富來粥麵小廚

Open Now

Now Closed

追月四人限聚令之下，只可以一家四人吃簡單便飯，上網見到呢道出名咕嚕肉。於是去感覺少人D既跑馬地，但我地去到見到有3個roo roo, da da等取外賣。 其實銅鑼灣搭的士去好近。 吃飽之後一家搭叮叮出銅鑼灣隨便睇月亮。咕嚕肉真係好脆，唔係硬掘掘果D，好出色，唔怪得個店另外兩台都叫呢個菜。個汁唔會太甜同酸，不過無菠羅吃。店員話如果下次要菠羅要提早出聲，呢道特款係用喬頭。其實唔差，只係我地唔係喬頭 Fans. 呢個我覺得真係值得吃的。之前見網上有蒜蓉蒸粉絲聖子，原來要預訂，店員叫我地試下 蒜蓉蒸茄子，送飯一流，茄子好林，老人家吃都不錯。廚張茄子皮去除，感覺好滑，一口吃下唔會有渣。蒜蓉菜心正常，份量還可以。南乳炸雞，呢個雞醃得唔錯，同炸完內重有肉汁，唔係乾晒甘，如果鐘意炸野朋友可以試下呢個中式炸雞 ：）店員有提提我地，星期一只開到下午4pm，無晚市。其他時間正常07:30am-10:00pm. (大約09:30最後下單)如果去試既朋友我就唔好摸門釘

由於去開銅鑼灣，於是兩口子順便開埋架車去跑馬地。可能由於政府開放左4人限聚令，我地2個入到去剛剛好。可能星期六又落雨，見到門口有四五個人等交外賣。我地點左三個送，比上次來堂吃等得長左好多。難得疫情好左，堂吃咕嚕肉係必需。期待已久既咕嚕肉，保持水準，入口好脆同個掛汁做得好好呀，上網睇話有溝山渣汁，真係唔知屋企自己點整呀。白飯未到己吃了半碟。張相吃了左先記得影。今次試秘制雞，個汁好好味呀，問左無得只買汁，個雞要浸多一陣會入味D，不過個雞算滑，最後叫店員俾個盒得盛載個汁回家自己撈青瓜同麵。第三個送炒菜唔記得影，同一般小炒店一樣，沒太大特別，都係不過不失，夠鑊氣。

吃過一次它的咕嚕肉，太掛住了....所以邀約友人再去晚飯！由於友人想吃海鮮，豐富一點，又見有人試過預訂菜式，所以早兩天打去餐廳預訂問問有無海鮮類的菜式！果然要預訂，店員話他們會即日當天去選購，保証新鮮！太貼心了吧！友人得知立馬點了上湯龍蝦伊麵跟鹽水浸蜆！當然更要有咕嚕肉啦！哈哈說實話它真的比鯉魚門更勝一籌！大廚果然是大師傅⋯⋯超有獲氣！伊麵軟硬適中，不會糊了，而且每條麵都掛上上湯，龍蝦亦煮得剛好，不會過熟。至於蜆方面大廚更附上粉絲！加上蜆也很新鮮，沒有沙，令湯頭超清甜！如果這店開分店到我家附近就好，一定會變我的飯堂。

由於，近排環境影響，見今晚跑馬地應該唔會有咩特別事情發生，於是放工兩人搭叮叮去跑馬地。秋天行上去店無甘熱，一諗到有脆皮咕嚕肉行上去都抵。來過後覺得呢個店既脆皮咕嚕肉，好好味，一定要再叫。於是兩丁友，叫兩個送加兩碗例水 白飯（忘記左影)，今次簡單無叫甘多野 脆皮咕嚕肉-佢然保持水準，脆皮同個掛汁唔會整到一 PAT PAT 送飯極好。個蒜容油墨菜炒得夠鑊氣，炒出來翠綠吸引吃，份量都算大份。可能真係大地大大鑊炒，同屋企整既唔同味。晚餐後有糖水送，今晚係雪耳糖水（又忘記影)，店員話晚晚都唔同.  個糖水，有南瓜，總體不會太糖。吃飽了，又慢慢行去搭叮叮。滿足！

