裕記大飯店

Open Now

Now Closed

和同事們即興駕車入深井食lunch。從小對深井的認識就只知道是食燒鵝的好地方，有兩家很有名的飯店─裕記和陳記。這是我有生以來第一次踏足深井，感覺有點像探險。同事們提議去裕記，造就了我寫食評的機會。這裡是代客泊車的。全人下車，車子交給店員處理後，我們被安頓到飯店的二樓坐下。經過一輪商討，決定要點4餸套餐(連半隻鵝和湯)，另外追加兩碟小食海蜇和鴨舌。小食和湯先來，然後「主角」登場。馬上嚐一口試真偽！燒鵝的肉質是頗鬆化，不過對我來說是略為咸了些。要把鵝件放進湯瀨粉把味道沖淡了才能吃。其餘的4個小菜也陸續上菜，開始擔心菜太多了，會吃不完。估計這其實是六人餐來的，我們只五個人還點了小食，愈吃愈覺得over左。其中咕嚕肉和豆腐火腩煲我覺得不過不失，沒有什麼特別。反而要讚賞的是粟米班塊，粉不會太厚，魚很好吃，粟米汁味道適中。至於冬菇掌翼煲，在一般飯店並不常吃得到。這道菜水準不錯，煮得好入味。結果瀨粉我只吃了三分之一碗。一是因為吃不下，二是因為湯被我用來為燒鵝「沖身」而變得很多油。可能有點難以置信，但這餐之中我覺得最好吃的不是燒鵝，而是粟米班塊。

約左家姐去青龍頭還神去到還神，再等埋細佬還埋神，我地就去食LUNCH落左深井食燒鵝以前細個每逢清明節，都好一大班人去拜山，跟住就會去食燒鵝，今日就去番我地細細個就去開的食燒鵝喇我地一行5個大人，一個BABY燒鵝半隻~~~只係半隻都好大碟喎！真係做到皮脆肉嫰，鵝就是多了一份油的甘香，好味！我地真係好LIKE食炸野炸墨魚球~~~墨魚肉打得好彈牙，一D都唔油，外皮炸得好香好脆，又係好味椒鹽鮮魷~~~炸得又香又脆又乾身，椒鹽好香又惹味，鮮魷剛好，一D都唔"UN"豉油肥鵝腸~~~D鵝腸真係好肥好肥，鵝腸好爽口，入哂味，墊底的芽菜都好好味咕嚕肉~~~OK啦！味道都不錯，炒得唔油GOOD雖然唔係好多野，但大家都食到好飽呀!

深井、深井… 一講到深井就一定聯想起深井燒鵝。而講到最出名馳名的燒鵝飯店就一定非裕記大飯店莫屬! 由小小的一間小飯店，變成今時今日的大飯店! 今天，朋友相約下決定一試!訂了7點鐘抬，7點半才可有位、乃是意料中事! 好彩都被安排到一張在角落的抬，比較容易與朋友交談! 一打開manual，我自己就覺得食物價錢比自己預計的較高! 都好貴! 同朋友商討後，決定叫以下菜式!1/ 裕記特大燒鵝 (半隻)$250有點貴。但「裕記燒鵝」都真的沒有稀場! 肉質都軟、肉味夠、帶有光澤的皮烤得很脆，配上秘制的醬汁的確一流!  我們當日的燒鵝肥肉都很平均，不錯的!2 / 螺頭燉鷄腳湯都有八碗。湯味很濃! 但我不覺得很特別，反而覺得有加了味精而增加了螺頭的味道。<不好意思沒有拍照>3/ 咕嚕肉 (大)$140點了一份大的咕嚕肉! 賣相不錯但味道就一般。咕嚕肉肉質不滑、而且切得太簿! 所以煮的時候就過份熟了! 咕嚕肉的醬汁都是一般… (相影到震左 -___-)4/ XO醬甜豆炒帶子 少少辣的XO醬拎到成碟菜好香! 甜豆當造合時，帶子都煮到剛剛好!  唯一的是菜式價錢夠貴。價錢調低一點會更好。5/

未到六點去到,停車場已FULL晒, 心知不妙...假日真係勁多人!好彩等左10分鐘左右就有枱. ..坐定無耐就有個哥仔走黎幫我地寫菜, 仲介紹我地食咩菜式, 所以好快搞掂食乜, 可以安心等食!燒鵝半隻: 個皮好脆, 燒鵝肥瘦適中, 好好味!仔仔一個人就食左9件西洋菜燉鮮陳腎: D陳腎好淋, 呢個老火湯, 正!味菜炒鵝雜: 呢味菜好醒胃, 老爺同奶奶食到讚不絕口...味菜同鵝腸好夾, 但係D鵝腎就唔係太啱口味.....咕嚕肉:呢個餸主要係叫比兩個仔仔食, 估唔到呢度D咕嚕肉都做得咁好, D肉用豬頸肉整架, 唔會炸到實一實, 好味!海參冬菇炆鵝翼海參同埋鵝翼都好淋, 好入味, 煱底仲有好多津白, 入晒味, 又淋, 好好味!上湯菜心:呢個無咩特別, 如果早知海參碟餸有咁多菜都唔會叫呢個菜...食物同服務都好滿意, 老爺奶奶同仔仔都食得好開心, 下次一定會再黎...不過下次會再早D黎, 因為走既時候見到門口有過百人係度等,,怕怕...

前兩日有親戚由鄉下到訪, 諗住食埋晏就打道回府, 就帶佢地去馳名的裕記試一試啦叫左六個菜1) 馳名燒鵝 半隻 $160.00--真係唔錯, 皮脆肉嫩, 連在鄉間做大廚的亞叔都話正2) 椒鹽鮮魷--炸得好鬆脆, 正!3) 豉椒炒雙腸(鵝腸+粉腸)--豉汁香濃冶味, D腸好爽口, 正!4) 咕嚕肉--OK5) 紅燒豆腐--OK6) 蒜蓉炒白菜--OK (但要成$50.00一碟, 非常唔抵食)另加五碗白飯+茶芥/酸菜 合共$585.00