稚

Open Now

Now Closed

呢啲日式小店成日都吸引到人去食下，上網見到評價都ok，係唔知係咪唔熟路，搵落有少少難搵，不過最後都搵到，整體食物水平正正常常，午餐價錢合理環境方面| 呢度嘅門面有少少木櫈俾大家等位坐，放咗餐牌喺出面，門面似日式舊式小店，店𥚃面位置唔多，俾盡都係 4張 4人枱左右，走廊位就係2人枱，比較接近廚房，同埋門口，冷氣相對爭少少。午市定食 ｜配送前菜、味增湯、珍珠米（可轉烏冬）前菜係兩塊小青瓜，應該有輕輕調味，都幾爽口味增湯味道唔會太咸，飲落都好舒服和風牛肉定食 $50睇落份量都幾足，牛肉同咩蒽再配少少七味粉做調味，牛肉係薄肥牛，易咬又彈牙，洋蒽都煮得好入味。而珍珠米飯嘅飯素都好重手，送飯食好香又開胃，紫菜味勁香，令件事冇咁Dry。香烤雞扒定食（ 蜜糖）$58香烤雞扒外皮整得幾脆，脆得嚟啲肉都保有肉質都水分又唔會乾爭爭，有少少油脂加蜜糖，雞肉都唔會好鞋，有蜜糖吊味，個配搭簡單又令人滿足，作為Lunch食都唔錯﹗呢個價錢嚟講，飯幾大碗，餸嘅份量都okay，如果周不時作為簡單嘅一餐Lunch都唔錯，啲嘢食唔會太重口味，而且上菜幾快，係如果再熱啲上就更好啦～

來個快閃日式午餐🍱店舖地方不大，日式雅致裝修，牆上有幾幅日本動漫掛畫🌁，幾特別！午餐定食有齊 前菜、味增湯、主食、前茶🍵「蒲燒鰻魚定食」🌟招牌必試！鰻魚夠肥美肉厚，淡淡焦香，配燒鰻魚汁夠香甜！白飯係日本珍珠米，軟綿煙韌，是我最手愛吃的米☺️🍚「和風牛肉定食」牛肉肥瘦適中，咬落唔會韌，牛肉汁非常惹味但唔會太咸，配搭洋葱🧅少許七味粉，提升肉鮮味，送飯一流！😋 飯面仲鋪咗飯素紫菜，更加香口美味！

在元朗，日本食物多不勝數。除了大熱omakase，其實也有很多日式小店價廉物美。今次要介紹的，就是為位置隱蔽的日式餐廳「稚」，沒有浮誇的門面，更吸引街坊幫襯。老闆特別喜歡日本漫畫，牆上掛有90年代男兒當入樽、海賊王的畫作，童心未泯，可能餐廳名為「稚」就是這個原因。午市套餐有8款，由$50-78不等，有雞、牛、豬、魚選擇，都能夠顧及不同食客所需，總有一款適合你。今次點了蒲汁鰻魚及和風牛肉定食，均包一碗珍珠米飯、餐前小食麻醬青瓜、香菇麵豉湯，另加飲品。1.蒲汁鰻魚定食 6/10 （$78）鰻魚醬汁充足，甜甜的，喜歡這個汁送飯的朋友一定喜歡。鰻魚雖薄身，份量也有一隻手掌大。2.和風牛肉定食 7/10 （$50）肥牛嫩，易入口，配上七味粉，少少辣，更惹味。眼見這間餐廳做很多外賣，應該是親民品質及價錢吸引到街坊支持。實而不華就是小店的生活之道。

呢間由開張到宜家都會間中食下, 價錢算幾實惠, 而且質素幾好!到宜家水準仍然無變, 間中黎食下唔錯!主食 - 蒲燒鰻魚 (半條)$72, 另加$30可以轉定食。定食的話會有前菜 - 玉子沙律、漬物 - 日式麻醬玉子豆腐和冷海蜇、茶、味噌湯同珍珠白飯一碗。玉子沙律加了日式麻醬, 玉子甜甜地幾開胃。漬物比想像中多, 冷海蜇有點微辣, 但都幾開胃。味噌湯唔會好咸, 內裡有冬茹和蔥味道幾好。蒲燒鰻魚味道不會太咸, 有少少燒過的焦香味, 半條份量都幾足夠。主食 - 和風牛肉, 同樣另加$30轉定食。牛肉比想像中多好多, 食完一碗飯都仲有牛肉剩, 令人好想加飯和風牛肉調味很不錯, 唔會好咸, 個人好喜歡!