小菜三款加一個實實地的福建炒飯。咕嚕肉真係堅脆，第一次吃到呢個版本，好好味，好似小吃甘好快清晒。三薑雞，出奇的香，其實D配料先最好送飯呢，同埋上菜時熱煲，炸炸聲，很有鐵板Feel 呢。薑汁芥蘭，正常鑊氣炒呢，份量算足料呢。但是個菜有點苦。福建炒飯，由於其中一位友人很久沒有吃，於是隨便點，味道不錯，個料好足夠很豐富甘，賣相不錯。個炒底蛋好正，mix上面個汁料，好夾呢。友人們講下次再一齊再吃咕嚕肉同試下個秘制雞同豬手煲，個menu上好似不錯。店員話可以提早預訂特吃菜式wor.

去左個朋友屋企，三丁人有人提議去之前吃過脆皮咕嚕肉wor. 灣仔搭叮叮都好方便， 跑馬地總站下車行左5分鐘就到。個朋友話呢道個脆皮咕嚕肉好好味, 我話有無甘誇張呀。吃完好似吃緊甜酸油炸鬼甘，好好味，果然係推介！！！不過無我的最愛菠羅，後來店員才說，Q頭是特色，下次叫時要提出。如果100分滿分，我俾98分!!!!Menu介紹豬手，甘就叫，做得唔錯，因為煮林左但又未去到爛，份量算足料。店員介紹，清蒸馬友，嘩，第一次甘吃，好滑同個肚全是魚油，個廚師cut half蒸，下面放滿大蔥蒸，個汁好好味！！！！白飯撈左一碗。炒得很香，算不太辣。裝修就比較舊，如果吃味就真係不錯，服務員態度有禮，店員人數不多。但都很快手。當日去可能過左20:30不是太多人，唔洗等。

相信附近居民不陌生，也有機會曾經堂食或外賣。咕嚕肉穩佔菜單第一頁，相信是鎮店之寶。收汁做得好，每一口都外在鬆脆、內𥚃嫩滑。而且少見用蕎頭解膩，又可令整體味道帶酸。沙薑雞每個部位滑嫩，沒有冰鮮味。不用醮醬也很能下飯。其他嘗過的菜色都偏咸及多油，喪失原本鮮味。尤其豬手炆得過火，一挾即散。另外，店員跟廚部溝通不足，晚上七、八點已有多款菜色售罄，而店員往往後知後覺。而且外賣生意奇多，應接不暇，堂食的實屬無奈。有改善空間，但也有廚藝精湛的大廚，希望老闆多珍惜、多發揮其招牌菜。今晚跟叮叮也非常寫意，然後吃飽便上車回家唄。

在銅鑼灣shopping 完撞正，等位時間1-1.5小時，於是兩口子上網search下附近有咩食。剛剛見到推薦古嚕肉，反正要等去下平時唔會去的地區，決定浪漫一下搭叮叮出發去。總站行去要5分鐘，很來店員告訴我們在CWB蘋果商場門口有30號小巴（循環線)，可以在跑馬地郵政局下車，行幾步就到。說回食物先，個咕嚕肉堅拔絲,不是平時硬掘掘油油的。這個很鬆化。兩人炒飯未到已經食了半碟。個汁掛得剛好，不會一pat pat, 堅正。炸豆腐，看來平平無期很普通，但內裡很滑，一件一件好整齊，不過兩人食一碟，食唔晒有點流。表面有一點很少的七味粉，少少香辣味。小菜算有心機同注意細節。招牌炒飯，也是值得一提，食入口脆脆，chuch, 炒得不油，幾乾身。如蛋白炒飯進化版，我很喜歡。總算不枉專登到這裡一遊。*沒有加一很好。

友人介紹，呢道咕嚕肉出名，一家三口假日車到這裡食個新年飯。個咕嚕肉真係堅脆同正，有點拔絲感覺。同出面果D硬屈屈的，真的很不同。個汁剛好掛上，我食到有少許山楂汁的味。不過，我唔知係咪山楂，不過，真好味就一定係。店員介紹油泡筍殼，堅脆，D魚旗很好味，魚肉好滑呀。平時不喜歡魚的我也覺得must try item. 古老懷舊樽裝汽水，加冰同檸底，好正，夠晒氣。Bottle coke ; ]個樣堅平平無奇，見到以為佢好難食，點佢唔到又嫩又滑的三色蒸水蛋.正呀！好足夠氣的啫啫芥蘭煲，一打開香味四濺。朋友果然無介紹錯，只係地點比較遠。如果九龍有分店，我們應該會成日去的。呢道坐既環境一般，不竟它下午是茶餐廳，晚市做小菜。

