小茄子

Open Now

Now Closed

未食過咁難食既泰國菜 、完全係不知所措、最基本香茅豬扒都咁難食、香茅豬扒變左做普通炸豬扒 仲要勁厚炸粉、完全沒有香茅既味道 入面環境衛生唔好 入到去一陣味 下午茶價錢偏貴。

泰式肉碎飯味道不夠泰式，肉醉沒有香味，食得出沒有放香葉，或是香葉放得不夠多，而且沒有辣味，只能說肉碎沒有出水就值一點點分。泰式海南雞名符其實，出現在泰國餐廳都會加個「泰式」在菜式的開頭，海南雞的雞有雞腥味，但醫汁調配得合當，幸好去掉雞腥味，本人就一向走油膩，所以轉白飯沒有要油飯。送的湯太重胡椒味，反而沒有雞味，明明見到有用雞去煲，但飲不到有雞味。 而凍檸茶走甜，茶底偏苦，像喝涼茶或24味，沒有茶本身應有的清香味。

諗住係元朗食街甘多件，質素都有返甘上下，起碼叫食得下。未食過甘難食既冬蔭公湯，完全唔係冬蔭功，一啲冬蔭公味都無，根本係酸辣蕃茄湯，超難食🤢 未食過一間甘難食既泰國菜，完全失望

小拼盤內的紙包鷄被換了雞棗，被回覆：都係雞肉！其實雞棗係雞肉丸，紙包雞係雞肉，冇錯兩者都是由雞肉製成的，但大不同。咁係咪即是魚蛋同石斑係一樣嘅呢？因為我哋已經食緊所以冇退換，呢種狀況應該係落單嘅時候就話俾客人知，而唔係客戶發現時才輕描淡寫道：都係雞肉！餐牌裏面亦冇鷄棗呢一類食物供應，為何當沒有紙包雞時會換了牌也沒有的東西代替呢？這樣，當然沒有價錢可比較啦～已經吃了幾件，如果你是在當場，請問你會點做呢？

我平時都很喜歡吃泰國菜，朋友推介來吃的，點了冬陰功湯， 馬拉盞炒通菜， 碎肉包， 菠蘿海鮮炒飯，串燒，3個人食份量充足，每一款對我來講都煮得好好味，好岩我胃口😋，最後還加點了芒果糯米飯，這裡的 糯米飯居然是熱的，就連我去泰國都未試過熱食，感覺就怪怪地，但一定新鮮😂🤣

以前係雞地讀書N年後雞地鳳攸南街多左好多特色小店經常經過但第一次試呢間小茄子泰國菜除咗單點菜牌，夜晚仲有晚餐晚餐有粉面飯 + 餐飲$100以下都算幾實惠見到好多人買外賣我地叫左泰式生蝦，燒豬頸肉，炭燒牛柳和一個海南雞飯餐，餐飲加錢叫左咸檸七和一枝象啤泰式生蝦好大隻好新鮮，配埋辣汁好正豬頸肉和牛柳份量估唔到都好多下，有小小炭燒味，仲配埋醬汁，結果食唔哂打包拎走侍應好好人，見我地打包拎走，用盒仔裝左啲醬汁比我地海南雞飯雞肉嫩滑，油飯都好味，份量都多整體上今餐好滿意，上菜速度都好快好想試下冬蔭公湯不過前排整親手要戒口，下次再黎試吓

去泰國餐廳食飯，一般都會點菠蘿炒飯，好多餐廳都會連埋個菠蘿一齊上，咁就收貴啲，呢度嘅菠蘿炒飯，雖然冇原個菠蘿，但好足料，首先有好多脆卜卜而且大大粒嘅腰果，仲充滿肉鬆，呢個樣拎出嚟已經冇得輸！炒飯裏面仲有好多海鮮，如此足料嘅菠蘿炒飯，唔使原個菠蘿啦！🤤🤤

