乜，雖然係灣仔星期日好多店舖都會休息，但尼間係唔會再幫襯。

星期日假期早上11點幾落到灣仔食個車仔麵醫下肚先，店舖剛開門營業，時間尚早只得我們一枱客。店鋪內清潔乾淨又光猛坐得幾舒服，點餐都是掃QRcode 落單😆灣仔區加上推介鮑魚，價錢比一般的稍貴😅我點了波菜麵、鮑魚（1隻）、玻璃魷魚、牛筋加秘製辣汁波菜麵彈口麵質爽滑，但無波菜味😅鮑魚16蚊一隻，細細粒半個湯匙大小，但淋滑入口鮮甜，似罐頭鮑魚玻璃魷魚爽口易咬，有辣汁點綴，辣辣爽爽味道不錯。牛筋炆得入味淋滑可口，我比較鍾意食淋牛筋，所以覺得好味陳皮魚蛋加上辣汁，彈牙有陳皮魚香秘製辣汁加上湯底食完唔口渴也不錯，只是份量比較少點😅另點了清湯底出前一丁麵配魚皮餃、鮮蝦雲吞、牛坑腩。牛坑腩炆得入味，鮮甜美味😀魚皮餃、鮮蝦雲吞正正常常。加一支凍豆漿，是公和牌豆漿，無乜特別。總括環境光潔乾淨，食物食完唔口渴味精唔重，但份量比較少價錢比較貴，唔可以做糧尾恩物🤣🤣

香港探店 | 真的超好吃车仔面，绝对回头客❗❗是谁还不知道十兄弟车仔面，就是趁着下班特意过来这边吃的，🍃每次我只要心情不好就会来吃这个，吃完美食果然很管用，很喜欢店里的环境，干净舒适但又有着烟花气息，在这里用餐就是让人非常愉快✨之前喜欢和小姐妹一起过来品尝，现在一个人我也是要冲的美食，真的强烈推荐你们去感受一下～1️⃣ 最豪十兄弟不愧是叫最豪十兄弟，里面的用料确实是很充足的，里面有河粉🦋、炸雲吞、香炸魚蓉燒賣、魚片頭、魚皮餃、芝士腸、紅腸、順德魚腐、🐟墨魚腐皮卷，这么满满一大碗就问你谁能拒绝，有荤有素搭配的好棒～我超级喜欢吃里面的红肠和炸云吞，红肠吃起来非常有嚼劲，🍉而且真的是纯肉制作的，不含淀粉哦，炸出来的云吞还是第一次品尝呢，没想到这么酥脆，里面又比较软烂，有很大多肉肉🥩河粉要我比我平常吃的更加有嚼劲一点，就是很劲道QQ弹弹的，✨搭配这些配菜那叫一个鲜美，让人回味无穷2️⃣招牌八寶麵这个是他们家的招牌八宝面哦，🤍我每次过来也是会吃的，味道老好了，里面是河粉和牛腩，还加入了一些配菜有香辣陳皮魚蛋、清甜蘿蔔、粟米🍧、雲耳、勁牛孖筋，💖别说还是挺丰富的，一口下去超满足，份量也多，绝对能干饱别说这

第一次光顧這間車仔麵店。入去的時候，門口的透明膠簾不知怎樣打開，店內員工看見我入唔到來沒有反應。隔了一陣才走過來施施然打開給我進入。店內冇人，之後坐低用二維碼點菜，運作上不太明白，問店員，店員在玩電話，用極度冷漠和完全好像機械人的面部表情說我沒有點湯底，所以點唔到。跟住我揀了湯底，然後仍然有少少不明白的地方，但已經不敢問他，因為他的氣場好像是一個訓導主任。但之後鼓起勇氣再問他，他很不耐煩地在我手機螢幕上撳了幾下，然後說點了。當時心諗，這間餐廳我永遠不會光顧。之後車仔麵到了，牛腩十分之韌 ，唔識煮餸嘅都唔會煮牛腩煮到咁韌，另外湯底近乎冇味，現場枱面沒有醬料提供給客人使用。我心諗我今日中伏了！這間餐廳你用支槍再指住我，我都唔會再來！

