小茄子

Open Now

Now Closed

中秋節快樂！一家人當然最埋一齊食個靚飯啦我哋特別鍾情泰國菜式，所以就遠遠地走咗黎元朗雞地個頭嘅泰國餐廳食飯呢間好多年前都已經幫襯過嗰陣時同一大班朋友食晚飯，但嗰陣對呢一間店舖嘅味道冇乜感覺，可能以前唔係好識叫野食，也有可能呢一間店舖越嚟越好吃😋，總之必有下次再來光顧我媽咪好鍾意食軟殼蟹，大大隻嘅蟹擺喺你眼前好喜歡呢一間店舖炒嘅金邊粉用個小鍋上菜，也喜歡配菜不是隨便幾粒花生而是大大粒的腰果和蕃茄青瓜拼盤最緊要嘅係熱辣辣，呢一間店舖100分一定要叫呢一個因為係本人超鍾意所以一定要叫

小茄子開左禁耐都未有時間去食，有日行過決定同朋友去試試！等位期間其實見到餐廳內有吾少大枱空左，但可能佢地想等d一大班既客黎坐所以吾肯俾出面等緊既散客坐，我明既，但其實4人枱，俾2pair人撘枱坐都得掛？ 仲要等勁耐要再問佢先肯俾張枱我地坐，天氣熱時，系出面無冷氣流住汗等真係好辛苦㗎我地2個人食，嗌左2個餸加個炒飯，份量都真係幾大，多過出老銅尖嘴果d多多聲！野飲我諗我下次會叫個椰青飲，感覺上穩陣d超級驚喜！ 因為之前去老銅食x簡單 個炒軟殻蟹得3小塊收我百幾蚊所以今次都無抱咩期望，點知一上枱，勁多軟殻蟹😍😍😍件件新鮮熱辣，外脆內軟，加上佢個咖喱汁相當出色，我諗佢落左d芝士，所以特別香、另外佢底下既配菜都絕無馬虎，特別係d茄子，浸左系汁到禁耐依然脆卜卜超香口，成個菜可以話係更乎完美！佢個sauce甜甜地，都吾錯！ 價錢都合理！呢個炒飯相對比較失色，蝦醬咸但吾香，我加d咖喱汁食先覺得好味整過黎講呢間餐廳既炒菜方面做得相當出色，價錢都合理！ 但態度、飲品同炒飯有待改善，下次得閒都會過黎再食過，試埋個茫果糯米飯！