和牛燒肉‧純 (Moved) New Location

人數：六人時間：星期五晚8pm 訂了枱，不用等。<< 食物 >>🍽 和牛拼盤：雖然我地燒得熟咗啲 (約九成熟)，但幾款肉都好嫩。🐙 海鮮石鍋飯🐮 牛肉烏冬🐚 海鮮餅：如有汁點會好啲。🐟 三文魚沙律 ($88)：有約五片三文魚，整體份量略少。以六人黎講，算叫得少。食唔飽但食物貴唔想再叫。人圴消費$220。<< 服務 >>上菜速度快。一去到點完菜要我地叫先俾茶，但之後主動加茶。<< 環境 >>地方唔大，得五張4-8人大枱。都闊落唔會好貼隔離枱。我地到達時，有兩個人冇訂枱要坐bar枱。<< 總結 >>食物好味但價錢偏貴。以此價錢到別處可能可以吃到更好的。服務，環境正常。

一直只係喺日本食神戸牛、松阪牛等等，今次終於同好朋友喺香港初嘗真正嘅和牛（今次係近排熱門嘅飛騨牛）。 訂了名為「飛騨和牛焼肉會席」，份量絕對足夠（二人前）。1）先來前菜三少格，其中沙律醬炸蝦非常熱又好吃（如果挑起蝦腸會更覺貼心）。2）上來一大碟和牛拼盤（有肉眼、牛排肉，豚眼、牛舌，還有各兩少粒嘅冬菇粟米青椒），肉眼和牛排都是A5的，軽焼熟兩邊面已等唔切放落囗，完全唔洗咬咁溶掉了，肉汁肥美，文字不能形容，牛舌同豚眼肉（其實質素唔差）完全比下去了。3）牛排肉味噌焼，專人幫你喺小火爐仔焼，另一個感覺，味噌非常濃郁，菇仔亦好吃，不過有少許渣，有點可惜。4）和牛沙律，不要睇少佢，份量大，蔬菜新鮮，最重要嘅和式沙律汁好啱我心意。5）南瓜湯，杯裝，非常熱，濃郁又幼滑。6）鷄蛋湯飯，少碗，清新。7）甜品，紅豆雪糕，簡單一球，紅豆粒不算多。