係Open Rice search 到呢間小廚，又要就朋友放工，咪黎試吓。。點知一試愛上咕嚕肉，招牌炒飯超正。伙記哥哥好好人重介紹左個秘制雞同啫啫芥蘭煲(掛住食唔記得影炒飯同菜😭)。。同樣好食。下次要帶埋阿爸阿媽黎食👍👍

茶餐廳一人前去了跑馬地，去個邊開會傾下freelance，搵下外塊。傾完在附近食個飯先番屋企，在OPEN rice Search 下 search, 見到我的最愛咕嚕肉，於是一試。來到沒有菠蘿，於是問下伙記，佢說富來咕嚕肉是配喬頭的。如果要菠蘿要提早講。沒有都不太重要，想講是堅脆皮，內心鬆化，同平時硬屈屈的不同。D汁剛好，掛在肉粒上，不會一pat pat。太X果D都唔夠呢道好味。其實喬頭配搭都不錯，酸酸地，也是脆口的。"脆" 咕嚕肉是也,如果100滿分，我俾90分，因為配菠蘿比較傳統 ;]$88係比平時貴左$20，不過以份量，地點，味道計就不算特別貴。一間小店，平日晚上都坐滿，伙記話星期六日最忙，所以book定好D。

幾個星期前，朋友GATHERING介紹呢間中式小店，於是BOOK左台一家四口去試下。呢個咕嚕肉，脆口，同平時果D硬屈屈， 完全對咕嚕肉改觀，送飯一流，個汁剛好掛在咕嚕肉上，不會太水一PAT PAT。小朋友好LIKE呢個，好快食晒D送同飯。朋友叫我們去試下干碧雞，不過記得預訂， 呢個有得睇有得食，一個銅盤放在火鍋爐上，三分鐘左右D雞就熟，一陣一陣既蔥薑的香味四溢， 重點D雞肉好滑，D 配料可以送飯。中秋叫條魚食下，油泡筍穀，D皮堅脆，內肉都滑，喜歡香口既朋友可以試下，不是太多骨小朋友ARM食下，頭尾骨全食晒，不浪費。招牌炒飯，廚師炒到一粒粒，不會PAT PAT，看上去只係一個蛋白炒飯，加上少許元貝碎，食落，內裡藏玄機，何為招牌炒飯，原來入口有脆米，加上芥蘭，一口一口脆香炒飯，第一次試食。整體表現不錯，員工都有很禮貌。＊呢度有樽裝可樂賣，香港而家比較少地方有得賣la. 重要有大小兩款你選。

千里迢迢，本來是想一嚐這裡的特色小食﹕一口西多士。無奈時已近晚，唯有改嚐其他鎮店之寶。這兒的店員都很熱情和健談，來這兒的似乎都是街坊。因為人少，吃不了很多，只點了兩餸一小菜。下單後，送來一大碗粉葛蓮藕湯，說是沒加味精。向來對味精感敏，如果吃到味精，面部會有痳痺感，所以肯定騙不了我。再來是咕嚕肉，外層非常脆，豬肉選了柳梅。棄用傳統的菠蘿，改用蕎頭，酸酸辣辣的，令人開胃。還有上湯煮菜心，呷一口上湯，有點咸，不過待菜心慢慢吸收了上湯的味精，就會覺得剛剛好。本晚的焦點是蟹煲。採用澳州蟹，配上粉絲、薑、豬肉碎來焗。端一口粉絲來吃，充分嚐到蟹膏的味道。蟹肉鮮甜扎實，最難得是價錢合理，不會無辜辜被殺得一頸血。看著店員對食客不停的介紹，如數家珍，看得出他們對自家菜式都很引以為傲。這種充滿人情味的老店，實在買少見少。如果下次你經過富來，以為這是一間普通的粥麵店又或是茶餐廳，那就大錯特錯了哦。