今日去左食小茄子既椒鹽豬排飯午餐，塊豬排普通size，都ok唔太肥，飯既分量普通，有啲菜。有例湯，飲熱咖啡。整體而言，感覺ok。個環境都ok，坐得舒服，仲有送餐服務添！

星期日周圍食嘢都好多人，係雞地附近見佢唔洗等位就食啦。完全冇諗過係差到爆。。。。Order咗兩碗冬陰功湯河，一個係海南雞，一個係墨魚丸。上到黎呢碗確定真係冬陰功？店員話佢地既冬陰功湯就係咁完全係難食既番茄湯，湯底一啲香茅、辣椒、青檸南薑都冇如果係普通粉麵店整呢碗出黎都唔意外。但係大佬啊，你係做泰國菜起家個啵…夠膽死比呢碗番茄湯我？然後墨丸超級大陣雪藏味….完全係超乎預期既難食…冇咩事都唔會再入去食…

喺元朗雞地嘅泰國餐廳，平時都幾多人幫襯，今日大約6點幾7點去到都差唔多冇位。十分推薦佢哋餐廳嘅海南雞冬陰功湯粉，湯汁酸酸辣辣，加上海南雞都好嫩，好好味！炸春卷同炸蝦都好唔錯，值得一試。

小茄子已經係元朗開左好多年,由一間好簡陋既小店,做到而家都算有唔錯既裝修,而作為經營左咁多年既泰國菜餐廳,佢地既出品當然有返咁上下水準,個人覺得最出色既就係咖哩蟹包同炒金邊粉,有機會大家一家要試下

今晚8點半左右，第一次幫襯小茄子，外賣泰式乾炒牛河同泰式海南雞飯。。。食落去已有怪味，牛肉又😖。。。最嚴重係（從圖中找亮點）我老婆食完仲要反胃🤮。。。不要計食物是用錢買回來，就在這個疫情期間，連基本的衛生都做成咁？沒有心做就真係唔好做飲食，遲早會出事。。。一顆星也不值！ 。。。。。。。。。。。。。。。。。。。。。。。。。。。。。。

因為熱情關係，所以媽媽的生日飯改為在家慶祝， 我們選擇了小茄子是因為堂食好好味，食物質素高, 食材是經過多番挑選才進貨的. 當日一早準備點好了餸菜，通知了職員我們想幾多點開飯，佢預好時間準時送到。而且送到來的食物還是剛剛煮好一樣，新鮮美味。外賣的包裝也很細心，很得體，嗰隻海南雞可以話係全港最好食嘅海南雞！沙嗲雞串小朋友食到笑呵呵！如果有party到會，一定要試試！

疫情下無得飛泰國唯有係香港尋找泰國味一入去 就有泰國風味 裝修同氣味連員工都有泰國人午餐叫左個海南雞配冬蔭公湯河，青咖哩雞飯同茶記一樣幾十蚊既午餐 但竟然有咁高質素既味覺享受份量也不少 好彩無去食茶記冬蔭公超香真係可以連湯都飲曬香料超足要有既都有菇 茄仔 粟米荀...青咖哩都非常好食好creamy 好濃 辣度都適中晚餐會比午餐貴少少要推介椒鹽軟殼蟹超級香比坊間的食到只有炸皮唔同佢真係可以食到 肉 ！係蟹肉嫁！十分之推薦

每次入到泰菜餐廳都會點青木瓜沙律🥗坐低一陣點完菜好快就有得食喇青木瓜沙律酸酸甜甜味道清新，份量好大，不過好似冇乜辣味。 但都幾爽口，幾好食。海南雞冬蔭功河粉份糧一樣勁多， 可以分到4個碗仔冬蔭功湯味偏淺淡， 怕辣怕酸既人都完全食到， 河粉入味又滑值得一讚， 至於個海南雞， 雞肉都好滑嘟嘟好香， 抵食。最後上既菜係豬頸肉炒芥蘭， 芥蘭都幾新鮮爽脆， 豬肉又夠腍， 辣味依然冇乜整體味道其實唔差， 不過我個人黎講鐘意辣少少