吉列牛忌廉烏冬專門店 (百樂中心) (Closed)

韓國過江龍🐉｜忌廉咖喱烏冬🍜 ｜🐮人氣石燒吉列牛專門店🌸吉列牛忌廉烏冬專門店 (百樂中心)今次終於嚟到豬女想食好耐廳廳，一訪韓國過江龍，吉列牛專門店啦！大家可以自行調配牛既熟度，邊食邊玩🤗唔驚天氣凍食物涼曬，好貼心既餐廳🥰餐廳唔算大，二人枱略厭有啲細，不過佢通風算唔錯，唔會有油煙味😆而且餐廳設計充滿地道韓國風，好似去咗韓國餐館咁🤣一入到去已經坐滿一大半人客，好熱鬧，客人陸陸續續都接近滿座，大家最好訂定枱，咁就唔駛擔心無位啦🤗🌸我地叫咗一個套餐2 — $256（包兩個主食，兩杯飲品）✨吉列牛定食🐮一上枱，吉列牛肉質較生，顏色較鮮紅粉嫩，客人可按自己喜歡既熟度去烹調，牛既肉質好靚，食落口肉質好嫩，牛味香濃，加上酥脆既外皮🤤好高質！更有多種醬料，推薦大家配上蒜蓉mayo，味道層次更上一層，為吉列牛帶上清新既感覺🤗另外，餐點更附上沙律菜、前菜及麵豉湯😋不過個人而言，覺得份量有啲小，大家可以嗌埋小食🤗食多幾款~必點✨✨✨✨✨咖喱忌廉雞肉烏冬一上枱賣相好吸引，一大碗濃稠既白色忌廉好特別‼️忌廉下隱藏住日式咖喱雞肉烏冬，一夾上來，陣陣咖喱香撲鼻而來，咖喱甜甜的，而烏冬好有咬口，不易斷開，忌廉好細滑，奶

燒牛牛又記起時代廣場背後的百樂中心，位置方便唔駛等位，食物美味套餐唔貴幾抵食，間中食下都唔錯。套餐二 $246吉列牛定食 + 咖喱忌廉烏冬(小辣) + 2飲品吉列牛定食定食包有飯、麵豉湯、冷豆腐、車厘茄。牛牛用熱石爐慢慢燒幾過癮，十小塊夠燒兩轉，牛肉粉嫩唔韌，仲有吉列脆脆口感幾特別，熱食的確好味。咖喱忌廉雞肉烏冬上次食過今次再encore。白雪雪厚厚嘅忌廉覆蓋住香濃嘅咖喱烏冬。稻庭烏冬口感柔滑煙韌彈牙，每條烏冬都好掛汁，忌廉令烏冬帶來滑滑口感，配埋嫩滑雞肉非常好食，咖啡汁好味到一滴都唔放過。Rose Garden好香的玫瑰味，似係溝荔枝味梳打，味道清香甜美可口，好飲。Passion punch百香果梳打甜度適中，果香清甜，唔錯。雞軟骨餃子 $38餃子四件煎得香口唔油膩，味道一般，食到零碎的雞軟骨有啲口感。

得知這家吉列牛一段時間了，今天終於來這邊試一下了。美式頂級牛里脊配大啡菇（$178）有一大塊牛排，自己切開後再放上熱石。熱石溫度很足夠，很快就可以吃了。牛肉也算腍身，伴上洋蔥及大啡菇也是不錯。最不錯的是熱石真的很夠熱，我也翻熱了大啡菇及洋蔥，熱騰騰更好吃。咖喱忌廉雞肉烏冬（$78）頗大碗，上面滿滿的忌廉拍照一流，混好就可以吃。想吃小吃還可以點個鹹蛋薯條（$38）呢！

最喜歡來百樂中心食野，每次來都總有驚喜，印象中棟樓層層都有好野食，所以樓下等升降機總係要排長隊。今晚和朋友到此一食開飯得獎名店，果然係實至名歸，美味指數爆燈，CP值高價錢貼地，好難唔返食。鹹蛋薯條 $38超正小食，薯條炸得香脆，達至外脆內軟，均勻沾滿好薄的鹹蛋黃蓉，蛋香四溢，食落唔膩，掂！咖喱忌廉雞肉烏冬 $78白雪雪厚厚嘅忌廉覆蓋住咖喱烏冬，賣相邪惡，但不要被其外表呃左，忌廉比想象中輕盈，令烏冬帶來滑滑口感食落唔膩，每條烏冬好掛汁保留住香濃咖喱汁味，雞肉質嫩，烏冬煙韌口感彈牙，相當美味。美式頂級牛里脊配大啡菇 $178兩三成熟的牛里脊可以自己動手切片，用熱石鍋爐慢慢燒過下癮，燒起來所產生的煙甚少，唔會食完件衫大陣味。熱食真係好味好多，牛味濃口感嫩滑鮮美多汁，醮埋醬汁多種味道，美味非常，仲有大啡菇口感彈牙，同樣美味不比牛里脊遜色。