搬左黎元朗市中心之後發覺食野真係好方便，Ｄ餐廳多到唔知點揀🤣今日男友就提議食日本野，而佢知道我宜家好少食麵通常都食飯，我地兩個咁岩都係即刻諗起呢間好日系風格既＂稚＂😁平日下午差唔多２點去到，咁岩有最後一張枱✌️午市定食幾抵食👏 我叫咗個汁煮豬軟骨飯，男友叫咗個和風牛肉轉茶漬飯～跟餐味噌湯足料，好多菇，鮮味重👍我個豬軟骨一黎到就聞到超級香，舖到滿滿的😍 食落有啲炙燒既風味，好淋一啲都唔韌，夠入味，係我食過有史以黎咁多豬軟骨最出色既一次！！😋😋男友既牛肉份量都唔少，個汁有洋蔥既甜味，送飯一流👍 茶漬飯有啲脆卜卜好似米通既野係面頭增加左個 口感，配埋紫菜，木魚同茶味好香好特別👏 食物水準真心非常高！！😍 真係絕對唔可以睇小呢啲舖頭仔既魅力😎

🥰收工同好姐妹👭食好西❤️最仲意食日本餐既我地簡左兩個定食做晚餐🥢就係超人氣既和風牛肉定食同埋蒲燒鰻魚定食喇🙆🏼‍♀️👑和風牛肉定食和風牛肉平時食得多，但加左七味粉個味又幾夾幾好食👍🏼牛肉汁既份量係非常多，平時仲意汁撈飯既我係非常滿意個汁既份量同味道🥰而且個貓飯真係第一次食，配料有紫菜、木魚絲同牛油呢到既職員好細心咁溫馨提示我地，食既時候要撈一撈，因為中間有塊牛油，食落口會香好多🥰👑蒲燒鰻魚定食（半條）如果好仲意食鰻魚既朋友仔可以簡原條嫁🤣以上係半條既份量、我覺得呢個鰻魚定食都好出色👍🏼因為平時我真係唔仲意食魚嫁、覺得好腥但食落口一啲都唔腥、仲好香口好好食😍啲鰻魚汁真係好夠，啲骨唔多，而且夠細好易食重點係鰻魚夠厚，咬落口啖啖肉😍好滿足！⭐️不單只職員既服務態度好、有笑容食物方面質素也很好、價錢合理內在既環境佈置都好親切好有童年既回憶🥰⭐️除左主菜、都會有串燒同其仔飲品選擇Tim嫁🐒

星期六心血來潮行左去“稚”附近，既然都行到嚟呢邊，一場嚟到不如入去試下佢嘅午餐。佢嘅午市定食都幾多選擇，定食已經有味噌湯同埋茶，所以我都無另外叫飲品。兩個人每人一個定食，一個和風牛肉定食，一個豚肉生薑燒定食。和風牛肉定食首先上枱，牛肉就略嫌乾左少少，味道係和風味道。可能因為牛肉放左喺飯面，牛肉汁已經流左去飯度所以顯得有少少乾，多番少少汁應該會好d。至於豚肉生薑燒係加左錢轉貓飯，所以豚肉係分開左另一隻碟上嘅。貓飯味道係幾特別，次次我都係食半份就同人地嘅白飯交換，成個貓飯食晒我自己就覺得有少少膩嘅，兩個人交換食我覺得岩岩好。豚肉生薑燒有少少薑味，唔算太濃。可能豚肉係分開碟上嘅關係，佢嘅汁好明顯比牛肉定食多，唔會覺得乾。豚肉生薑燒味道雖然濃d，但係今日嘅牛肉真係乾左少少，所以今次豚肉生薑燒勝出！最平46蚊有個日式定食食下，賣相同食物質素又唔錯，算係性價比高嘅一餐。