牛霸王

Open Now

Now Closed

#觀塘搵食又到一星期一次，二人成團搵食遊。今次就碌左去觀塘搵食，去左位於成業工業中心的牛霸王晚餐。舖頭都相當近觀塘地鐵站，大約行5-10分鐘就可以到；然後搭電梯上一樓，一出電梯轉左就會見到。但我地去到發現所有手打和牛漢堡系列都完售🥲真係相當傷心💔下次可能要抽平日夜晚去先可以食到了。舖頭裝修行日式簡約風格，環境算乾淨，有種日式家庭作業的餐廳感覺。侍應都係得兩個，已經係睇曬全場，出單同上蔡。餐膳種類唔算太多，但一場來到，我地都依然坐低叫左兩個飯同兩款小食；但就無得食好味的手打和牛漢堡系列了。我地分別order左日式厚切叉燒溫泉蛋飯，咖喱吉列豬扒飯，佩兩杯凍蜂蜜綠茶。厚切叉燒真係好厚切，我覺得味道同日式叉燒有D唔同，相較日式叉燒鹹，口感亦都無咁柔軟，有咬口D。配溫泉蛋味道幾夾，加埋熱辣辣米飯，又別有一番風味。至於咖喱吉列豬扒，味道就相較厚切叉燒更佳，豬扒雖然唔算好厚，但炸得啱啱好，粉漿唔會太厚，肉質唔會太柴，亦都唔會太乾。咖喱偏向香港人口味，無日本咖喱咁甜。除此之外，我地仲order左一份加配細份既炸芝士同雞皮餃子；同樣係新鮮炸出來，相當認真既製作。但有要留意，芝士並唔係拉絲款，更偏向係班融

🍚🐮🥢工廈高質日系食堂▫️QR code點餐☑️照燒雞扒飯 -$68店家細心，飯可以選少飯/多飯，白飯煮得剛好，有飯香，連埋燒汁甜甜地甘食都幾好味。而雞扒都煎得好靚，吾會好乾而且都入味。☑️咖喱吉列豬扒飯 -$88吉列豬扒更出色，炸粉薄得黎好脆，咖喱汁好多，而且香濃好味😋會愈食愈辣，好過癮，裏面仲有好多薯仔同埋紅蘿蔔，全部都煮得好淋好入味，會令人食埋佢。☑️手打芝士安格斯漢堡扒丼飯 -$118呢個最有層次感，可以好清楚咁睇到分成5層，底層嘅白飯，漢堡扒、泡菜、蘿蔔蓉、蘭王蛋。蘭王蛋一盒出邊要$40幾蚊，喺呢度終於都可以試吓有咩咁特別，可惜對我嚟講冇話特別令人難忘。但呢個漢堡扒幾好食，唔會好乾好硬，反而好淋好易入口，而且都食到牛味。泡菜嗰層除咗可以揀泡菜仲可以揀芥辣酸瓜。不過又估唔到泡菜同漢堡扒都幾夾。至於個汁係秘調漢堡汁，都幾特別，甜甜地帶d燒汁味，好特別，撈飯同埋點漢堡扒都好好食。另外都可以選白味噌汁或日式咖喱汁。☑️日式胡麻沙律🥗 -$18沙律菜好新鮮，仲有番茄仔，醬汁及份量還好。☑️柚子蜜（熱）-$5正正常常，都算大杯。

本新想試招牌手打和牛漢堡蘭王蛋飯但收工去到都7點幾8點 已經賣哂🥲唯有留番下次再黎食啦😤今次就食左🌟手打芝士安格斯漢堡蘭王蛋飯賣相十分滿分 我俾十分一咬舊牛肉就知道唔係平時食連鎖店既牛肉👍🏻 牛味好濃郁 中間夾住酸青瓜 仲溝左小小wasabi 解膩一流👍🏻 d汁仲要好多 岩哂鐘意汁撈飯既人🤩另外仲叫左🌟咖喱吉列豬扒飯🐷 吉列豬扒炸到外脆內軟 入面仲有肉汁唔會乾爭爭👍🏻追加左個小食🌟雞皮餃子雞皮好簿包住肉碎 上枱仲係熱辣辣 好香脆👍🏻

又一小小食店誕生喺觀塘工廈之內啦～雖然喺工廈，但係裝修都花足心機，充滿和風味又簡約，食材選料亦好細心，一定能夠牢牢抓住觀塘OL們的心～要食嘅話就一定要係每日限量供應～兼且係招牌嘅～日本蘭王蛋手打和牛漢堡丼飯($128)！！！和牛漢堡扒非常Juicy，肉感鬆軟，蘭王蛋非常堅挺，撩咗好多次才流出蛋汁，蛋香濃郁自選醬汁要咗白味噌汁，配料要芥辣酸瓜，真係想讚吓個combination 超好，白味噌汁質感Creamy，又唔膩，配日本米一流，有芥末微辣嘅後勁，又唔會搶咗牛肉嘅香唔食牛嘅，仲有其他選擇，推薦咖喱吉列豬扒飯($88)，新鮮炸起嘅吉列豬扒，仲好熱辣辣㗎，外脆內鬆化，咖喱好香，係偏辛辣嘅口味冷豆腐 ($27)都值得一讚，濃濃嘅豆味，喚起我對豆味嘅記憶，因為市面上好多豆腐其實都冇乜味自家製蜂蜜綠茶(+$5)都好好飲