Mango Tree

Open Now

Now Closed

終於有空寫一下mango tree,之前見到其他食評有d 都話麻麻地，但友人話真係唔係太差，所以即興去探索一下！環境方面，唔多解說，因好多人都有形容，我本人覺得雖然暗咗d，但頗為舒適，加上居然畀咗個窗口位睇夜景自然又like 一下!即日正題先，第一道菜係：咖哩炒蟹☝🏻雖然咖哩偏甜，不太辣，非常適合不太食辣的我，用來配法包或者飯絕對一流！而最重要係隻肥美嘅肉蟹隻蟹勁鲜甜，兩隻箝勁大隻又啖啖肉，so yummy 可能自己真係好中意食長腳蟹腳，所以一見到又停唔到口😂下次要再encore!份量都幾大，足夠2-4人分享呢👍🏻第二道係冬陰公：隻蝦好鮮甜，材料都挺豐富，湯就較稀，酸辣程度中上，我自己傾向湯底濃d 會較有口感🙌🏻跳過通菜，因為正常嘢，冇咩值得講，直接跳到甜品：班蘭糕👍😆都唔錯架，有班蘭味，好彈牙，不俗的飯後甜點！最後，sevice 方面都唔太差，至少姐姐們肯協助我哋遲交少少枱食甜品

位於圓方的mango tree分店裝修雅緻，而且聽聞咖哩炒蟹係必試的菜式，所以今日一行5人黎食家庭晚餐頭盤先黎沙嗲串一盤已經有齊牛雞豬的口味牛肉甚嫩亦能嚐得出肉味及香，而它本身的醃味也很足夠，咬落還感覺到有肉汁；雞肉入口亦相當滑；豬肉亦燒得恰到好處食完無渣我細妹選了大蝦柚子沙律柚子先係重點!粒粒飽滿、樣子十分誘人而大蝦大大隻又新鮮，但係唔夠我地5人分啦個人而言魚露的酸辣度可再提高就更為惹味再黎一碟五件泰式蝦餅蝦餅炸得好香脆，賣相金黃色，口感沒有炸物的硬，反而有鬆軟但脆身的口感入口油份亦不多，配了酸甜汁更滋味，正!斑蘭葉嫩雞卷採用本地新鮮走地雞，以蘭葉包著去骨雞髀肉炸，雞肉盡吸班蘭葉香味再蘸上芝麻及羅望子酸甜汁，中和油膩感覺，滋味無窮Pad Thai泰式金邊粉另一道吃泰菜絕不能少的菜式，十分喜歡其賣相，包着金邊粉上的是不輕易破的蛋絲網，蛋上更插着四條香茅作裝飾以磨碎了的花生、香葱、豆芽及豆腐為材料，與幼河粉及自製的酸甜辣羅望子醬汁炒在一起，河粉的濕度剛好，同樣少油但仍夠鑊氣在河粉上再擠點酸橙汁，更加開胃更加惹味咖哩炒蟹是mango tree必點的菜式，一上枱已經非常矚目一隻巨型肉蟹，蟹蓋

好耐未食過泰國菜，本來想去九龍城食，但驚要排餐懵又坐得唔舒服，所以就提議一直 on wish list 既 Mango Tree 喇! 圓方既 Mango Tree 位置比較偏，到達商場後要望一望個 Directory 先敢行，如果唔係行錯路就有排搵喇~行左好一陣子終於到達，餐廳裝修簡約但高貴，落地玻璃可望向維港，仲可見到幻彩詠香江，坐椅亦十分舒服，適合與三五之己傾計。大部份侍應都係泰國人，落order時正想講英文，但原來佢係操流利廣東話~飲品方面，西瓜冰 (Watermelon Frozen Smoothie) 絕對係消暑既最佳選擇，入口非常冰凍，要攤一陣先可以飲，無人造西瓜味道，反而覺得係用上新鮮西瓜而成。而 Jasmine Belle 味道酸酸甜甜，雖然名字有茉莉，但味道唔夠突出。講返食物，今晚叫左泰式生蝦刺身、海鮮冬蔭、酥炸軟殼蟹、泰式豬頸肉、咖哩炒蟹、芒果炒飯、椰汁西米糕。先講泰式生蝦刺身，蝦身十分乾，無平時D生蝦既濕潤，算係比較失望既頭盤。餐牌上有兩款冬蔭功，一款係海鮮冬蔭，另一款係冬蔭功，冬蔭功就只係有蝦，而我地叫既海鮮冬蔭係有魷魚、青口等雜錦海鮮，湯比較稀身，酸味多過

農曆新年剛過，我們便會迎來十九年難得一眾的雙情人節了，中國情人節正好與西方情人節重疊在一起，剛好又落在星期五，時候來得實在太好，可與受侶共渡一個難忘的情人節。Mango Tree Elements就為了這個特別的一天，推出了泰式盛宴自助晚餐，每位客人更可享用一杯為情人節而設的Fresita士多啤梨汽酒，以粉紅及甜蜜的滋味來慶祝情人節。自助晚餐的菜式全是Mango Tree的招牌菜，超過三十款，甚至連黃咖哩炒蟹也是無限量供應，實在非常開心。小食方面亦相當具份量，有招牌春卷、炸蝦餅、魚餅、沙嗲串燒及燒豬頸肉等等，當中尤其喜愛醃得入味，燒得香口的豬頸肉，軟腍中帶爽口，香矛味突出，好味。另外的蝦餅亦是不錯的選擇，香脆彈牙，富蝦味。除了小食外，沙律都有幾款可供選擇，喜歡清新的有泰式海鮮沙律，喜歡刺激一點的又有生菜包。不喜歡凍冰冰的頭盤，又有冬蔭功湯供應，湯內的大蝦滿是甘香蝦膏，更為鮮甜。主菜方面，咖哩雞或牛肉都有供應，分別以青咖哩或紅咖哩配上，黃咖哩當然是店內招牌的咖哩炒蟹，改為更方便食用更鮮甜的蟹，而且加入雞蛋來慢炒，更添滑溜及蛋香，滋味得不能罷手。其餘還有很多款食物供應，如酸甜魚柳、燒豬仔骨

家中的capsule 快用完了，所以Elements 入貨，順道閒逛一會。一向喜愛泰菜的我們，經過 Mango Tree ，駐足研究了一會餐牌，決定吃一頓豐富的午餐。咖哩炒蟹用上大肉蟹，蟹肉豐盈，咖哩的調味恰道好處，不太嗜辣的朋友也很適合。咖哩汁充滿蛋漿，香料味道豐富，加上大量洋蔥及芹菜，口感濃稠美味。咖哩汁加上白飯，碪稱完美。份量絕對是2人以上份量，但我們兩口子把它整隻連汁 "KO"了!!咖哩炒蟹絕對是這裡必吃的。這裡還有一份很貼心的工具，就是備有膠手套及鉗予食客，方便顧客有儀態的進食，值得一讚!點了串燒，雞肉、豬肉、牛肉各一串。有2款醬汁，一款沙嗲，一款酸酸的，這款醬汁十分清新。十分滿足的午餐，一定會再來。