大榮華酒樓

Open Now

Now Closed

Hubby對吃有點要求，不一定要珍饈百味，但一定要真材實料，用心製作。大榮華是其中一家讓他回頭再吃的食肆。素來愛吃魚的他，今次點了一道「咸水檸蒸烏頭」。即叫即蒸，而且整條魚上。街市現時一條烏頭大約$50、60元，但這道菜才$82（另收加一），魚的質素亦很好，吃得出鮮味，實在抵吃。對我來說唯一瑕疵，就是近魚鯺位置魚麟清理不夠乾淨。完美的一頓飯應該要有魚有肉也有菜，既然魚有了，我便點了道「咸魚茸煎藕餅」，內裡混了豬肉，就有肉有菜（蓮藕是蔬菜吧！）煎得香口也不膩，就算菜涼了，碟上也沒半滴油，咬落也沒有油「唧」出來，現在很少地方能夠做得到。能夠做到這樣，油一定要夠滾才行。若然稍多一點蓮藕粒，咬落就更爽口，口感更佳。去大榮華吃飯，豬油撈飯實在不能不點。雖然我對豬油沒多大興趣，但Hubby喜歡，我試過以後也點難以接受只有白飯。Hubby盛讚這裡的米飯，雖然不是最上乘的，但肯定是靚米，每粒都飽滿兩頭尖，一粒粒的，沒有糊在一起，沒有米糠的粗糙，現在很少中式食肆用到這樣級數的靚米。我的撈飯功夫還沒到家，落了一平湯匙的豬油和兩平湯匙的頭抽，略嫌豬油多了點，吃落較「立」，下次試落八分滿，應該差不多了。今次還

同大少講要去大榮華講左幾世耐終於都去得成! 此行目的: 肥美烏頭6點去到已經超多人, 等位期間仲見到肥滔行出行入, 不過實在太多人堆響門口, 而佢個腩又有返咁上下,佢行極都行唔到出去 (-_-)""等左差唔多成個鐘先有得埋位, 由於等位時已經揀左想食d咩, 所以一坐低就fing張小菜紙俾呀姐。 豬油撈飯黎得大榮華點可以唔食豬油撈飯? 雖然枝豬油聞落有陣油益味, 但係撈左落兜飯又真係勁香。 咸水檸蒸烏頭我最鍾意食咸檸檬蒸烏頭, 雖然呢條魚冇我想像中咁肥美, 不過都好香, 完全冇泥味。 蓮藕片炒豬脷蓮藕片好爽口, 豬脷切得厚身又夠份量。 金沙蟹粉扒西蘭花咪睇佢賣相好似好得咁, 其實面頭pat"金沙蟹粉"落得太多豆粉, 杰撻撻好難食。碟野放左大概15分鐘, pat"金沙蟹粉"已經呈現凝固狀, 我地好輕易就將呢pat野好似張被咁揭起, 淨係食底下d冇味西蘭花算數! 芋頭西米露晚市有糖水送, (先到先得, 送完即止) 你唔問呀姐, 呀姐其實係唔會話你知有糖水送, 隔離枱都係埋左單先見到我地有得食, 飲恨~~~

同朋友行左成日山，終點係元朗，當然要黎榮華大吃一餐啦！明火煲例湯：普普通通，媽咪煲既好飲好多。團頭五味雞 ($52 / 一隻)：雞肉嫰滑，好味！乳香酥炸生蠔：炸得鬆化，生蠔鮮味。豬油撈飯：我一向都唔鍾意食，朋友仔都覺得麻麻地好味，而且好油膩。羊腩煲：羊肉算係嫩滑，湯汁香濃。咸蛋王蟹肉扒菠菜：咸蛋王蟹肉味道啖左D，唔香。咸水檸蒸烏頭：魚肉鮮美，咸水檸蒸無晒魚腥味。大馬站豆腐煲：食唔出有咩特別味道，應該野味些就好。黑椒汁牛崧炆鴛鴦米：炒得有鑊氣，黑椒味香嘖嘖。奶王馬拉糕 (8件)：朋友仔話係佢必食之選，味道都幾香，質感鬆軟。除左羊腩煲，每碟菜只係 $52，幾抵食啊！我地重叫左D酒飲，一班心人傾下計真開心。