和牛燒肉一郎 (百誠大廈)

Open Now

Now Closed

餐廳主打和牛，配合智能化「燒肉新幹線」，火速送上食物。放題套餐有A至F餐，都是逐層遞增的肉食，選擇既集中又豐富。若以燒肉為主食，個人建議選擇D餐或以上；若為自助吧或其他肉食，則沒有太大差異。 一開始，店員將特選和牛奉上。再用和牛肥脂開鑊，更為食客燒製和牛西冷。 除了和牛之外，自助吧的昆布胡椒湯，以及落單的蛋花湯都令人為之一振。相反，酒精類別有點比下去。 星期五人流不算太多，座位安排可提升空間。加上星期五竟然沒有薯仔沙律，比較失望。是日為歡送我方的職工代表，一路好走。ಥ_ಥ

今日係個特別日子4月4號兒童節，話說早前我哋兩個大細路未安排到時間去旅行，係香港生活得咁苦悶，所以呢一日要簡單慶祝下食餐好當慶節。旅行除咗歐洲之外，亞洲區就一定係去日本，所以今次就Book咗間有日本特色嘅餐廳，可以任飲、任食又有得玩，最後搵到呢間有條新幹線直送既黑毛和牛，聽到都已經好吸引。當日好彩一早Book定枱，因為基本上如果Walk-in未必入到去，所以如果你哋想試最好都預約定先。當日去到係門外見到有一隻黑毛和牛展品，亦見到員工喺後面處理緊食材，環境衛生相當乾淨，跟住入去門口見到日本餐廳都會展示既證書，介紹當日賣嘅和牛，佢每一隻都有獨立編號，都可以根據編號搜尋返佢嘅資料，除此之外都見到呢間舖頭攞咗好多證書，所以係呃唔到人嘅。及後侍應安排我哋坐卡位，座位地方好寬敞舒適，而且唔會有好大油煙味，未開始食都好滿意個環境。其後我哋卡位旁邊見到有一條新幹線軌道，就好似迴轉壽司咁，相對上食品都好衛生而且有效率。就座後都已經急不及待出去吧枱睇下除咗燒肉仲有啲乜嘢食，發現原來大部份食品都係日本貨，好似汽水喺市面都好少見，亦有適合小朋友嘅爆谷機、雪糕機同棉花糖機，真係食得又玩得，而且中間位置有大約十款