千里屋食堂 (Closed)

是日和男友到銅鑼灣行街，行到一家好似*和牛鐵板3種 ($298)由左至加是牛脊肉、牛五花和牛肩肉。三款和牛都有濃濃的牛味和脂肪味。個人最愛牛肩肉，又淋又JUICY；其次是牛脊肉，都是淋的，但淋得來有點咬口；牛五花太肥，所以不太愛。麵豉湯不會太咸有WASABI、繙油和岩鹽可以調味；不過個人覺得原汁原味最好食。*高級鐵板燒 ($189)男友點的還配上一個牛筋煮，真的煮得又淋又入味。他說因為上台時已經是半熟，所以不用燒得太耐。

本身係牛肉控既我心癮起，所以約左朋友去銅鑼灣既千里屋食堂度食A5和牛同安格斯牛肉。食店裝修好日本風，而且真係有日本人係度食飯。佢地有丼，和牛套餐，安格斯牛肉，壽司，小食，清酒提供。不過我地都係鐘情於牛，所以就叫左和牛鐵板3種 (HKD 298)同埋黑安格斯牛肉涮涮牛肉套餐 (肩胛部) (HKD 189)，而飲品就要左可樂同雪碧。先黎既係安格斯牛套餐。佢會提供一個鍋，裝有蔬菜，金菇同埋清湯，俾我地煮熟安格斯牛肉的，有shabu shabu既感覺。另外個套餐內有肉，前菜，漬物，白飯，味噌湯和日式橙醋。安格斯牛肉脂肪同肉質分佈平均，肉質鮮嫩，分量又多，點埋佢地既秘製醬汁，一個字正。味噌湯味道唔算濃，幾清淡。至於前菜都幾精緻。跟住黎既就係和牛，有五花腩，肩脊同內脊3種肉，有味噌湯同日本飯，亦有栗米，西蘭花。最值得一提既就係佢有wasabi，海鹽同秘製既甜酸醬可以佐送牛肉。分量都唔細，和牛味道好好。個人黎講最鍾意個海鹽，同和牛好襯。

上個月阿妹約我去銅鑼灣shopping，帶我去食過千里屋，第一次食沒太為意，只覺幾好味，今天是専誠再來，因為我們在崇光百貨血拼了一整天，大減價購物慳左嘅錢，夠晒我哋兩個食牛牛Lu 😘這是一間貫徹始終嘅日本食店，廚師、店員、以至主打食材全都是「日本製」，専心煮好牛係千里屋的理念，正因這份堅持，造就了我們可以品嚐到正宗的日本牛肉丼日式小店好親切，店員又nice , 即使繁忙時間多忙，她都招呼週到，送上開水時，順道也簡介一下餐單，讓我們小休一會之餘，也減輕了選擇的困難🤣熟成黑牛丼⭐️⭐️⭐️⭐️大大碗Champion Steak Don ，真係冇咁大個胃，就唔好食咁大碗飯，先講份量，片片牛肉堆積如⛰️，目測至少有10件以上如壽司大小的上等牛肉，如此重量級定必能滿足各界的食肉獸。黑牛丼本是較有咬口的牛肉，煙靭的肉質讓你在咀嚼過程中，徹底感受到黑牛本身嘅原汁原味，有別於連鎖店的牛肉飯，千里屋的黑牛丼賣點是片片黑牛啖啖肉，漿料配菜反而不多，小牛山讓你能吃得盡情，真正吃到夠吃到飽，極之痛快呢和牛鐵板3種⭐️⭐️⭐️⭐️⭐️不知就裡的會覺得有點貴，事實以這個價錢可以品嚐到日本一真正和牛，而且來自日本三個不同產地，當你計算

和友人在銅鑼灣行街後，行到駱克道的餐廳搵食，經過這店舖，店員說新店開張全店八折優惠，於是就吸引左我哋去睇睇餐牌，發現這間鋪頭全部都是食牛，食法包括有牛肉丼飯、Shabu Shabu、鐵板燒、牛扒等食法，於是決定今晚在這裏用餐。坐低後，因為行到有d口渴，所以叫左橙汁梳打同檸檬梳打，飲住先～見到其中一個餐牌寫住鹿兒島黑牛Fair，我估應該是期間限定，所以同友人決定叫一個set是和牛鐵板3種，而另一個set友人就叫了Steak Gozen Premium。先來了和牛鐵板3種，3種和牛每款都有3塊，好奇地問問店員，他們告訴我這個set的牛肉是屬於鹿兒島和牛不同的位置，包括牛五花、裹脊肉和牛背肉，成個set有白飯、味增湯、粟米、西蘭花、洋蔥等等配料同和牛配食，和牛有三種調味料，包括芥末、准鹽及和風醬汁。和牛質感較為肥美，而且肉質很滑，咬落去很有彈性，我就喜歡和牛點上芥末，味道較為清新，味道不錯。而另一個set 是Steak Gozen Premium，即是高級牛肉鐵板燒，這個同和牛鐵板食法有少少不同，是邊燒邊食，所以我地食完和牛鐵板之後再食這個set，這個set都是有白飯、味增湯、蛋、南瓜、西蘭

聽講銅鑼灣開咗間新嘅牛肉丼專門店，見今日政府話派＄4000喎，所以專誠同朋友嚟試一試，先洗未來錢相入面派緊傳單嘅，應該係話事人，佢喺鋪入面，全程同侍應用日文交流，應該係日本人，所以喺度會食到好正宗嘅牛肉丼始終係新開張，鋪內環境十分乾淨企理，夠晒光猛，坐得好舒適，侍應為你遞上餐牌同埋水，服務算唔錯喺呢度，肉類只有牛肉，所以唔食牛嘅朋友要注意啦，種類唔算多，主要都係鐵板、shabu shabu、或者係大碗牛肉飯政府派錢喎，梗係要食好啲，我揀左個和牛鐵板3種($298),但其實食落3種都好好味，分唔到有咩唔同上枱嘅時候，鐵板滋滋聲，望落牛肉好嫩，貌似不錯輕輕將比較生嘅牛肉放係鐵板上燒多陣，食得，佢有三款調味俾你，有海鹽，和風醬同埋Wasabi,個人比較鐘意沾鹽，朋友試過就偏愛和風醬，肉質無得頂，非常嫩滑，牛肉味十分濃郁，$298係唔同D而另一個牛肉丼，就非常扺食喇，我見其他食客大部分都係叫牛肉丼，牛肉堆到好高，非常吸晴，牛係高級黑毛安格斯，肉味依然香濃，$158性價比非常高，值得一讚嘅係佢嘅牛肉汁，有淡淡嘅麻油香，同牛肉及飯十分配合，無得頂啊千里屋係牛肉控必到嘅，師傅十分用心製作，就連麵鼓湯