食物ok服務態度好差。。有一位收銀的姐姐唔係幾好禮貌。。。。口黑面黑，同其他食客吹水爆哂粗，嘈到耳嗚咁滯，係好食，不過冇下次。其實食物各方面都唔錯，車仔麵ok.不過小食細碟，但貼錢買難受😣，反正灣仔大把野食，反正佢哋又唔太休做🫢。。。。

上網見到好多人推介 車仔麵嚟講貴咗啲 OpenRice訂購有九折後都要$99 味道好失望 又唔抵食 🙈 外賣雖然加$2 但係設計有誠意 分湯 用錫紙保溫攞外賣嗰陣時睇環境都不錯 服務就差啲 我攞外賣嗰陣時講唔該 店員仲黑面 直接有啲大力將外賣放喺枱自己拎 搞到辣椒油倒瀉晒 成個外賣袋污糟晒 唔知係咪啱啱俾人鬧完呢 😅🍜 柱侯牛四寶 openrice優惠價 HKD$61 (原價 HKD$68)餐牌上邊標注推介鮮制油面所以就試吓 🍜 但係口感好似意粉 🍝 外賣分湯 但麵質過淋腩汁湯底無味 🐄 唔知係咪一定要 +HKD$4 十兄弟濃湯先會有味中辣只係比辣椒油唔係喺個湯底入邊 🌶但係辣椒油個兜冇冚實全部倒瀉晒 🙈 搞到外賣盒好污糟五香金錢肚 算爽口但乜味特級濃汁牛筋丸 不錯但係唔覺得佢俾其他牛筋丸濃汁柱侯牛坑腩 好鞋唔淋勁淋牛孖筋 正常 唔係特別淋 亦都冇乜味🦑 香辣玻璃魷魚 openrice 優惠價 HKD$36 (原價 HKD$40)魷魚似白灼再加啲辣汁魷魚爽脆得來好似好生 仲有陣腥味 🙈辣汁唔香辣 似係白灼過嘅水無滰乾📍灣仔春園街地下16號舖 🇭🇰

同朋友係灣仔收工搵嘢食啦。上網就搵到呢間車仔麵好似幾出名下。食飯時間都有啲人流，不過唔洗排隊。入到都算企理乾淨，冷氣又夠，算舒服。咁坐低就掃QR code落單啦，每人叫一碗58蚊八寶麵。嚟到正正常常，但食落就知嚟料啦。唔知係咪因為佢地生意好，啲餸都唔係淋嘅，尤其係蘿蔔同豬皮。蘿蔔中間好硬、豬皮又好韌，完全唔好食。坐我地隔離有個姐姐，佢仲慘。個姐姐叫菜底，但啲菜心唔熟都係硬嘅。而且食食下佢碗嘢仲有一隻甲甴仔游緊水。講真你58蚊都唔可以話平啦。但啲食物質素同衛生咁樣真係好唔掂。服務更加不值一提，兩個人掃同一個QR code，臨尾係用八達通分單畀又好似唔多高興咁。要我地下次提早講。不過放心，絕對冇下次。

我今日21/4 12:18經OpenRice 落外賣order, 15分鐘後拎，系統係12:33 話有得拎，我12:45 落到去。店員竟然話未有，我問佢係咪漏單，佢又唔認。但最吊詭係俾我見到俾我遲落單no. 就竟然有得攞. 個金毛長髮收銀叫我出去門口等，聲稱張單到會嗌我拎。好，我又出去等。 我等等下等到一點都未有人嗌我。我因為食餐時間就完，入返去諗住叫個收銀cancel 張單返公司。佢老味，佢竟然話「個外賣咪係個度囉」。佢老味，佢之前又話通知我！？ 我先聽佢點出門口外面等！ 好，未完，我係嗌左個全素麵，照餐單應該有蘿蔔，但又無俾！ 呢間垃圾咁鍾意玩啲客，我唔會再幫襯！

其實比起其他車仔麵店舖，食物水準尚算高質。但實在希望多加注意食物衛生，我今日的外賣食物裏有6隻小蚊滋，上次有2隻小蚊滋，雖然好細隻，我都明白這些天氣會有很多飛蚊，但請注意廚房環境衛生，希望好好改善食物衛生，加油!