福岡漢堡扒 (厚福街) (Closed)

喺韓國已經超過30間分店，餐廳用嘅漢堡扒都係100%澳洲和牛製造，從用咗20幾種香料特製，仲可以自己DIY整和牛🐂，又食得又玩得，除咗石燒和牛仲有丼飯可以選擇，高溫嘅熱石足足有成380度，基本上幾秒已經食得🤩墨西哥漢堡扒味道好惹味，而且有少少辣，但係小編朋友喺個唔食得辣嘅都覺得唔係太辣，仲反而開胃啲😋芝士係必要嘅，而且味道啱晒重口味既人去食，一路燒和牛啲香味湧出嚟，非常之香🥹而且侍應好細心燒嘅過程都幫我哋換咗三次熱石板，避免黐底

去尖沙咀揾食一定會去厚福街，選擇又多又高質，今次就去咗人氣韓國石燒餐廳 — 福岡漢堡扒！每個位都有吸氣管，喺燒肉嘅時候將吸氣同石頭位置對準，吸氣位吸油煙力幾強，食完頭髮、衣物都唔會有太大浸燒肉味。落單可以自己scan QR code，我哋今次就叫咗個2人餐（$355），包兩款漢堡扒、一款飯、湯、沙律同飲品。芝士蛋蒜和牛漢堡扒，漢堡扒會整到係一個圓滾滾嘅波，造型得意，鐵板上面仲有拉絲芝士蛋。燒肉時，先用鏟以垂直方式切出適量嘅肉，再加湯匙輔助放上石板，稍微壓平，每面大概煎三秒，想食焦香啲，可以燒多五、六秒。芝士漢堡扒加上燒香蒜片，邪惡又好味！墨西哥辣椒和牛漢堡，鋪滿墨西哥辣椒粒，燒肉扒時記得拌入，呢款漢堡扒入口富肉香仲有椒香，口感更濕潤，刺激惹味，愛辣人士必試！和牛乒乒乓拌飯，齋食漢堡扒可以會太膩，配個飯就最好！香濃和牛肉、太陽蛋及沙律菜加特製韓式辣醬拌勻，口感豐富！巨峰提子特飲、西柚特飲（+$18）特飲杯好得意，容量超大，前者富提子香氣，檸檬片增加香氣同層次，後者酸甜兩種味道都幾濃，整體味道唔錯。

𝙜𝙤𝙩 𝙩𝙝𝙚 𝙝𝙖𝙢𝙗𝙖𝙜𝙚𝙪 𝙬𝙞𝙩𝙝 𝙥𝙞𝙣𝙚𝙖𝙥𝙥𝙡𝙚 𝙩𝙤𝙥 𝙪𝙥 𝙖𝙣𝙙 𝙞𝙩'𝙨 𝙨𝙪𝙧𝙥𝙧𝙞𝙨𝙞𝙣𝙜𝙡𝙮 𝙜𝙤𝙤𝙙! 𝙩𝙝𝙚 𝙢𝙚𝙖𝙩 𝙞𝙨 𝙟𝙪𝙞𝙘𝙮 𝙖𝙣𝙙 𝙨𝙖𝙫𝙤𝙧𝙮 𝙬𝙝𝙞𝙡𝙚 𝙩𝙝𝙚 𝙥𝙞𝙣𝙚𝙖𝙥𝙥𝙡𝙚 𝙞𝙨 𝙨𝙬𝙚𝙚𝙩 𝙖𝙣𝙙 𝙧𝙚𝙛𝙧𝙚𝙨𝙝𝙞𝙣𝙜. 𝙞𝙩'𝙨 𝙖𝙡𝙬𝙖𝙮𝙨 𝙣𝙞𝙘𝙚 𝙖𝙣𝙙 𝙛𝙪𝙣 𝙖𝙩 𝙖𝙣𝙙 𝙞'𝙡𝙡 𝙙𝙚𝙛𝙞𝙣𝙞𝙩𝙚𝙡𝙮 𝙘𝙤𝙢𝙚 𝙗𝙖𝙘𝙠 𝙨𝙤𝙤𝙣!.二訪呢間石燒和牛漢堡扒店，今次試咗菠蘿煙肉味，和牛依舊肉質嫩滑入口超軟稔，自己燒自己食，生熟程度可以自己控制，又可以煎得好香口，點燒汁食最夾！另外拌飯有好多牛肉碎同韓式辣醬撈埋好夠味，加埋生菜有口感又解膩，唔想食漢堡扒嘅可以試下～