百樂中心成棟都係餐廳，今次就嚟左吉列牛忌廉烏冬專門店。好幾次晚餐時間嚟都無位，今次特登等佢中午一開門就到。咖喱忌廉雞肉烏冬 $78忌廉烏冬因為係咖哩有微微辣，但真係好少好少，所以同我一樣唔係好食得辣嘅朋友都可以叫嚟試吓。一嚟到已經係滿滿的忌廉蓋住入邊的咖喱雞肉同烏冬。即刻心唸，慘啦 咁多忌廉，肯定好溜。點知食落又唔係喎，忌廉同咖喱汁攪勻之後，好似中和左咁。另外，雞肉都好滑。美式頂級牛里脊套餐 $178本身想叫吉列牛，但係見到佢有隻肉質更加好的牛里脊，即管試試佢啦。套餐有頂級牛里脊、大啡烤菇同秘製醬汁。牛里脊上枱的時候，已經烤到大約三成熟，咁我哋可以因應自己的喜好再決定煎到幾成熟。大啡烤菇上面有層薄薄的芝士，煎到芝士溶咗就食得。鹹蛋薯條 $38 鹹蛋薯條配左黑松露醬。鹹蛋薯條係真材實料用鹹蛋黃去炸，食到一半見到一嚿嚿嘅蛋黃係入邊。

環境光猛開揚，大片玻璃窗透入溫和的天然光亦可遠眺馬場景色。吉列牛忌廉烏冬專門店開宗明義以忌廉烏冬和吉列牛作主打，一場來到當然要品嚐。咖喱忌廉雞肉烏冬面層是一層厚厚的白色忌廉，咖哩烏冬藏在忌廉泡沫下，邪惡極致。一夾起烏冬，濃濃的咖哩香氣撲鼻而來。先把忌廉和咖喱烏冬拌勻，讓每條烏冬都沾上忌廉，口感creamy，富奶香又滑溜。烏冬彈牙，雞肉嫩滑。吉列牛定食定食包括胡麻醬豆腐、小蕃茄、飯(含飯素)、味噌湯、醬油及Wasabi沙律醬。吉列牛外層金黃酥脆，內裡仍是鮮紅半生狀態。吉列牛質感鬆化綿軟，再沾點Wasabi沙律醬才吃，能提起肉香，味道更有層次。

今日係週末，中午約咗朋友喺銅鑼灣食飯，我哋想喺時代廣場附近食，佢就提議去伯樂中心搵食。估唔到佢都好熟呢度美食大廈，我都嚟過呢度得閒食個幾次，今日去咗睇上22樓食忌廉烏冬😋佢話之前食過一次覺得呢個配搭好唔錯，好有驚喜！聽佢講吓講吓我都想試吓。同一棟大廈之我地都食過另外兩間食肆，都覺得呢度偏細，但係估唔到上到嚟22樓感覺有幾闊落，而且景觀都真係唔錯！周末中午好多人，好彩今朝打左來留枱！可惜坐唔到窗邊🤪店員都幾細心介紹餐牌，我地就食推介既牛里脊套餐，另外加左個鹹蛋薯條。當然亦都唔少得必食嘅忌廉咖哩烏冬😍呢個烏冬可以揀配牛肉或者雞肉，因為我哋嗌左牛里脊，所以就揀咗食雞肉烏冬。先黎左個咸蛋薯條🍟，超邪惡！鹹蛋味都好出好足，同薯仔好夾！食呢個薯條真係唔駛點醬都好惹味！唯一要挑剔啲就可以話佢偏油左少少，如果可以索多一陣油先上枱就更加好😙牛里脊上枱既睇落已熟，其實都只係熟左兩三成，之後就要我地自己燒😂呢個玩法都幾有趣，好在你啖啖食入口都好熱，牛味🐮好出，肉質夠亂唔太啱！自己再加少多10秒其實就已經食到，視乎你鍾意食生定係熟啲！呢個牛里脊肉質好嫩好甜，好食！🥰😍而且佢仲陪左好多洋蔥同埋一個芝士大菇，啲配

這兒的環境絕對是讓人可舒適的進食一餐。今天來這裡午餐, 和朋友點了忌廉咖喱雞肉烏冬和吉列牛定食。我們一至認為這兒的食物質素是優質, 新鮮且味道好的。忌廉咖喱雞肉烏冬真的很棒, 忌廉與咖喱溶為一體, 很香滑, 味濃, 帶點微辣, 滑嘟嘟易入口。雞肉份量足夠, 質地軟, 配烏冬一起吃很豐富。吉列牛很惹味, 外皮夠脆, 整塊牛肉都很軟熟, 易咬開, 配合兩款醬汁及熱呼呼噴煙的飯進食, 很夾! 飯上灑上了紫菜碎, 木魚絲, 蛋花和芝麻, 令進食時更香更有口感。就連麵鼓湯都很香濃, 鹹中帶點甜, 海苔大塊且多。很完滿的一餐。